POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 14 ຕຸລາ 2024

ໂຮງຮຽນ 307 ເບົ່າຫຼໍ່ການກໍ່ສ້າງບຸກຄະລາກອນ ວິຊາສະເພາະເຕັກນິກກົດລັບ ຕອບສະໜອງຮັບໃຊ້ໃຫ້ການນຳພັກ-ລັດ
ເວລາອອກຂ່າວ: 2024-09-11 09:24:50 | ຜູ້ຂຽນ : admin1 | ຈຳນວນຄົນເຂົ້າຊົມ: 203 | ຄວາມນິຍົມ:

ໂຮງຮຽນ 307 ໄດ້ຮັບການສ້າງຕັ້ງຂຶ້ນຢ່າງເປັນທາງການໃນວັນທີ 31 ທັນວາ 1996, ມີພາລະບົດບາດໜ້າທີ່ເປັນເສນາທິການໃຫ້ ກົມກົດລັບ ກົມໃຫຍ່ເສນາທິການກອງທັບ ໃນການກໍ່ສ້າງບຸກຄະລາກອນວິຊາສະເພາະເຕັກນິກກົດລັບ ຕອບສະໜອງຮັບໃຊ້ໃຫ້ການນຳພັກ-ລັດ, ແມ່ນລະບົບໂຮງຮຽນຂອງກອງທັບປະຊາຊົນລາວ ແລະ ຢູ່ໃນລະບົບການສຶກສາລວມຂອງ ສປປ ລາວ, ແມ່ນຫົວ ໜ່ວຍການຈັດຕັ້ງພາຍໃຕ້ການຄຸ້ມຄອງຂອງກະຊວງປ້ອງກັນປະເທດ ແລະ ພາຍໃຕ້ການຊີ້ນຳ-ນຳພາໂດຍກົງຂອງກົມກົດລັບ ກົມໃຫຍ່ເສນາທິການກອງທັບ. ໃນໄລຍະຜ່ານມາ, ຄະນະພັກ-ຄະນະອຳນວຍການໂຮງຮຽນ ແຕ່ລະຮຸ້ນ ໄດ້ເອົາໃຈໃສ່ໃນການກໍ່ສ້າງນັກວິຊາສະເພາະກົດລັບຕອບສະໜອງໄດ້ຕາມຄວາມຮຽກຮ້ອງຕ້ອງການຂອງຂັ້ນເທິງ ຄຽງຄູ່ກັບການປັບປຸງກໍ່ສ້າງກົມກອງ ເຊິ່ງໃນເບື້ອງຕົ້ນແມ່ນມີຄວາມຫຍຸ້ງຍາກພໍສົມຄວນຍ້ອນຂາດປັດໄຈຫຼາຍຢ່າງ ທີ່ເປັນ ຜົນກະທົບຕໍ່ການເຄື່ອນໄຫວເຮັດໜ້າທີ່ການເມືອງຂອງກົມກອງເປັນຕົ້ນແມ່ນ ການປະກອບທາງດ້ານພື້ນຖານໂຄງລ່າງ ເຊັ່ນ: ຫ້ອງການ, ເຮືອນນອນ, ຫ້ອງຮຽນ ແລະ ອື່ນໆ ຍັງແບບປະຖົມປະຖານ, ພະນັກງານ ຄູ-ອາຈານ ສິດສອນ ຍັງມີຈຳກັດ, ວັດຖຸອຸປະກອນທີ່ປະກອບເຂົ້າໃນວຽກງານການສິດສອນ-ຮ່ຳຮຽນຍັງ ບໍ່ທັນພຽງພໍກັບຄວາມຮຽກຮ້ອງຕ້ອງການ, ແຕ່ເຖິງວ່າຈະພົບຄວາມຫຍຸ້ງຍາກປານໃດກໍຕາມຄະນະພັກ-ຄະນະອຳນວຍການ ໄດ້ຕັດສິນໃຈ ເອົາໃຈໃສ່ໃນການ ຊີ້ນຳ-ນຳພາປັບປຸງກໍ່ສ້າງກົມກອງ ໂດຍຖືເອົາວຽກງານສຶກສາອົບຮົມການເມືອງ-ນຳພາແນວຄິດເປັນກົກ ເພື່ອເຮັດໃຫ້ພະນັກງານ-ນັກຮົບ ຢູ່ພາຍໃນກົມກອງໃຫ້ມີຄວາມໜັກແໜ້ນ, ອຸ່ນອຽນທຸ່ນທ່ຽງຕໍ່ໜ້າທີ່ການເມືອງທີ່ການຈັດຕັ້ງມອບໝາຍ ໃຫ້, ມີຄວາມອົດທົນຜ່ານຜ່າທຸກຄວາມຫຍຸ້ງຍາກ, ຕື່ນຕົວເຂົ້າຮ່ວມປະກອບສ່ວນເຂົ້າໃນທຸກວຽກງານຂອງກົມກອງ ເຮັດໃຫ້ກົມກອງມີຄວາມສະຫງົບໂດຍພື້ນຖານ ພ້ອມກັນເອົາໃຈໃສ່ສູ້ຊົນປັບປຸງກໍ່ສ້າງກົມກອງ ແລະ ແກ້ໄຂຊີວິດການເປັນຢູ່ ໂດຍໝູນໃຊ້ທ່າແຮງທີ່ມີຂອງກົມກອງສົມທົບກັບງົບປະມານທີ່ຂັ້ນເທິງສະໜອງໃຫ້ ມາປັບປຸງກໍ່ສ້າງສະຖານທີ່ຄ້າຍຄູ, ຫ້ອງການ, ຫ້ອງຮຽນ, ເຮືອນນອນ ແລະ ເຮືອນຄົວລວມແບບຖາວອນໄດ້ຈຳນວນໜຶ່ງ. ສະຫາຍ ພັນໂທ ສອນໄຊ ພົມມາວົງ ຮອງຫົວໜ້າການທະຫານ ຫົວໜ້າພະແນກອົບຮົມ ໂຮງຮຽນ 307 ໄດ້ໃຫ້ຮູ້ວ່າ: ຕະຫຼອດໄລຍະຜ່ານມາ ໂຮງຮຽນ 307 ໄດ້ເອົາໃຈໃສ່ໃນການກໍ່ສ້າງນັກວິຊາສະເພາະກົດລັບ ຮັບປະກັນໄດ້ທາງດ້ານປະລິມານ ແລະ ຄຸນນະພາບ ສາມາດສ້າງໄດ້ນັກວິຊາສະເພາະກົດລັບລະບົບຊັ້ນກາງໄດ້ຈຳນວນ 8 ຊຸດ ມີ ເກືອບ 300 ສະຫາຍ, ລະບົບຊັ້ນຕົ້ນໄດ້ 25 ຊຸດ ເກືອບ 1.000 ສະຫາຍ, ລະບົບຕໍ່ເນື່ອງຈຳນວນ 5 ຊຸດ ເກືອບ 300 ສະຫາຍ ແລະ ລະບົບບຳລຸງ 6 ເດືອນໄດ້ 5 ຊຸດ ປະມານ 150 ສະຫາຍ. ນອກຈາກຈະເຮັດໜ້າທີ່ກໍ່ສ້າງບຸກຄະລາກອນ ນັກວິຊາສະເພາະເຕັກນິກກົດລັບແລ້ວ ຍັງໄດ້ເປັນສ່ວນໜຶ່ງໃນການປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດຕາມຄວາມຮຽກຮ້ອງຕ້ອງການຂອງຂັ້ນເທິງ ເຊັ່ນ: ປະກອບສ່ວນເຮັດວຽກງານປ້ອງກັນຮັກສາຄວາມສະຫງົບຢູ່ຕາມຂອບເຂດກົມກອງຕັ້ງທັບໃນວັນສຳຄັນຕ່າງໆຂອງຊາດ, ປະກອບສ່ວນເຂົ້າໃນວຽກງານຂະບວນການຕ່າງໆ ນຳຂັ້ນເທິງ ໂດຍສະເພາະແມ່ນ ວຽກງານສິລະປະ-ວັນນະຄະດີ ແລະ ກິລາ, ຈັດຕັ້ງກຳລັງຊ່ວຍເຫຼືອປະຊາຊົນຕ້ານໄພພິບັດທາງທຳມະຊາດ ແລະ ຊ່ວຍອຳນາດການປົກຄອງບ້ານອ້ອມຂ້າງຮັກສາຄວາມສະຫງົບໃນງານບຸນປະເພ ນີ ແລະ ປະກອບສ່ວນໃນການຊ່ວຍເຫຼືອສັງຄົມໃນດ້ານອື່ນໆ. ຍ້ອນຄວາມເອົາໃຈໃສ່ໃນການຊີ້ນຳ-ນຳພາກົມກອງຢ່າງມີແບບແຜນ, ມີວິທີທີ່ຖືກຕ້ອງ ແລະ ເປັນເອກະພາບຂອງຄະນະພັກ-ຄະນະອຳນວຍການ, ການຈັດຕັ້ງທຸກຂັ້ນໃນການເຄື່ອນໄຫວເຮັດໜ້າທີ່ວຽກງານກົມກອງຈຶ່ງໄດ້ຮັບການພັດທະນາຫຼາຍດ້ານ, ພື້ນຖານໂຄງລ່າງໄດ້ຮັບການປັບປຸງດີຂຶ້ນ. ໂດຍ: ຈິດ ເພັດພູທອງ

news to day and hot news