ວັນພະຫັດ, ວັນທີ 12 ກັນຍາ 2024
ສີລະປະສະໝັກຫຼິ້ນ ວປກ ສະແດງຜ່ານລາຍການ ຊຸດທີ I
ເວລາອອກຂ່າວ: 2024-08-01 11:48:24 | ຜູ້ຂຽນ : admin2 | ຈຳນວນຄົນເຂົ້າຊົມ: 655 | ຄວາມນິຍົມ: 
ວັນທີ 30 ກໍລະກົດ 2024 ນີ້, ສີລະປະສະໝັກຫຼິ້ນ ວິທະຍາຄານປ້ອງກັນຊາດ ໄກສອນ ພົມວິຫານ (ວປກ) ໄດ້ຈັດຕັ້ງສະແດງຜ່ານລາຍການ ຊຸດທີ I ເພື່ອກຽມເຂົ້າຮ່ວມກິດຈະກຳສະເຫຼີມສະຫຼອງພິທີແຮກສ່ຽວລະຫວ່າງ ວປກ ກັບ ວິທະຍາຄານປ້ອງກັນຊາດ ສສ ຫວຽດນາມ ຄົບຮອບ 15 ປີ (27 ກັນຍາ 2009 – 27 ກັນຍາ 2024) ເຊິ່ງຈະໄດ້ຈັດຂຶ້ນໃນລະຫວ່າງເດືອນ ກັນຍາ 2024 ນີ້, ໂດຍການເຂົ້າຮ່ວມຮັບຊົມຂອງ ສະຫາຍ ພົນຈັດຕະວາ ຮສ ປອ ສົມພອນ ສີສຸວັນນະ ຮອງຫົວໜ້າການເມືອງ,ຫົວໜ້າກົມການເມືອງ ວປກ ມີ ຄະນະຊີ້ນໍາລວມ, ຄະນະຄູເຝິກ,ພ້ອມດ້ວຍຄະນະນັກສະແດງສີລະປະສະໝັກຫຼິ້ນເຂົ້າຮ່ວມ.
ການກະກຽມ ແລະ ການເຝິກຊ້ອມຕະຫຼອດໄລຍະ 2 ເດືອນທີ່ຜ່ານມາພາຍໃຕ້ການນໍາພາ-ຊີ້ນຳຢ່າງໃກ້ຊິດຂອງຄະນະພັກ-ຄະນະບັນຊາ, ຄະນະອະນຸກໍາມະການຮັບຜິດຊອບ ແລະ ຄະນະຄູເຝິກ-ນັກສະແດງ ໄດ້ທຸ້ມເທເຮື່ອແຮງ,ສະຕິປັນຍາຄົ້ນຄວ້າປະດິດສ້າງລາຍການສະແດງດ້ວຍຄວາມຮັບຜິດຊອບສູງ ເຖິງວ່າເວລາການເຝິກຊ້ອມຈະມີຄວາມຫຍຸ້ງຍາກໃນຫຼາຍດ້ານກໍ່ຕາມທຸກສະຫາຍໄດ້ເອົາໃຈໃສ່ເຝິກຊ້ອມຢ່າງຕັ້ງໜ້າເຂົ້າໃນລາຍການສະແດງ ເຊິ່ງປະກອບມີ: 9 ລາຍການສະແດງ ຄື: ບົດຮ້ອງເພງ 5 ບົດເພງ 1. ສອງວິທະຍາຄານປ້ອງກັນຊາດສາມັກຄີ, 2. ສາຍສຳພັນສອງກອງທັບລາວ-ຫວຽດນາມ, 3. ວປກ ສົມຊື່ລືຊາ, 4. ບຸນຄຸນລຸງໄກ່ສອນຍິງໃຫຍ່, 5. ມູນເຊື້ອ ວປກ ແລະ ບົດກາບກອນທີມີຊື່ວ່າ: ຄວາມຮັກສອງວິທະຍາຄານປ້ອງກັນຊາດ ລາວ-ຫວຽດ ປະພັນບົດກອນ, ເນື້ອຮ້ອງທຳນອງເພງ ໂດຍ ພົນຈັດຕະວາ ຮສ ປອ ສົມພອນ ສີສຸວັນນະ, ບົດຮ້ອງປະສານຟ້ອນ: ຮ່າໂນຍວຽງຈັນ ປະດິດບົດຟ້ອນໂດຍ ຮ້ອຍເອກ ນາງ ສຸດຖະໜອມ ບຸບຜາ, ບົດຟ້ອນ ບິດາຂອງຊາດ ປະດິດບົດຟ້ອນໂດຍ ຮ້ອຍເອກ ນາງ ສົມປອງ ໄພມະນີ ແລະ ບົດຟ້ອນ ເທີດທູນບຸນຄຸນພັກ ປະດິດໂດຍ ຮ້ອຍໂທ ນາງ ວອນທິດາ ສຸພັນນະລັງສີ, ເຊິ່ງການສະແດງຜ່ານລາຍການເພື່ອເປັນການກວດກາເນື້ອໃນໂຄງຮ່າງລາຍການສະແດງທີ່ຈະເຂົ້າຮ່ວມກິດຈະກໍາໃນຄັ້ງນີ້ໃຫ້ມີເນື້ອໃນ ເລິກເຊິ່ງແທດເໝາະກັບແນວທາງນະໂຍບາຍຂອງພັກ-ລັດ ແລະ ແນວຄິດວັດທະນະທໍາຂອງ ກອງທັບປະຊາຊົນລາວ-ຫວຽດນາມ ແລະ ເພື່ອແລກປ່ຽນຄໍາເຫັນໃສ່ໃນລາຍການສະແດງໃຫ້ມີຄວາມເໝາະສົມ ແລະ ຈົບງາມ. ເນື້ອໃນ ແລະ ຮູບການສະແດງທັງ 9 ລາຍການ ໄດ້ສ່ອງແສງໃຫ້ເຫັນນໍ້າໃຈຄວາມສາມັກຄີ, ມິດຕະພາບລະຫວ່າງສອງຊາດ,ສອງກອງທັບ ລາວ-ຫວຽດນາມ ໂດຍຜ່ານເນື້ອຮ້ອງທໍານອງເພງ ແລະ ເຕັກນິກການສະແດງ, ນອກຈາກນີ້ ຍັງເປັນການກະກຽມໃຫ້ແກ່ການຕ້ອນຮັບກອງປະຊຸມໃຫຍ່ອົງຄະນະພັກ ວປກ ຄັ້ງທີ V ທີ່ຈະມາເຖິງໃນໝໍ່ໆນີ້ອີກດ້ວຍ.
ໂດຍ: ສາວີວັນ ວົງຄຳຊາວ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
