POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 14 ຕຸລາ 2024

ໂຮງຮຽນວັດທະນະທຳຊົນເຜົ່າກອງທັບ ສະຖານທີ່ກໍ່ສ້າງຊັບພະຍາກອນມະນຸດ ສ້າງເປັນພະນັກງານຮຸ່ນສືບທອດ
ເວລາອອກຂ່າວ: 2024-09-10 08:57:34 | ຜູ້ຂຽນ : admin1 | ຈຳນວນຄົນເຂົ້າຊົມ: 190 | ຄວາມນິຍົມ:

ເນື່ອງໃນໂອກາດກະກຽມໄຂສົກຮຽນໃໝ່ 2024-2025 ວັນທີ 6 ກັນຍາ 2024 ນີ້, ສະຫາຍ ພັນເອກ ປອ ສະແຫວງ ແດນນາມົນ ຫົວໜ້າການເມືອງ ໂຮງຮຽນວັດທະນະທຳຊົນເຜົ່າກອງທັບ ໄດ້ໂອ້ລົມພະນັກງານຄູ-ອາຈານ ແລະ ນ້ອງນ້ອຍນັກຮຽນ, ເຊິ່ງມີເນື້ອໃນບາງຕອນວ່າ: ໂຮງຮຽນວັດທະນະທຳຊົນ ເຜົ່າກອງທັບ ໄດ້ຮັບການສ້າງຕັ້ງຂຶ້ນໃນປີ 2022 ເປັນສະຖາບັນໜຶ່ງທີ່ເຮັດໜ້າທີ່ກໍ່ສ້າງຊັບພະຍາກອນມະນຸດ ສ້າງເປັນພະນັກງານຮຸ່ນສືບທອດໃຫ້ກອງທັບ ດ້ວຍໂຄງການຫຼັກສູດການຮຽນ-ການສອນ ຈາກກະຊວງສຶກສາທິການ ແລະ ກິລາ. ໂຮງຮຽນວັດທະນະທຳຊົນເຜົ່າກອງທັບຖືວ່າເປັນໂຮງຮຽນຕັ້ງໃໝ່ບໍ່ທັນສົມບູນ. ສະນັ້ນ, ອາຄານ, ສະຖານທີ່, ເຮືອນນອນ, ເຮືອນກິນ, ລະບົບໄຟຟ້າ, ນ້ຳປະປາ ແລະ ວັດຖຸອຸປະກອນຮັບໃຊ້ຈຳນວນໜຶ່ງ ການຕອບສະໜອງ ບໍ່ທັນໄດ້ພຽງພໍກັບຄວາມຕ້ອງການຂອງໜ້າທີ່ວຽກງານ, ນັກຮຽນສ່ວນໜຶ່ງຍັງບໍ່ທັນຄຸ້ນເຄີຍກັບການດຳລົງຊີວິດແບບລວມໝູ່ ແລະ ຍັງບໍ່ທັນຊິນເຄີຍກັບການປະຕິບັດຂໍ້ກຳນົດຂອງກອງທັບ, ກົດລະບຽບຂອງໂຮງຮຽນ ເຊິ່ງເປັນຜົນກະທົບບໍ່ໜ້ອຍຕໍ່ສະພາບແນວຄິດຈິດໃຈ ແລະ ການປະພຶດຂອງນັກຮຽນໃນເບື້ອງຕົ້ນ, ແຕ່ບັນຫາດັ່ງກ່າວນັ້ນມັນບໍ່ແມ່ນອຸປະສັກສຳລັບຜູ້ຢາກຮຽນ, ຢາກເຝິກຝົນຫຼໍ່ຫຼອມຕົນເອງໃຫ້ມີຄວາມກ້າວໜ້າ, ມີອະນາຄົດທີ່ດີ. ພ້ອມດຽວກັນນີ້, ສະຫາຍຍັງໄດ້ເນັ້ນໜັກໃຫ້ຄູ-ອາຈານ ຕ້ອງຍົກສູງຄວາມຮັບຜິດຊອບດ້ວຍການບັນຊາ ແລະ ຄຸ້ມຄອງດ້ານກຳລັງພົນທີ່ຂຶ້ນກັບຄວາມຮັບຜິດຊອບຂອງຕົນໃຫ້ລະອຽດຊັດເຈນ ນຳພາຈັດຕັ້ງປະຕິບັດ 7 ລະບອບ 18 ວຽກຂອງກອງທັບ ກົດລະບຽບຂອງໂຮງຮຽນໃຫ້ຖືກຕ້ອງເຂັ້ມງວດ, ຄຸ້ມຄອງດູແລ, ເບິ່ງແຍງບັນດານ້ອງນ້ອຍນັກຮຽນປຽບເໜືອນລູກຫຼານຂອງຕົນເອງ ນຳພາລູກຫຼານອອກແຮງງານວຽກນອກຫຼັກສູດ, ສ້າງກິດຈະກຳ ຫຼິ້ນກິລາ ເພື່ອໃຫ້ມີບັນຍາກາດ, ມີສຸຂະພາບ, ມີຈິດໃຈເບີກບານມ່ວນຊື່ນ, ຈັດຕັ້ງປະຕິບັດຕາມໂຄງການຫຼັກສູດການຮຽນ-ການສອນ ຕິດຕາມການຂຶ້ນຫ້ອງຮໍ່າຮຽນ ຂອງນັກຮຽນໃຫ້ຖືກຕາມຕາຕະລາງ ຖືກຕາມໂມງ ແລະ ເວລາ. ສຳຫຼັບນັກຮຽນ ກໍຕ້ອງໄດ້ປັບຕົວເອງທີ່ເຄີຍດຳລົງຊີວິດຢູ່ແບບຄອບຄົວ, ຢູ່ແບບເອກະລາດ, ກິນຢູ່ແບບສ່ວນຕົວ, ຫັນເຂົ້າສູ່ການດຳລົງຊີວິດແບບລວມໝູ່, ຕ້ອງພ້ອມກັນສູ້ຊົນ, ອົດທົນຜ່ານຜ່າທຸກຄວາມຫຍຸ້ງຍາກນາໆປະການ, ມີຄວາມຕັດສິນໃຈໃຫ້ສູງສົມກັບຄວາມມັກ-ຮັກໃນອາຊີບ, ສົມກັບຄວາມຫວັງຕັ້ງໃຈຂອງຕົນເອງ, ຂອງພໍ່ແມ່ ຍາດພີ່ນ້ອງທີ່ໄດ້ສົ່ງບັນດາສະຫາຍມາສຶກສາຮ່ຳຮຽນຢູ່ໂຮງຮຽນແຫ່ງນີ້.

news to day and hot news