ວັນຈັນ, ວັນທີ 14 ຕຸລາ 2024
ກອງພັນໃຫຍ່ 703 ເປີດຂະບວນການອະນາໄມ ຕາມເສັ້ນທາງສຳຄັນສາຍຫຼັກ ນະຄອນຫຼວງວຽງຈັນ
ເວລາອອກຂ່າວ: 2024-09-11 09:17:30 | ຜູ້ຂຽນ : admin1 | ຈຳນວນຄົນເຂົ້າຊົມ: 196 | ຄວາມນິຍົມ: 
ວັນທີ 7 ກັນຍາ 2024 ນີ້, ກອງພັນໃຫຍ່ 703 ກອງບັນຊາການທະຫານອາກາດ ໄດ້ເປີດຂະບວນການອະນາໄມຕາມເສັ້ນທາງຕ່າງໆຢູ່ເທດສະບານ 6 ຕົວເມືອງ ນະຄອນຫຼວງວຽງຈັນ ຕາມເສັ້ນທາງສຳຄັນສາຍຫຼັກ ໃຫ້ມີຄວາມສະອາດຈົບງາມ, ນຳພາໂດຍ ສະຫາຍ ພັນເອກ ບົວວັນ ກັນຍາວົງ ຫົວໜ້າພະແນກເສນາທິການ ກອງພັນໃຫຍ່ 703, ມີນາຍ ແລະ ພົນທະຫານ ຈຳນວນ 400 ກວ່າສະຫາຍ ເຂົ້າຮ່ວມຢ່າງເປັນຂະບວນການຟົດຟື້ນ.
ຈຸດປະສົງໃນການສ້າງຂະບວນການອະນາໄມໃນຄັ້ງນີ້, ໂດຍປະຕິບັດຕາມຄຳສະເໜີຂອງເຈົ້າຄອງນະຄອນຫຼວງວຽງຈັນ ແລະ ທິດຊີ້ນຳຂອງຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ໃນການນຳໃຊ້ກຳລັງອະນາໄມຕາມເສັ້ນທາງຢູ່ພາຍໃນນະຄອນຫຼວງວຽງຈັນ ໃນຂອບເຂດ 6 ຕົວເມືອງ ໃນນີ້, ກອງພັນໃຫຍ່ 703 ເຊິ່ງໄດ້ຮັບການມອບໝາຍຈາກຂັ້ນເທິງ ໄດ້ຈັດຕັ້ງອະນາໄມແຕ່ 3 ແຍກຫຼັກ 2 ຫາ 3 ແຍກໄຟແດງສີໄຄ ມີຄວາມຍາວ 3,4 ກິໂລ
ແມັດ, ຂະບວນການອະນາໄມເສັ້ນທາງສາຍຫຼັກໃນເທດສະບານນະຄອນຫຼວງວຽງຈັນແມ່ນໜຶ່ງໃນກິດຈະກຳຂອງກະຊວງປ້ອງກັນປະເທດ ແລະ ອົງການປົກ
ຄອງນະຄອນຫຼວງວຽງຈັນ ເຊິ່ງເຫັນໄດ້ຄວາມໝາຍຄວາມສຳຄັນໃນການພັດທະນາປະເທດຊາດ ໂດຍສະເພາະກໍເພື່ອເປັນການຕ້ອນຮັບວັນສຳຄັນປະຫວັດສາດຂອງພັກ, ຂອງຊາດ, ຂອງກອງທັບ ຕິດພັນກັບການປະຕິບັດນະໂຍບາຍ 6 ສໍ, ຂໍ້ແຂ່ງຂັນຮັກຊາດ ແລະ ພັດທະນາ ແລະ ເປັນການປະກອບສ່ວນເຂົ້າໃນການຈັດຕັ້ງປະຕິບັດຄຳຂວັນ 6 ຮ່ວມ ນະຄອນຫຼວງວຽງຈັນວາງອອກ ທັງເປັນການຕ້ອນຮັບກອງປະຊຸມທີ່ສຳຄັນຂອງອາຊຽນທີ່ນະຄອນຫຼວງວຽງຈັນ ກໍຄື ສປປ ລາວ ເປັນເຈົ້າພາບ.
ໂດຍ: ກທອ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
