POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 14 ຕຸລາ 2024

ວິທະຍາຄານການແພດກອງທັບ ສ້າງບຸກຄະລາກອນການແພດຫຼາຍລະບົບອອກຮັບໃຊ້ສັງຄົມ
ເວລາອອກຂ່າວ: 2024-09-10 09:06:25 | ຜູ້ຂຽນ : admin1 | ຈຳນວນຄົນເຂົ້າຊົມ: 253 | ຄວາມນິຍົມ:

ວິທະຍາຄານການແພດກອງທັບ ຍາມໃດກໍເປັນເສນາທິການໃນການຄົ້ນຄວ້າຫຼັກສູດການຮຽນການສອນ, ການແພດ, ການຢາທຸກລະບົບ, ທຸກຂັ້ນແຕ່ຊັ້ນຕົ້ນ, ຊັ້ນກາງ, ຊັ້ນສູງ, ປະລິນຍາຕີ ແລະ ປະລິນຢາໂທ. ພ້ອມນັ້ນ ກໍມີໜ້າທີ່ຄົ້ນຄວ້າຈັດຕັ້ງຮັບປະກັນວຽກງານເສນາຮັກ ໃນການກຽມພ້ອມຕາມຄຳຮຽກ ຮ້ອງຂອງຂັ້ນເທິງ. ໃນໄລຍະຜ່ານມາວິທະຍາຄານການແພດແຫ່ງນີ້ ສາມາດກໍ່ສ້າງພະນັກງານບຸກຄະລາກອນທາງການແພດອອກຮັບໃຊ້ກຳລັງຫຼວງ-ກຳລັງທ້ອງຖິ່ນ ແລະ ສັງຄົມທົ່ວໄປຫຼາຍລຸ້ນ, ຫຼາຍລະບົບ, ໃນປັດຈຸບັນນີ້ກໍກຳລັງຂຸ້ນຂ້ຽວກະກຽມຄວາມພ້ອມດ້ານຕ່າງໆ ເພື່ອຮອງຮັບການເປີດການຮຽນ-ການສອນ ປະຈຳ ສົກຮຽນ 2024-2025. ສະຫາຍ ພັນເອກ ຮຈ ປອ ກິ່ງແກ້ວ ແສງຄຳຢອງ ຮອງຫົວໜ້າການທະຫານ, ຫົວໜ້າຫ້ອງອົບຮົມ ວິທະຍາຄານການແພດກອງທັບ ໄດ້ໃຫ້ຮູ້ວ່າ: ວິທະຍາຄານການແພດກອງທັບ ສ້າງຕັ້ງຂຶ້ນໃນປີ 2014 ເປັນສະຖານທີ່ບຳລຸງ-ກໍ່ສ້າງການສຶກສາຂັ້ນສູງໜຶ່ງໃນລະບົບການສຶກສາຂອງລາວ, ເປັນສະຖານທີ່ການສຶກສາການແພດສູງສຸດຂອງກອງທັບ. ຜ່ານໄດ້ປະຕິບັດບັນດາຫຼັກສູດ ປະລິນຍາຕີແພດທະຫານ, ຊ່ຽວຊານຂັ້ນ I, ປະລິນຍາໂທ, ຊັ້ນສູງການແພດ ແລະ ຊັ້ນສູງ ພະຍາບານ, ຊັ້ນກາງວິເຄາະ, ບຳລຸງໄລຍະສັ້ນ 6 ເດືອນ ຂະແໜງການບັນຊາເສນາຮັກ, ບົ່ງມະຕິຄື້ນສຽງການແພດ. ປີຜ່ານມາໄດ້ສ້າງສຳເລັດປະລິນຍາຕີ 52 ສະຫາຍ, ຊ່ຽວຊານຂັ້ນ I 16 ສະຫາຍ, ປະລິຍາໂທ 10 ສະຫາຍ ແຕ່ລະປີສະເລ່ຍຮັບນັກສຶກສາປະມານ 100-120 ສະຫາຍ. ນັບແຕ່ສ້າງຕັ້ງວິທະຍາຄານການແພດກອງທັບສາມາດສ້າງໄດ້ບັນດາເອກະສານຮັບໃຊ້ການສອນ, ຕຳລາຄູ່ມື ລວມກວ່າ 100 ລາຍການ, ປັບປຸງຫໍສະໝຸດຕອບສະໜອງໄດ້ເຖິງຄວາມຕ້ອງ ການຂອງການຮຽນ-ການສອນ. ສົກຮຽນ 2024-2025 ວິທະຍາຄານການແພດກອງທັບ ໄດ້ຮັບໜ້າທີ່ກໍ່ສ້າງບັນດາເປົ້າໝາຍ: ປະລິນຍາຕີ 72 ສະຫາຍ, ຊ່ຽວຊານຂັ້ນ I ສາຍພາຍໃນ 15 ສະຫາຍ, ປະລິນຍາໂທ 10 ສະຫາຍ, ບຳ ລຸງບົ່ງມະຕິຄື້ນສຽງ 20 ສະຫາຍ ລວມ 117 ສະຫາຍ. ຕໍ່ກັບຕົວເລກນັກສຶກສາທີ່ຮັບເຂົ້າແມ່ນຂ້ອນຂ້າງຫຼາຍທຽບໃສ່ຄວາມສາມາດບັນຈຸຂອງວິທະຍາຄານການແພດກອງທັບ ເຊິ່ງສິ່ງທ້າທາຍ ກໍຄືສະຖານທີ່ພັກເຊົາຄັບແຄບ, ຫ້ອງຮຽນຈຳກັດ ແຕ່ຄະ ນະພັກ-ຄະນະອຳນວຍການກໍໄດ້ພະຍາຍາມໝູນໃຊ້ສະຖານທີ່ ທີ່ມີເພື່ອຮອງຮັບໃຫ້ພຽງພໍສົມທົບກັບການສະເໜີຂອງຂັ້ນເທິງເພື່ອຂໍນຳໃຊ້ ອາຄານຢູ່ໂຮງໝໍສູນກາງ 103 ກອງທັບ ເປັນສະຖານທີ່ພັກເຊົາໃຫ້ນັກສຶກສາ. ສະຫາຍ ຫົວໜ້າຫ້ອງອົບຮົມ ຍັງໃຫ້ຮູ້ຕື່ມອີກວ່າ: ໃນໄລຍະວັນທີ 20-24 ສິງຫາ 2024 ນີ້, ນັກສຶກສາໃໝ່ໄດ້ເຂົ້າມາສະເໜີຕົວ ແລະ ພ້ອມທີ່ຈະເຂົ້າສູ່ການຮ່ຳຮຽນເພື່ອເຝິກຝົນຫຼໍ່ຫຼອມຕົນເອງໃຫ້ມີຄວາມຮູ້ ຄວາມສາມາດນຳໃຊ້ເຂົ້າໃນການປິ່ນປົວຄົນເຈັບໃຫ້ໄດ້ປະສິດທິພາບສູງ. ຄະນະພັກ-ຄະນະອຳນວຍການ ໄດ້ຖືເອົາການສິດສອນ ເປັນໜ້າທີ່ໃຈກາງຂອງວຽກງານເຝິກຝົນຫຼໍ່ຫຼອມໃຫ້ນັກສຶກສາ ໂດຍກຳນົດເອົາຄະແນນຮຽນເປັນໜຶ່ງໃນມາດຖານສຳຄັນຂອງວຽກງານວິຊາສະເພາະເພື່ອຕີລາຄາຜົນການຮຽນ ຂອງນັກສຶກສາ. ພ້ອມນັ້ນຍັງໄດ້ຊີ້ນຳຄະນະຮັບຜິດຊອບຈັດສະຖານທີ່ພັກເຊົ່າ, ເບີກຈ່າຍວັດຖຸ, ເອກະສານຕາມທີ່ຂັ້ນເທິງ ກຳນົດ, ເຄື່ອງອຸປະໂພກຕ່າງໆ ແລະ ມອບໃຫ້ຫ້ອງອົບຮົມກະກຽມແຜນການຮຽນ-ການສອນໃຫ້ນັກສຶກສາໃໝ່ ແລະ ປະເມີນຄວາມຮູ້ເບື້ອງຕົ້ນຂອງນັກສຶກສາກ່ຽວກັບວິຊາ: ເລກ, ຊີວະສາດ, ເຄມີສາດ, ຟີຊິກສາດ ແລະ ພາສາອັງກິດ. ໃນໂອກາດເປີດສົກຮຽນໃໝ່ນີ້ ຕາງໜ້າຄະນະພັກ-ຄະນະອຳນວຍການ ພະນັກງານຄູ-ອາຈານ ທົ່ວ ວິທະຍາຄານການແພດກອງທັບ ຂໍສະແດງຄວາມຂອບໃຈ ແລະ ຮູ້ບຸນຄຸນ ຕໍ່ຄະນະນຳກະຊວງປ້ອງກັນປະເທດ ທີ່ໄດ້ມີແນວທາງນຳພາ, ສ້າງເງື່ອນໄຂຮອບດ້ານໃຫ້ ວິທະຍາຄານການແພດກອງທັບ ໄດ້ປະຕິບັດໜ້າທີ່ອັນມີກຽດສະຫງ່ານີ້, ຂອບໃຈບັນດາສະຖານທີ່ການສຶກສານອກກອງທັບ ເປັນຕົ້ນແມ່ນມະຫາວິທະຍາໄລ ວິທະຍາສາດສຸຂະພາບ ແລະ ໂຮງໝໍສູນກາງ 103 ກອງທັບ ທີ່ໃຫ້ການຮ່ວມມືຊ່ວຍເຫຼືອວິທະຍາຄານການແພດກອງ ທັບຕະຫຼອດມາ, ຂອບໃຈບັນດານັກສຶກສາທັງເກົ່າ ແລະ ໃໝ່ ທີ່ໄດ້ເລືອກຕັດສິນໃຈເຂົ້າ ມາຮຽນຢູ່ວິທະຍາຄານການແພດກອງທັບ ສ້າງແຮງບັນດານໃຈໃຫ້ພະ ນັກງານ ຄູ-ອາຈານ ພວກເຮົາທັງໝົດ ແລະ ໃນໂອກາດນີ້ກໍຂໍຮຽກຮ້ອງ ໃຫ້ນັກສຶກສາໃໝ່ຈົ່ງຕັ້ງໜ້າກຽມຄວາມພ້ອມຮອບດ້ານຈິດໃຈ ແລະ ຮ່າງກາຍ ເພື່ອ ເຂົ້າສູ່ການຮຽນຕະຫຼອດ 6 ປີ ໃຫ້ສຳເລັດຢ່າງຈົບງາມ. ໂດຍ: ຈິດ ເພັດພູທອງ

news to day and hot news