ວັນຈັນ, ວັນທີ 14 ຕຸລາ 2024
ທະຫານເມືອງປະທຸມພອນ ເປີດຊຸດເຝິກອົບຮົມ-ຫັດແອບ ໃຫ້ກຳລັງກອງຫຼອນ-ກອງປ້ອງກັນຕົວ
ເວລາອອກຂ່າວ: 2024-09-10 08:53:34 | ຜູ້ຂຽນ : admin1 | ຈຳນວນຄົນເຂົ້າຊົມ: 211 | ຄວາມນິຍົມ: 
ວັນທີ 5 ກັນຍາ 2024, ກອງບັນຊາການທະຫານເມືອງປະທຸມພອນ ແຂວງຈຳປາສັກ ໄດ້ເປີດຊຸດເຝິກອົບຮົມ-ຫັດແອບ ການ ເມືອງ, ການທະຫານ ໃຫ້ກຳລັງກອງຫຼອນ-ກອງປ້ອງກັນຕົວ ທົ່ວເມືອງປະທູມພອນ, ໂດຍການເປັນ
ປະທານຂອງ ສະຫາຍ ນາງ ຄຳມອນ ຊາມົນຕີ ຮອງເຈົ້າ ເມືອງເມືອງປະທຸມພອນ, ມີ ສະຫາຍ ພັນຕີ ພານິດ ກິຕິມະສັກ ຮອງຫົວໜ້າພະແນກການທະ ຫານທ້ອງ ຖິ່ນ ກອງບັນຊາການທະຫານແຂວງຈຳປາສັກ, ສະຫາຍ ພັນ
ໂທ ຄຳຕັນ ສຸວັນນະໄກສອນ ຮັກສາການຫົວໜ້າການທະຫານ ກອງບັນຊາການທະຫານເມືອງປະທຸມພອນ, ຄະນະພັກ-ຄະນະບັນຊາ, ແຂກທີ່ຖືກເຊີນ ພ້ອມດ້ວຍ ພະນັກງານ-ນັກຮົບ ແລະ ກຳລັງກອງຫຼອນ-ກອງປ້ອງກັນຕົວ 9 ກຸ່ມບ້ານ 11 ກອງຮ້ອຍ ເຂົ້າຮ່ວມ.
ສະຫາຍ ພັນຕີ ບຸນເມັງ ອັກຄະວົງ ຫົວໜ້າພະແນກເສນາທິການ ກອງບັນຊາການທະຫານເມືອງປະທຸມພອນ ໄດ້ຜ່ານຂໍ້ຕົກລົງ ຂອງຫ້ອງເສນາທິການທະ ຫານແຂວງຈຳປາສັກ ວ່າດ້ວຍການອະນຸມັດໃຫ້ກອງບັນຊາການທະຫານເມືອງປະທຸມພອນ ເປີດຊຸດເຝິກອົບຮົມ-ຫັດແອບ ການເມືອງ, ການທະຫານ ໃຫ້ກຳລັງກອງຫຼອນ-ກອງ ປ້ອງກັນຕົວ ປະຈຳປີ 2024 ແລະ ຜ່ານແຜນ ການອົບຮົມ-ຫັດແອບ ເພື່ອເຮັດໃຫ້ກຳລັງກອງຫຼອນ-ກອງປ້ອງກັນຕົວໃນທົ່ວເມືອງປະທຸມພອນ ມີຄວາມຮູ້, ຄວາມສາມາດ ທາງດ້ານວິຊາສະເພາະ ທັງເປັນການຍົກລະດັບດ້ານສິລະປະຍຸດ-ຍຸດທະວິທີສູ້ຮົບອັນແຫຼມຄົມ, ມີລະບຽບວິໄນເຂັ້ມງວດ ແລະ ຮັບປະກັນໃນທຸກດ້ານ.ສຳລັບການອົບຮົມ-ຫັດແອບ ແມ່ນໄດ້ດຳເນີນໄປເປັນເວລາ 8 ວັນ ຈຶ່ງຈະສຳເລັດ.
ໂດຍ: ດາວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
