ວັນຈັນ, ວັນທີ 14 ຕຸລາ 2024
ເຜີຍແຜ່ຜົນສຳເລັດ ກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຢູ່ ກອງພົນທີ 4
ເວລາອອກຂ່າວ: 2024-09-11 08:52:08 | ຜູ້ຂຽນ : admin1 | ຈຳນວນຄົນເຂົ້າຊົມ: 185 | ຄວາມນິຍົມ: 
ໃນວັນທີ 5 ກັນຍາ 2024 ນີ້, ສະຫາຍ ນາງ ພິດສະໄໝ ແກ້ວວິເສດ ຮອງປະທານຄະນະກຳມະການວັດທະນະທຳ, ສັງຄົມ ແລະ ບັນດາເຜົ່າ, ສະມາຊິກສະ ພາປະຊາຊົນແຂວງ ປະຈຳເຂດ ເລືອກຕັ້ງເມືອງບໍລິຄັນພ້ອມ ດ້ວຍຄະນະ ໄດ້ເຄື່ອນໄຫວເຜີຍແຜ່ຜົນສຳເລັດກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IX ແລະ ສະພາ ປະຊາຊົນແຂວງບໍລິຄຳໄຊ ຊຸດທີ II ຢູ່ກອງພັນໃຫຍ່ 642, ໂດຍການຕ້ອນຮັບຂອງ ສະຫາຍ ພັນເອກ ຄຳໃສ ແພງຄູນ ຫົວໜ້າການເມືອງ ກອງພັນໃຫຍ່ 642, ມີຄະນະພັກ-ຄະນະບັນຊາກອງພັນໃຫຍ່, ກອງພັນ, 5 ພະແນກການ, ໂຮງໝໍ, ກົມກອງອ້ອມຂ້າງ ແລະ ພະນັກງານ-ນັກຮົບ ເຂົ້າຮ່ວມ.
ສະຫາຍ ພັນເອກ ຄຳໃສ ແພງຄູນ ໄດ້ລາຍງານສະພາບລວມ, ຈຸດພິເສດ, ທີ່ຕັ້ງ ແລະ ພາລະໜ້າທີ່ ຂອງກອງພັນໃຫຍ່ 642 ຈາກນັ້ນ, ສະຫາຍ ນາງ ພິດສະໄໝ ໄດ້ເຜີຍແຜ່ຜົນສຳເລັດກອງປະຊຸມສະພາສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II ທີ່ໄດ້ພິຈາລະນາຮັບຮອງຫຼາຍບັນຫາສຳຄັນພື້ນ ຖານຂອງຊາດ ແລະ ຂອງແຂວງບໍລິຄຳໄຊ ໃຫ້ຜູ້ມີສິດເລືອກຕັ້ງໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງ ແລະ ໄດ້ພົບປະແລກປ່ຽນສົນ ທະນາ, ຮັບຟັງການນຳສະເໜີບັນ ຫາຕ່າງໆ, ຂໍ້ຫຍຸ້ງຍາກຂອງພະ ນັກງານ-ນັກຮົບ ທີ່ພົວພັນກັບການບໍລິຫານລັດ, ການພັດທະນາເສດຖະກິດ-ສັງຄົມ, ວ່າດ້ວຍທີ່ ດິນ, ຊີວິດການເປັນຢູ່ ເພື່ອຊີ້ ແຈງອະທິບາຍບັນຫາຕ່າງໆ ໃຫ້ ພະນັກງານ-ນັກຮົບ ຮັບຮູ້ເຂົ້າໃຈ ແລະ ຮັບເອົາຄຳສະເໜີເພື່ອນຳໄປລາຍງານຕໍ່ຄະນະປະຈຳສະພາ ປະຊາຊົນແຂວງ ເພື່ອຄົ້ນຄວ້າ ພິຈາລະນາ, ປະສານສົມທົບ ກັບ ພາກສ່ວນກ່ຽວຂ້ອງ ພ້ອມກັນແກ້ໄຂຖືກຕ້ອງຕາມສະພາບຄວາມເປັນຈິງ ບົນພື້ນຖານລະບຽບກົດໝາຍເປັນຫຼັກ, ພ້ອມທັງເນັ້ນໜັກໃຫ້ຄະນະພັກ-ຄະນະບັນຊາ, ພະນັກງານຫຼັກແຫຼ່ງທຸກຄົນທີ່ໄດ້ເຂົ້າຮ່ວມເຊື່ອມຊຶມ ສ້າງຄວາມເຂົ້າໃຈເປັນເອກະພາບ ແລະ ເລິກເຊິ່ງ ຕໍ່ບັນດາເນື້ອໃນຈິດໃຈທີ່ໄດ້ກຳນົດໄວ້ໃນກອງປະຊຸມສະ ໄໝສາມັນເທື່ອທີ 7 ຂອງສະພາ ແຫ່ງຊາດ ແລະ ສະພາປະຊາ ຊົນແຂວງ.
ໂດຍ: ແຟນຕ່າ ໄຊຍະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
