ວັນຈັນ, ວັນທີ 14 ຕຸລາ 2024
ປະກາດການແຕ່ງຕັ້ງ ຮອງຫົວໜ້າອຳນວຍການ ໂຮງຮຽນການທະຫານທ້ອງຖິ່ນ ແຂວງຜົ້ງສາລີ
ເວລາອອກຂ່າວ: 2024-09-11 09:23:25 | ຜູ້ຂຽນ : admin1 | ຈຳນວນຄົນເຂົ້າຊົມ: 187 | ຄວາມນິຍົມ: 
ວັນທີ 5 ກັນຍາ 2024 ນີ້, ໄດ້ຈັດພິທີປະກາດການແຕ່ງຕັ້ງ ຮອງຫົວໜ້າອຳນວຍການໂຮງຮຽນການທະຫານທ້ອງຖິ່ນແຂວງຜົ້ງສາລີ ໂດຍການເປັນປະທານຂອງ ສະຫາຍ ພັນເອກ ຄຳພອນ ແສນສີວົງສາ ຮອງເລຂາຄະນະພັກ, ຫົວໜ້າການທະຫານ ກອງບັນຊາການທະຫານແຂວງຜົ້ງສາລີ, ມີ ສະຫາຍ ພັນໂທ ທອງດີ ໄຊທະວົງ ເລຂາຄະນະພັກຮາກຖານ, ຫົວໜ້າການທະຫານໂຮງຮຽນການທະຫານທ້ອງຖິ່ນ, ມີຄະນະພັກ-ຄະນະອຳນວຍການ, ພະແນກການທີ່ກ່ຽວຂ້ອງ, ພະນັກງານຄູ-ອາຈານ ເຂົ້າຮ່ວມ.
ສະຫາຍ ພັນຕີ ວັນຄຳ ສີວິໄລ ຮອງຫົວໜ້າພະແນກພະນັກງານ ຫ້ອງການເມືອງ ກອງບັນຊາການທະຫານແຂວງຜົ້ງສາລີ ໄດ້ຜ່ານຂໍ້ຕົກລົງຂອງ
ກອງບັນຊາການທະຫານແຂວງຜົ້ງສາລີ ໃນນີ້, ໄດ້ຕົກລົງແຕ່ງຕັ້ງສະຫາຍ ພັນໂທ ຈັນສຸກ ແກ້ວຂັນໄຊ ຮອງຫົວໜ້າກອງພັນ 19 ຮັບຜິດຊອບວຽກງານ
ພະລາທິການ ມາເປັນຮອງຫົວໜ້າອຳນວຍການໂຮງຮຽນການທະຫານທ້ອງຖິ່ນ ຮັບຜິດຊອບວຽກງານພະລາທິການ, ອີງຕາມກົດໝາຍວ່າດ້ວຍນາຍທະຫານກອງທັບປະຊາຊົນລາວ ທີ່ລະບຸໄວ້ໃນພາກທີ II ໝວດທີ IV, ມາດຕາ 26 ວ່າດ້ວຍການແຕ່ງຕັ້ງ ແລະ ຍົກຍາຍນາຍທະຫານໃນກຳລັງປະກອບອາວຸດໃຫ້ໜັກແໜ້ນເຂັ້ມແຂງ.
ໂອກາດນີ້, ສະຫາຍ ພັນເອກ ຄຳພອນ ແສນສີວົງສາ ໄດ້ຮຽກຮ້ອງໃຫ້ຜູ້ທີ່ໄດ້ຮັບການແຕ່ງຕັ້ງໜ້າທີ່ໃໝ່ ຈົ່ງບຸກບືນຄົ້ນຄວ້າຂຸດຄົ້ນທ່າແຮງບົ່ມຊ້ອນ ເພື່ອພັດທະນາກົມກອງ, ປັບປຸງແບບແຜນວິທີເຮັດວຽກ, ມີຄວາມເປັນເອກະພາບ, ເຮັດວຽກເປັນໝູ່ຄະນະ, ແບ່ງບຸກຄົນຮັບຜິດຊອບຢ່າງຈະແຈ້ງ, ເສີມຂະຫຍາຍຄວາມສາມັກຄີພາຍໃນໃຫ້ເປັນປຶກແຜ່ນແໜ້ນໜາ, ຍົກສູງສະຕິຕໍ່ການຈັດຕັ້ງ, ປະຕິບັດຂໍ້ກຳນົດ, ກົດລະບຽບຂອງກອງທັບ ໃຫ້ເຂັ້ມງວດ, ເພື່ອປັບປຸງກໍ່ສ້າງກົມໃຫ້ມີຄວາມໜັກແໜ້ນ, ເຂັ້ມແຂງ ແລະ ພ້ອມກັນເຮັດສຳເລັດໜ້າທີ່ການເມືອງ ທີ່ການຈັດຕັ້ງຂັ້ນເທິງມອບໝາຍໃຫ້
ໂດຍ: ທອງສຸກ ຈັນຖະໜອມ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
