ວັນຈັນ, ວັນທີ 14 ຕຸລາ 2024
ທະຫານແຂວງບໍລິຄໍາໄຊ ແລກປ່ຽນສະພາບການກັບ ແຂວງຮ່າຕິ່ງ ສສ ຫວຽດນາມ
ເວລາອອກຂ່າວ: 2024-09-11 14:37:03 | ຜູ້ຂຽນ : admin2 | ຈຳນວນຄົນເຂົ້າຊົມ: 285 | ຄວາມນິຍົມ: 
ໃນວັນທີ 10 ກັນຍາ 2024 ນີ້, ກອງປະຊຸມພົບປະແລກປ່ຽນສະພາບລະຫວ່າງຄະນະຜູ້ແທນກອງບັນຊາການທະຫານແຂວງ, ກອງບັນຊາການ ປກສ ແຂວງບໍລິຄຳໄຊ ສປປ ລາວ ແລະ ກອງບັນຊາການທະຫານຊາຍແດນແຂວງຮ່າຕິ່ງ ສສ ຫວຽດນາມ ໄດ້ຈັດຂຶ້ນ ຢູ່ທີ່ເທສະບານທຽນເກີມ ເມືອງເກີມຊຽນ ແຂວງຮ່າຕິ່ງ, ຝ່າຍລາວນໍາໂດຍ ສະຫາຍ ພົນຈັດຕະວາ ກົງຈັນ ໄຊປັນຍາ ຄະນະປະຈໍາພັກແຂວງ ຫົວໜ້າກອງບັນຊາການ ປກສ ແຂວງ, ສະຫາຍ ພັນເອກ ພິດາວັນ ພີມເຮືອງສີ ຮອງຫົວໜ້າກອງບັນຊາການ ຫົວໜ້າຫ້ອງເສນາທິການ ທະຫານແຂວງບໍລິຄຳໄຊ, ຝ່າຍຫວຽດນາມນຳໂດຍ ສະຫາຍ ພັນເອກ ບຸຍຫົງແທ່ງ ກໍາມະການພັກແຂວງ ຫົວໜ້າການທະຫານ ກອງບັນຊາການທະຫານຊາຍແດນແຂວງຮ່າຕິ່ງ ພ້ອມດ້ວຍຄະນະຜູ້ແທນຂອງທັງສາມກອງບັນຊາການ ເຂົ້າຮ່ວມ.
ໃນກອງປະຊຸມໄດ້ຕີລາຄາຄືນໝາກຜົນຂອງການປະສານສົມທົບ ລະຫວ່າງ ບັນດາກົມກອງໃນການຄຸ້ມຄອງ ແລະ ປ້ອງກັນຊາຍແດນ, ປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍທາງສັງຄົມ, ການສະກັດກັ້ນການເຄື່ອນໄຫວເຂົ້າ-ອອກເມືອງ, ຂ້າມຊາຍແດນຜິດກົດໝາຍ, ການປະສານສົມທົບໃນການຄຸ້ມຄອງປ້ອງກັນຊາຍແດນລະຫວ່າງສອງຝ່າຍ, ການລາດຕະເວນຮ່ວມ, ກອງປະຊຸມແລກປ່ຽນສະພາບ, ສັນຍາແຮກສ່ຽວສອງຝ່າຍ, ເນື້ອໃນສັນຍາຮ່ວມມືປ້ອງກັນຊາຍແດນລະຫວ່າງ ກະຊວງປ້ອງກັນປະເທດ ສາທາລະນະລັດ ສັງຄົມນິຍົມ ຫວຽດນາມ ແລະ ກົມທະຫານຊາຍແດນ ກົມໃຫຍ່ເສນາທິການກອງທັບປະຊາຊົນລາວ ທີ່ໄດ້ເຊັນຮ່ວມກັນໄວ້; ຄະນະຜູ້ແທນທັງສອງຝ່າຍ ຍັງໄດ້ປະກອບຄໍາຄິດເຫັນສຸມໃສ່ຫຼາຍບັນຫາ ເຊິ່ງມັນໄດ້ສະແດງເຖິງຄວາມຮັບຜິດຊອບທາງການເມືອງຂອງຕົນຕໍ່ພັກ-ລັດ ກໍຄືການນໍາຂອງທັງສອງຝ່າຍຂອງພວກເຮົາ, ຕະຫຼອດໄລຍະການດໍາເນີນກອງປະຊຸມຜູ້ແທນທັງສອງຝ່າຍ ໄດ້ພ້ອມກັນແລກປ່ຽນຄໍາຄິດເຫັນຢ່າງກົງໄປກົງມາ, ມີຄວາມເຂົ້າໃຈເຊິ່ງກັນ ແລະ ກັນ, ມັນສະທ້ອນໃຫ້ເຫັນເຖິງຄວາມຈິງໃຈຂອງທັງສອງຝ່າຍ ເພື່ອພ້ອມກັນແກ້ໄຂບັນຫາຕ່າງໆ ທີ່ພົວພັນເຖິງຄວາມສະຫງົບທາງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມທັງສອງແຂວງ, ກອງປະຊຸມຄັ້ງນີ້ຜູ້ແທນທັງສອງຝ່າຍ ໄດ້ຮັບຟັງການແຈ້ງສະພາບການທີ່ເກີດຂຶ້ນ ກໍຄືເຫດການຕ່າງໆ ທີ່ພົວພັນເຖິງຄວາມສະຫງົບ ແລະ ຄວາມເປັນລະບຽບຮຽບຮ້ອຍຢູ່ພາຍໃນສອງປະເທດ ລາວ-ຫວຽດນາມ ກໍຄື ສອງແຂວງບໍລິຄໍາໄຊ-ຮ່າຕິ່ງ, ຜ່ານການແລກປ່ຽນສະພາບ ແລະ ການປະກອບຄໍາເຫັນໃນຄັ້ງນີ້ແມ່ນໄດ້ເປັນເອກະພາບ ແລະ ຢັ້ງຢືນເຖິງໝາກຜົນການຮ່ວມມືທັງສອງຝ່າຍ ເຊິ່ງຕະຫຼອດໄລຍະທີ່ຜານມາໄດ້ປະກອບສ່ວນຢ່າງຕັ້ງໝ້າເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຂອງສອງປະເທດໄດ້ຂະຫຍາຍຕົວດີຂຶ້ນ. ໃນກອງປະຊຸມທັງສາມກອງບັນຊາການຍັງໄດ້ເຊັນບົດບັນທຶກຊ່ວຍຈໍາຮ່ວມກັນ ໂດຍການລົງນາມຂອງ ສະຫາຍ ພົນຈັດຕະວາ ກົງຈັນ ໄຊປັນຍາ, ສະຫາຍ ພັນເອກ ພິດາວັນ ພີມເຮືອງສີ ແລະ ສະຫາຍ ພັນເອກ ບຸຍຫົງແທ່ງ.
ໂດຍ: ນາງ ນ້ອຍ ບານທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
