ວັນຈັນ, ວັນທີ 14 ຕຸລາ 2024
ກອງພັນໃຫຍ່ 703 ມອບເງິນນະໂຍບາຍອຸດໜູນ
ເວລາອອກຂ່າວ: 2024-09-11 08:51:10 | ຜູ້ຂຽນ : admin1 | ຈຳນວນຄົນເຂົ້າຊົມ: 187 | ຄວາມນິຍົມ: 
ໃນວັນທີ 4 ກັນຍາ 2024, ກອງພັນໃຫຍ່ 703 ໄດ້ມອບເງິນນະໂຍບາຍອຸດໜູນ ໃຫ້ພະ ນັກງານ ທີ່ພັກການ ຮັບບຳນານ, ໂດຍການເປັນປະທານຂອງ ສະຫາຍ ພັນເອກ ເພັງຄຳສຸກ ຂຸນສັກດາ ຫົວໜ້າພະແນກການເມືອງ ກອງພັນໃຫຍ່ 703, ມີຄະນະພັກ-ຄະນະບັນຊາບັນດາຂະແໜງການທີ່ກ່ຽວຂ້ອງ ແລະ ພະນັກງານ ທີ່ພັກການຮັບບຳ ນານ ເຂົ້າຮ່ວມ.
ສະຫາຍ ພັນໂທ ຈັນທະພອນ ວັນນະຈິດ ຊ່ວຍວຽກຂະແໜງພະນັກງານ ກອງພັນໃຫຍ່ 703 ໄດ້ຜ່ານຂໍ້ຕົກລົງ ຂອງກະຊວງປ້ອງກັນປະເທດ ວ່າດ້ວຍການອະນຸມັດໃຫ້ນາຍທະຫານ ພັກການຮັບບຳນານ, ໂດຍອີງຕາມ ກົດໝາຍ ວ່າດ້ວຍນາຍທະຫານກອງທັບປະຊາຊົນລາວ ແລະ ກົດໝາຍ ວ່າດ້ວຍປະກັນສັງຄົມ. ກະຊວງປ້ອງກັນປະເທດຕົກລົງໃຫ້ນາຍທະຫານ ຢູ່ກອງພັນໃຫຍ່ 703 ຮັບເງິນຊົດເຊີຍອຸດໜູນບຳ ນານ ຈຳນວນ 7 ສະຫາຍ ລວມເປັນເງິນທັງໝົດ 178.752.000 ກີບ ໃຫ້ພະນັກງານກ່ອນ ພັກການຮັບບຳນານ ເພື່ອເປັນການປະກອບສ່ວນເຂົ້າໃນການສ້າງເສດຖະກິດຄອບຄົວ.
ສະຫາຍ ພັນເອກ ເພັງຄຳສຸກ ຂຸນສັກດາ ໄດ້ຍ້ອງຍໍຊົມເຊີຍຕໍ່ຜົນງານພະນັກງານ ທີ່ພັກການຮັບບຳນານ ໄດ້ປະກອບສ່ວນອຸ ທິດເຫື່ອແຮງ ແລະ ໄດ້ສຸມທຸກສະ ຕິປັນຍາ ເພື່ອເປັນການປະກອບ ສ່ວນເຂົ້າໃນພາລະກິດປະຕິວັດ ແລະ ເຮັດໜ້າທີ່ອັນສຳຄັນ ຂອງປະເທດຊາດມອບໝາຍໃຫ້ດ້ວຍຄວາມມານະອົດທົນ, ພ້ອມທັງຮຽກຮ້ອງໃຫ້ ຈົ່ງພ້ອມກັນສືບຕໍ່ເຮັດໜ້າທີ່ ສຶກສາອົບຮົມວຽກງານການເມືອງ-ນຳພາແນວຄິດ ໃຫ້ປະຊາຊົນ ແລະ ລູກຫຼານຢູ່ ຮາກຖານບ້ານ ໃຫ້ເຂົ້າໃຈຕໍ່ແນວ ທາງນະໂຍບາຍປ່ຽນແປງໃໝ່ຂອງພັກ, ປະກອບສ່ວນເຂົ້າໃນ ໜ້າທີ່ວຽກງານສ້າງສາເສດ ຖະ ກິດຄອບຄົວໃຫ້ເປັນຄອບຄົວທີ່ດີໃນສັງຄົມ.
ໂດຍ: ນາງ ບົວພັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
