ວັນພຸດ, ວັນທີ 11 ກັນຍາ 2024
ໜ່ວຍພັກກົມການທະຫານທ້ອງຖີ່ນສໍາເລັດກອງປະຊຸມໃຫຍ່ສະມາຊິກພັກ ຄັ້ງທີ VIII
ເວລາອອກຂ່າວ: 2024-08-01 11:54:37 | ຜູ້ຂຽນ : admin2 | ຈຳນວນຄົນເຂົ້າຊົມ: 590 | ຄວາມນິຍົມ: 
ກອງປະຊຸມໃຫຍ່ສະມາຊິກພັກ ຄັ້ງທີ VIII ຂອງຄະນະໜ່ວຍພັກກົມການທະຫານທ້ອງຖີ່ນ ກົມໃຫຍ່ເສນາທິການ ກອງທັບ ໄດ້ຈັດຂຶ້ນໃນວັນທີ 31 ກໍລະກົດ 2024, ໂດຍການເປັນປະທານຂອງສະຫາຍ ພົນຕີ ສົມພອນ ມິດຕະພອນ ກໍາມະການຄະນະພັກກະຊວງປ້ອງກັນປະເທດ,ຮອງຫົວໜ້າກົມໃຫຍ່ເສນາທິການກອງທັບ ມີ ຄະນະໜ່ວຍພັກ, ສະມາຊິກພັກ ແລະ ແຂກຖືກເຊີນເຂົ້າຮ່ວມ.
ສະຫາຍ ພັນເອກ ບຸນລ້ອມ ອຸດົມສຸກ ເລຂາໜ່ວຍພັກ ກົມການທະຫານທ້ອງຖີ່ນ ກົມໃຫຍ່ເສນາທິການກອງທັບ ໄດ້ຜ່ານບົດລາຍງານການເມືອງທັງສອງພາກ,ໂດຍຍົກໃຫ້ເຫັນບັນດາຜົນງານ,ຂໍ້ຄົງຄ້າງ,ສາເຫດທີ່ພາໃຫ້ມີຈຸດດີ ແລະ ຈຸດອ່ອນ, ຈາກນັ້ນກອງປະຊຸມໄດ້ຮັບຟັງການຄົ້ນຄວ້າ,ປະກອບຄໍາເຫັນຂອງບັນດາສະຫາຍສະມາຊິກພັກຕໍ່ໝາກຜົນໃນການນໍາພາ-ຊີ້ນຳຂອງຄະນະພັກໃນຊຸມປີຜ່ານມາ, ການເປັນແບບຢ່າງໃນການເຕົ້າໂຮມຄວາມສາມັກຄີ, ເປັນປຶກແຜ່ນພາຍໃນພັກ ກໍຄື ພາຍໃນຄະນະພັກ, ຄວາມພະຍາຍາມສູ້ຊົນຂອງພະນັກງານ-ສະມາຊິກພັກການປະກອບສ່ວນຫົວຄິດປະດິດສ້າງ, ສະໜັບສະໜູນ,ອຸ້ມຊູຊ່ວຍເຫຼືອຈາກທຸກພາກສ່ວນຈາກອໍານາດການປົກຄອງທ້ອງຖິ່ນ ແລະ ປະຊາຊົນບັນດາເຜົ່າຢ່າງກວ້າງຂວາງ. ຈາກນັ້ນຜູ້ແທນກອງປະຊຸມກໍໄດ້ໃຊ້ສິດປະຊາທິປະໄຕປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ ເຊິ່ງກອງປະຊຸມຄັ້ງປະຖົມມະລຶກເລືອກເອົາ: ສະຫາຍ ພັນເອກ ບຸນລ້ອມ ອຸດົມສຸກ ເປັນເລຂາໜ່ວຍພັກ, ສະຫາຍ ພັນເອກ ບຸນທັນ ໄຊມົງຄຸນ ເປັນຮອງເລຂາໜ່ວຍພັກ, ສະຫາຍ ພັນເອກ ທອງພັນ ແກ້ວດວງສີ ເປັນກໍາມະການການກວດກາ-ປ້ອງກັນ, ສະຫາຍ ພັນໂທ ສົມທອງ ຈັນທະວົງ ເປັນກໍາມະການຈັດຕັ້ງ-ໂຄສະນາ ແລະ ສະຫາຍ ພັນໂທ ຄໍາອຸ້ຍ ເມັກສະຫວັນ ເປັນກໍາມະການ-ການຄັງ.
ໂອກາດນີ້, ສະຫາຍ ປະທານໄດ້ສະແດງຄວາມຍ້ອງຍໍຊົມເຊີຍ ແລະ ມີຄໍາເຫັນໂອ້ລົມຕໍ່ຄະນະໜ່ວຍພັກຊຸດໃໝ່ ພ້ອມທັງເນັ້ນໜັກໃຫ້ເພີ່ມທະວີບົດບາດການນໍາພາຂອງພັກ, ມີຄວາມເປັນເອກະພາບພາຍໃນຄະນະພັກ, ສຸມໃສ່ປັບປຸງລະບົບການຈັດຕັ້ງພັກໃຫ້ເຂັ້ມແຂງໃນທຸກດ້ານ ນັບແຕ່ຂັ້ນຮາກຖານພັກຂຶ້ນມາ, ການປັບປຸງການຈັດຕັ້ງພັກ ຕ້ອງປະຕິບັດຢ່າງເຂັ້ມງວດ ຕາມ 5 ຫຼັກການ 3 ທິດນໍາ ໃນການກໍ່ສ້າງພັກ,ເອົາໃຈໃສ່ ແລະ ຖືສຳຄັນຕໍ່ການກໍ່ສ້າງພະນັກງານ - ສະມາຊິກພັກໃຫ້ເຂັ້ມແຂງ ແລະ ເປັນແບບຢ່າງນຳໜ້າໃນທຸກຂົງເຂດວຽກງານ, ພ້ອມກັນນັ້ນກໍຕ້ອງສຶກສາອົບຮົມໃຫ້ພະນັກງານ - ສະມາຊິກພັກຮັບຮູ້ເຊື່ອມຊຶມຢ່າງເລິກເຊິ່ງຕໍ່ອຸດົມການຂອງພັກ ເສີມຂະຫຍາຍພັກໃຫ້ ປອດໃສ ເຂັມແຂງ ໜັກແໜ້ນ ຢ່າງຮອບດ້ານ.
ໂດຍ: ພຸດທະວອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
