ວັນຈັນ, ວັນທີ 14 ຕຸລາ 2024
ສ່ອງແສງວຽກງານກຳມະບານ ປະຈຳໄຕມາດ III ປີ 2024
ເວລາອອກຂ່າວ: 2024-09-13 10:08:58 | ຜູ້ຂຽນ : admin3 | ຈຳນວນຄົນເຂົ້າຊົມ: 390 | ຄວາມນິຍົມ: 
ໃນວັນທີ 12 ກັນຍາ 2024 ນີ້, ຫ້ອງການກຳມະບານກອງທັບ ໄດ້ຈັດກອງປະຊຸມສ່ອງແສງວຽກງານກຳມະບານ ປະຈຳໄຕມາດ III ປະຈຳປີ 2024 ແລະ ວາງທິດທາງແຜນການ ປະຈຳໄຕມາດ IV, ໂດຍການເປັນປະທານຂອງ ສະຫາຍ ພັນເອກ ບຸນຄ່ອງ ອຸດທະຈັນດີ ຫົວໜ້າຫ້ອງການກຳມະບານກອງທັບ, ມີຄະນະກຳມະບານຮາກຖານ ເຂົ້າຮ່ວມ.
ໃນກອງປະຊຸມ, ຄະນະກຳມະບານຮາກຖານ ໄດ້ຜັດປ່ຽນກັນລາຍງານໂດຍຫຍໍ້ ສະພາບການເຄື່ອນໄຫວວຽກງານກຳມະບານ ປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ ໃນໄຕມາດຜ່ານມາ ເປັນຕົ້ນແມ່ນໄດ້ເອົາໃຈໃສ່ນຳພາ-ຊີ້ນຳ ແລະ ຊຸກຍູ້ສະມາຊິກກຳມະບານ-ກຳມະກອນ ຈັດຕັ້ງປະຕິບັດວຽກງານວິຊາສະເພາະ ກໍຄື ປະຕິບັດແຜນການຜະລິດໃຫ້ແກ່ກົມກອງ ໄດ້ຕາມຄາດໝາຍທີ່ວາງໄວ້. ພ້ອມກັນນັ້ນ, ກໍໄດ້ເອົາໃຈໃສ່ສຶກສາອົບຮົມການເມືອງ-ນຳພາແນວຄິດ ໂດຍການນຳເອົາແນວທາງນະໂຍບາຍຂອງພັກ, ກົດໝາຍຂອງລັດ, ມະຕິ, ຄຳສັ່ງຂອງຂັ້ນເທິງ, ມູນເຊື້ອວັນສຳຄັນຂອງພັກ, ຂອງຊາດ ແລະ ຂອງກອງທັບ ມາຈັດຕັ້ງເຜີຍແຜ່ເຊື່ອມຊຶມ ເຮັດໃຫ້ພະນັກງານສະມາຊິກກຳມະບານ-ກຳມະກອນ ມີຄຸນທາດການເມືອງໜັກແໜ້ນ, ເຊື່ອໝັ້ນຕໍ່ການນຳພາຂອງພັກ ແລະ ເຮັດສຳເລັດໜ້າທີ່ການເມືອງ ທີ່ການຈັດຕັ້ງຂັ້ນເທິງມອບໝາຍໃຫ້.
ໂອກາດນີ້, ສະຫາຍ ພັນເອກ ບຸນຄ່ອງ ອຸດທະຈັນດີ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານການເຄື່ອນໄຫວຂອງກຳມະບານຮາກຖານໃນໄຕມາດຜ່ານມາ ພ້ອມທັງເນັ້ນໜັກໃຫ້ຄະນະກຳມະບານຮາກຖານ ເອົາໃຈໃສ່ປັບປຸງແບບແຜນວິທີເຮັດວຽກໃຫ້ສອດຄ່ອງ, ແທດເໝາະກັບສະພາບການຕົວຈິງ, ເອົາໃຈໃສ່ກໍ່ສ້າງ-ບຳລຸງພະນັກງານ ສະມາຊິກກຳມະບານ ໃຫ້ມີຄວາມຮູ້ຄວາມສາມາດດ້ານວິຊາສະເພາະນັບມື້ສູງຂຶ້ນ ໂດຍສະເພາະແມ່ນ ພັດທະນາດ້ານສີມືແຮງງານ ໃຫ້ມີປະສິດທິພາບສູງ.
ໂດຍ: ນາງ ໜູແດງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
