ວັນຈັນ, ວັນທີ 14 ຕຸລາ 2024
ປະກາດການບົ່ງຕົວແຕ່ງຕັ້ງຄະນະໜ່ວຍພັກ ທີ່ຂຶ້ນກັບ ຄະນະພັກຮາກຖານ ກອງຍິງປືນ 199
ເວລາອອກຂ່າວ: 2024-09-10 08:55:52 | ຜູ້ຂຽນ : admin1 | ຈຳນວນຄົນເຂົ້າຊົມ: 186 | ຄວາມນິຍົມ: 
ວັນທີ 5 ກັນຍາ 2024, ກອງຍິງປືນ 199 ໄດ້ປະກາດການບົ່ງຕົວແຕ່ງຕັ້ງ ຄະນະໜ່ວຍພັກ ທີ່ຂຶ້ນກັບ ຄະພັກຮາກຖານ ກອງຍິງປືນ 199, ໂດຍການເປັນປະທານຂອງ ສະຫາຍ ພັນເອກ ພອນແກ້ວ ສຸລິວັນວົງສາ ເລຂາຄະນະພັກຮາກຖານ, ຫົວໜ້າການທະຫານ ກອງຍິງປືນ 199, ມີຄະນະພັກ-ຄະນະບັນຊາ ພ້ອມດ້ວຍ ພະນັກງານສະມາຊິພັກ ເຂົ້າຮ່ວມ.
ສະຫາຍ ຮ້ອຍເອກ ເພັດສະໝອນ ໄຊອຸດົມ ຮັກສາການຫົວໜ້າຂະ ແໜງຈັດຕັ້ງພັກ-ພະນັກງານ ໄດ້ຜ່ານມະຕິຕົກລົງ ຂອງຄະນະປະຈຳພັກ ກົມໃຫຍ່ເສນາທິການກອງທັບ ວ່າດ້ວຍການບົ່ງຕົວແຕ່ງຕັ້ງປ່ຽນແທນ ເລຂາ, ຮອງເລຂາ ແລະ ກຳມະການ ໜ່ວຍພັກ ທີ່ຂຶ້ນກັບ ຄະນະພັກຮາກຖານ ກອງຍິງປືນ 199, ອີງຕາມກົດລະບຽບ ຂອງພັກປະຊາຊົນປະຕິວັດລາວ ສະໄໝ XI ວ່າດ້ວຍການສ້າງຕັ້ງ, ການບົ່ງຕົວແຕ່ງຕັ້ງ, ການຍົກຍ້າຍ ແລະ ການສິ້ນສຸດເປັນກຳມະການຄະນະພັກ. ຄະນະປະຈຳພັກ ກົມໃຫຍ່ເສນາທິການກອງທັບ ຕົກລົງແຕ່ງຕັ້ງ ສະຫາຍ ພັນຕີ ສອນຕິສັກ ຕົ່ງວົງຄຳ ຫົວໜ້າພະແນກການເມືອງ ເປັນເລຂາໜ່ວຍພັກພະແນກການເມືອງ, ສະຫາຍ ພັນຕີ ບຸນປະສົງ ຈັນທະວົງ ຮອງຫົວ ໜ້າພະແນກການເມືອງ ເປັນຮອງ ເລຂາໜ່ວຍພັກພະແນກການເມືອງ, ສະຫາຍ ພັນຕີ ເຫຼັຍ ແສງສຸລິນ ຫົວໜ້າຂະແໜງປ້ອງ ກັນພາຍໃນ ເປັນກຳມະການໜ່ວຍ
ພັກພະແນກການເມືອງ, ສະຫາຍ ພັນໂທ ແກ້ວອຸດອນ ສີຫາລາດ ຫົວໜ້າພະແນກອົບຮົມ ເປັນເລຂາໜ່ວຍພັກພະແນກອົບຮົມ, ສະຫາຍ ພັນຕີ ຄຳແສນ ຫຼວງລາດຫົວໜ້າການທະຫານ ກອງຮ້ອຍທີ 2 ເປັນເລຂາໜ່ວຍພັກກອງຮ້ອຍທີ 2, ສະຫາຍ ຮ້ອຍເອກ ສາຍຝົນ ເຫງົາວົງສາ ຫົວໜ້າການເມືອງ ກອງຮ້ອຍທີ 2 ເປັນຮອງເລຂາໜ່ວຍພັກກອງຮ້ອຍທີ 2, ສະຫາຍ ຮ້ອຍເອກ ສົມບັດ ຄຳເກີດ ຮອງຫົວໜ້າການເມືອງ ກອງຮ້ອຍທີ 2 ເປັນກຳມະການໜ່ວຍພັກກອງຮ້ອຍທີ 2, ສະຫາຍ ພັນຕີ ບຸນພອນ ແກ້ວວົງສີ ຫົວໜ້າການເມືອງ ກອງຮ້ອຍທີ 1 ເປັນເລຂາໜ່ວຍພັກ ກອງຮ້ອຍທີ 1, ສະຫາຍ ພັນຕີ ວີ ວົງນະລາດ ຫົວໜ້າການເມືອງ ກອງຮ້ອຍອົບຮົມເຄື່ອນທີ່ ເປັນຮອງເລຂາໜ່ວຍພັກ ກອງຮ້ອຍອົບຮົມເຄື່ອນທີ່, ສະຫາຍ ພັນຕີ ຄົມສັນ ແກ້ວສະຫວ່າງຮອງຫົວໜ້າການທະຫານ ເປັນກຳມະການໜ່ວຍພັກກອງຮ້ອຍອົບຮົມເຄື່ອນທີ່. ທັງນີ້, ກໍເພື່ອເປັນການປັບປຸງບູລະນະການ ຈັດຕັ້ງນຳພາ-ບັນຊາໃນກອງທັບໃຫ້ມີຄວາມໜັກແໜ້ນ, ເຂັ້ມແຂງ ໃນທຸກດ້ານ ເພື່ອເຮັດສຳເລັດໜ້າທີ່ການເມືອງຂອງພັກໃນໄລຍະໃໝ່.
ໂດຍ: ບອ໋ບບີ້ ດີມະນີວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
