ວັນຈັນ, ວັນທີ 14 ຕຸລາ 2024
ກອງພັນທີ 2 ໂຮງຮຽນວັດທະນະທຳຊົນເຜົ່າກອງທັບ ສະຫຼຸບວຽກງານ ຮອບດ້ານ ປະຈຳປີ 2024
ເວລາອອກຂ່າວ: 2024-09-11 08:49:48 | ຜູ້ຂຽນ : admin1 | ຈຳນວນຄົນເຂົ້າຊົມ: 208 | ຄວາມນິຍົມ: 
ວັນທີ 6 ກັນຍາ 2024, ກອງພັນທີ 2 ໂຮງຮຽນວັດທະ ນະທຳຊົນເຜົ່າກອງທັບ ສະຫຼຸບວຽກງານຮອບດ້ານປະຈຳ 6 ເດືອນຕົ້ນປີ ແລະ ທິດທາງແຜນ ການປະຈຳ 6 ເດືອນທ້າຍ ປີ 2024, ໂດຍການເປັນປະທານ ຂອງ ສະຫາຍ ພັນເອກ ປອ ສະແຫວງ ແດນນາມົນ ຫົວໜ້າ ການເມືອງ ໂຮງຮຽນວັດທະນະ ທຳຊົນເຜົ່າກອງທັບ, ມີຄະນະຫ້ອງ 4 ຫ້ອງ, 2 ກອງພັນ, ກອງ ຮ້ອຍ ແລະ ນັກຮຽນ ເຂົ້າຮ່ວມ.
ສະຫາຍ ພັນໂທ ອວງສີ ສີແສນພົນ ຫົວໜ້າການເມືອງ ກອງພັນທີ 2 ໄດ້ສະຫຼຸບການ ເຄື່ອນໄຫວວຽກງານຮອບດ້ານໃນໄລຍະ 6 ເດືອນຕົ້ນປີຜ່ານມາ, ເຊິ່ງໄດ້ເອົາວຽກງານສຶກສາອົບ ຮົມການເມືອງ-ນຳພາແນວຄິດ ເປັນສຳຄັນສອດຫ້ອຍເຂົ້າໃນທຸກຂົງເຂດວຽກງານຂອງກົມກອງ, ຕິດຕາມການເຄື່ອນໄຫວຂອງນັກຮຽນເວລາຂຶ້ນຫ້ອງ ແລະ ລົງຫ້ອງຮຽນ ນອກນີ້, ຍັງ ໄດ້ເອົາໃຈໃສ່ປ້ອງກັນເວນ ຍາມ ຂອບເຂດຮັບຜິດຊອບມີຄວາມ ສະຫງົບປອດໄພ, ພ້ອມທັງປຸກ ລະດົມໃຫ້ພະນັກງານ-ນັກຮົບເອົາໃຈໃສ່ຢ່າງຕັ້ງໜ້າໃນການອອກແຮງເພີ່ມພູນຜະລິດຜົນ ຕາມທິດ 4 ປູກ 4 ລ້ຽງ ຂອງກົມໃຫຍ່ພະລາທິການວາງອອກ ຢ່າງເຂັ້ມງວດ ຄຽງຄູ່ກັນນີ້, ຍັງ ໄດ້ປະຕິບັດນະໂຍບາຍຕໍ່ພະນັກ ງານ-ນັກຮົບຢ່າງຖືກຕ້ອງ ເໝາະສົມ, ພ້ອມກັນປັບປຸງບູລະນະກົມກອງໃຫ້ມີຄວາມຮັບປະກັນ ແລະ ສະອາດຈົບງາມ.
ສະຫາຍ ພັນເອກ ປອ ສະແຫວງ ແດນນາມົນ ຍັງໄດ້ຮຽກຮ້ອງໃຫ້ຄະນະພັກ-ຄະນະບັນຊາກອງ ພັນ, ກອງຮ້ອຍຕ້ອງໄດ້ເອົາໃຈ ໃສ່ສຶກສາອົບຮົມການເມືອງ-ນຳພາແນວຄິດ ໃກ້ຊິດຕິດແທດກັບພະນັກງານ-ນັກຮົບ, ນຳພາ- ຊີ້ນຳ ເຄື່ອນໄຫວໜ້າທີ່ວຽກງານ ຢູ່ພາຍໃນກົມກອງ, ຊຸກຍູ້ນັກຮຽນ ໃຫ້ມີຄວາມກະຕືລືລົ້ນ, ຫ້າວຫັນໃນການສຶກສາຄົ້ນຄວ້າຮ່ຳຮຽນ, ມີຄວາມສາມັກຄີພາຍໃນໃຫ້ແໜ້ນແຟ້ນ, ເອົາໃຈໃສ່ໃນການປະຕິບັດຂໍ້ກຳນົດ, ກົດລະບຽບ 7 ລະບອບ 18 ວຽກຂອງ ກອງທັບໃຫ້ມີຄວາມເຂັ້ມງວດ, ເອົາໃຈໃສ່ປະກອບສ່ວນຢ່າງຕັ້ງໜ້າເຂົ້າໃນຂະບວນການຕ່າງໆ ຂອງກົມກອງ ກໍຄືຂອງໂຮງຮຽນຈັດ ຂຶ້ນ, ພ້ອມກັນຍົກສູງສະຕິຕໍ່ການ ຈັດຕັ້ງ, ຕ້ານສະກັດກັ້ນປະກົດການຫຍໍ້ທໍ້ຕ່າງໆ ໃຫ້ທັນກັບສະ ພາບການ, ພ້ອມກັນສ້າງກົມ ກອງໃຫ້ກາຍເປັນກົມກອງ 3 ປອດ ປອດໃສ ປອດໄພ ປອດຄະ ດີ ແລະ ກົມກອງ-ນັກຮົບ ວັດທະ ນະທຳ.
ໂດຍ: ໂອລິນ ມິ່ງມີໄຊ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
