ວັນຈັນ, ວັນທີ 14 ຕຸລາ 2024
ວຕກ ມອບເງິນອຸດໜູນເທື່ອດຽວໃຫ້ນາຍທະຫານ
ເວລາອອກຂ່າວ: 2024-09-11 09:21:16 | ຜູ້ຂຽນ : admin1 | ຈຳນວນຄົນເຂົ້າຊົມ: 182 | ຄວາມນິຍົມ: 
ທ້າຍເດືອນສິງຫາ 2024 ນີ້, ວິທະຍາຄານເຕັກນິກການທະຫານ (ວຕກ) ໄດ້ຈັດພິທີມອບເງິນອຸດໜູນເທື່ອດຽວໃຫ້ນາຍທະຫານໂດຍການເປັນປະທານ
ຂອງ ສະຫາຍ ພັນເອກ ພູທອນ ຄູນລີວົງ ກຳມະການຄະນະພັກວິທະຍາຄານ, ຫົວໜ້າຫ້ອງການເມືອງ ວິທະຍາຄານເຕັກນິກການທະຫານ, ມີບັນດາພະແນກການທີ່ກ່ຽວຂ້ອງ ແລະ ພະນັກງານທີ່ໄດ້ຮັບເງິນອຸດໜູນ ເຂົ້າຮ່ວມ.
ສະຫາຍ ພັນຕີ ນາງ ຈິນດາ ສີລາວັນ ຊ່ວຍວຽກພະແນກພະນັກງານ ຫ້ອງການເມືອງ ວິທະຍາຄານເຕັກນິກການທະຫານ ໄດ້ຜ່ານຂໍ້ຕົກລົງຂອງ ກົມໃຫຍ່ການເມືອງກອງທັບ ວ່າດ້ວຍການອະນຸມັດໃຫ້ນາຍທະຫານ ອອກການຮັບເງິນອຸດໜູນເທື່ອດຽວ, ອີງຕາມກົດໝາຍ ວ່າດ້ວຍນາຍທະຫານກອງທັບປະຊາຊົນລາວ, ກົດໝາຍວ່າດ້ວຍການປະກັນສັງຄົມ ແລະ ອີງຕາມການສະເໜີຈາກກົມກອງໂດຍຜ່ານການຄົ້ນຄວ້າໃນກອງປະຊຸມ ກົມໃຫຍ່ການເມືອງກອງທັບ ໄດ້ຕົກລົງເຫັນດີອະນຸມັດໃຫ້ ສະຫາຍ ຮ້ອຍໂທ ໂອໄທ ຈັນສະໝອນ ໜ້າທີ່ຮັບຜິດຊອບ ຂັບລົດ ພະແນກຂົນສົ່ງ ຫ້ອງພະລາທິການ ວິທະຍາຄານເຕັກນິກການທະຫານ ຮັບເງິນອຸດໜູນເທື່ອດຽວ ຈຳນວນ 56.414.000 ກີບ.
ຈາກນັ້ນ, ສະຫາຍ ພັນເອກ ພູທອນ ຄູນລີວົງ ກໍໄດ້ສະແດງຄວາມຍ້ອງຍໍຊົມເຊີຍ ຕໍ່ສະຫາຍທີ່ ໄດ້ປະກອບສ່ວນອັນສຳຄັນເຂົ້າໃນການກໍ່ສ້າງກົມກອງໃນໄລຍະຜ່ານມາ ແລະ ໄດ້ຮັບນະໂຍບາຍຈາກການຈັດຕັ້ງຂັ້ນເທິງ ພ້ອມທັງແນະນຳໃຫ້ ສະຫາຍ ເປັນພົນລະເມືອງດີຂອງສັງຄົມ, ເປັນແບບຢ່າງທີ່ດີ ແລະ ປະກອບສ່ວນເຂົ້າໃນວຽກງານດ້ານຕ່າງໆຂອງບ້ານ ກໍຄື ຊ່ວຍເຫຼືອອຳນາດການປົກຄອງທ້ອງຖິ່ນ ທີ່ຕົນເອງສັງກັດຢູ່ ໃນການສຶກສາອົບຮົມການເມືອງ-ນຳພາແນວຄິດ ແລະ ເຕົ້າໂຮມຄວາມສາມັກຄີກັບຮາກຖານປະຊາຊົນ ໃຫ້ເປັນປຶກແຜ່ນ ແໜ້ນໜາ ປະກອບສ່ວນຢ່າງຕັ້ງໜ້າເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ແລະ ຮຽກຮ້ອງໃຫ້ນຳເອົາເງິນຈຳນວນດັ່ງກ່າວ ໄປໝູນໃຊ້ເຂົ້າໃນການສ້າງສາພັດທະນາຊີວິດການເປັນຢູ່ຂອງຕົນ ແລະ ຄອບຄົວ ໃຫ້ດີຂຶ້ນ.
ໂດຍ: ເພັດນາລີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
