POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ກັນຍາ 2024

ກອງບັນຊາການທະຫານແຂວງອັດຕະປືປະກາດການແຕ່ງຕັ້ງພະນັກງານຫຼາຍຕຳແໜ່ງ
ເວລາອອກຂ່າວ: 2024-08-01 11:50:34 | ຜູ້ຂຽນ : admin2 | ຈຳນວນຄົນເຂົ້າຊົມ: 668 | ຄວາມນິຍົມ:

ໃນວັນທີ 31 ກໍລະກົດ 2024, ກອງບັນຊາການທະຫານແຂວງອັດຕະປື ໄດ້ຈັດພິທີປະກາດການແຕ່ງຕັ້ງພະນັກງານຫຼາຍຕຳແໜ່ງ ແລະ ປະກາດການອະນຸມັດໃຫ້ນາຍທະຫານພັກການກຽມຮັບເບ້ຍບໍານານ, ໂດຍການເປັນປະທານຂອງສະຫາຍ ພົນຈັດຕະວາ ໂຊກໄຊ ພິມມະລາ ກຳມະການຄະນະປະຈໍາພັກແຂວງ,ຫົວໜ້າການເມືອງກອງບັນຊາການທະຫານແຂວງອັດຕະປື ມີ ຄະນະພັກ-ບັນຊາການອົງການ 5 ຫ້ອງ, ກອງບັນຊາການທະຫານເມືອງ,ກອງພັນ,ກອງຮ້ອຍເອກະລາດ,ໂຮງຮຽນ,ໂຮງໝໍ,ພະແນກການ ແລະ ພະນັກງານທີ່ຖືກແຕ່ງຕັ້ງເຂົ້າຮ່ວມ. ສະຫາຍ ພັນໂທ ວົງກົດ ຊະນະເລີດ ຫົວໜ້າພະແນກພະນັກງານ ກອງບັນຊາການທະຫານແຂວງອັດຕະປື ໄດ້ຜ່ານຂໍ້ຕົກລົງຂອງກອງບັນຊາການທະຫານແຂວງອັດຕະປື ວ່າດ້ວຍອະນຸມັດໃຫ້ນາຍທະຫານພັກການຮັບບໍານານ,ຂໍ້ຕົກລົງວ່າດ້ວຍການຖອນພະນັກງານຢູ່ບັນດາກົມກອງ ແລະ ຂໍ້ຕົກລົງວ່າດ້ວຍການແຕ່ງຕັ້ງພະນັກງານພະແນກການ,ກົມກອງທີ່ຂຶ້ນກັບກອງບັນຊາການທະຫານແຂວງອັດຕະປືໄປຮັບໜ້າທີ່ໃໝ່. ອີງຕາມ ກົດໝາຍວ່າດ້ວຍນາຍທະຫານກອງທັບປະຊາຊົນລາວ ວ່າດ້ວຍການແຕ່ງຕັ້ງ,ຍົກຍ້າຍນາຍທະຫານ, ອີງຕາມ ທິດທາງກ່ຽວກັບການປັບປຸງບູລະນະກົງຈັກການຈັດຕັ້ງນໍາພາ - ບັນຊາ ໃນກໍາລັງປະກອບອາວຸດໃຫ້ເຂັ້ມແຂງໜັກແໜ້ນຮອບດ້ານ,ເພື່ອເຮັດສໍາເລັດໜ້າທີ່ປົກປັກຮັກສາ ແລະ ພັດທະນາປະເທດຊາດ.ກອງບັນຊາການທະຫານແຂວງອັດຕະປືຕົກລົງ ອະນຸມັດໃຫ້ນາຍທະຫານພັກການກຽມຮັບເບ້ຍບໍານານ ຈໍານວນ 11 ສະຫາຍ, ຂໍ້ຕົກລົງຖອນພະນັກງານຢູ່ບັນດາກົມກອງມາລໍຖ້າສັບຊ້ອນໜ້າທີ່ໃໝ່ຢູ່ຫ້ອງການເມືອງກອງບັນຊາການທະຫານແຂວງ ອັດຕະປື ມີ 15 ສະຫາຍ ແລະ ແຕ່ງຕັ້ງພະນັກງານບາງພະແນກການ,ບາງກົມກອງທີ່ຂຶ້ນກັບກອງບັນຊາການທະຫານແຂວງອັດຕະປືໄປຮັບໜ້າທີ່ໃໝ່ 168 ສະຫາຍ. ໃນໂອກາດດັ່ງກ່າວ, ສະຫາຍ ພົນຈັດຕະວາ ໂຊກໄຊ ພິມມະລາໄດ້ໂອ້ລົມຫຼາຍບັນຫາທີ່ສຳຄັນ ພ້ອມທັງໄດ້ເນັ້ນໜັກໃຫ້ ຄະນະພັກ-ຄະນະບັນຊາ ກໍຄື ຜູ້ທີ່ໄດ້ຮັບການແຕ່ງຕັ້ງຮັບໜ້າທີ່ໃໝ່ ຈົ່ງເພີ່ມທະວີຄວາມຮັບຜິດຊອບຕໍ່ໜ້າທີ່ການເມືອງຂອງຕົນໃຫ້ສູງຂຶ້ນ ເອົາໃຈໃສ່ຕັ້ງໜ້າເຝິກຝົນຫຼໍ່ຫຼອມຕົນເອງດ້ານຄຸນທາດການເມືອງໃຫ້ໜັກແໜ້ນເຂັ້ມແຂງ ມີຄຸນສົມບັດສິນທໍາປະຕິວັດ ມີ ແບບແຜນວິທີເຮັດວຽກ ບົນພື້ນຖານຫຼັກການລວມສູນປະຊາທິປະໄຕ ເຮັດວຽກເປັນໝູ່ຄະນະ ຖືກຕ້ອງສອດຄ່ອງກັບຄວາມເປັນຈິງໃນໄລຍະໃໝ່ ພ້ອມກັນພັດທະນາກົມກອງໃຫ້ກ້າວໜ້າຂຶ້ນເລື້ອຍໆ. ໂດຍ: ຕິ໋ມພອນ.

news to day and hot news