ວັນຈັນ, ວັນທີ 14 ຕຸລາ 2024
ທະຫານແຂວງຫຼວງພະບາງ ລົງຊ່ວຍເຫຼືອປະຊາຊົນຖືກຜົນກະທົບຈາກໄພນ້ຳຖ້ວມ
ເວລາອອກຂ່າວ: 2024-09-13 14:05:39 | ຜູ້ຂຽນ : admin2 | ຈຳນວນຄົນເຂົ້າຊົມ: 297 | ຄວາມນິຍົມ: 
ລະຫ່ວາງ ວັນທີ 11 - 12 ກັນຍາ 2024 ນີ້ ທາງພາກເໜືອໄດ້ມີຝົນຕົກໜັກຫຼາຍຊົວໂມງຕິດຕໍ່ກັນ ເຮັດໃຫ້ສາຍນ້ຳ, ຫ້ວຍນ້ຳນ້ອຍໃຫຍ່ໄຫຼປ່ອງແມ່ນ້ຳຄານ ແລະ ແມ່ນ້ຳຂອງ ເຮັດໃຫ້ສອງແມ່ນ້ຳດັ່ງກ່າວເພີ່ມຂຶ້ນຖ້ວມບ້ານ, ເຮືອນຊານຂອງປະຊາຊົນ ຂອບເຂດນະຄອນຫຼວງພະບາງ, ດັ່ງນັ້ນຄະນະພັກ - ຄະນະບັນຊາກອງບັນຊາການທະຫານແຂວງຫຼວງພະບາງ ຈິ່ງໄດ້ຊີ້ນຳຄະນະປະຈຳການກຽມພ້ອມສູ້ຮົບ ແລະ ກອບກູ້ໄພພິບັດໄພນ້ຳຖ້ວມ ສົມທົບໃສ່ກອງບັນຊາການທະຫານ ນະຄອນຫຼວງພະບາງ, ກອງພັນນ້ອຍ 415 ແລະ ກອງຮ້ອຍປ້ອງກັນທີ່ຕັ້ງອອກເຄື່ອນໄຫວຊ່ວຍເຫຼືອພໍ່ແມ່ປະຊາຊົນ ຂົນຍ້າຍວັດຖຸສິງຂອງຕ່າງໆທີ່ຈໍາເປັນ ອອກຈາກເຮືອນຊານທີ່ຖືກຜົນກະທົບຈາກໄພນໍ້າຖ້ວມ ໄປໄວ້ບ່ອນທີ່ສູງ ແລະ ມີຄວາມປອດໄພ. ໃນນີ້ ວັນທີ 11 ແມ່ນໄດ້ລົງຊ່ວຍເຫຼືອປະຊາຊົນຢູ່ເຂດ ບ້ານອາໄພ, ບ້ານວຽງໃໝ່, ລີສອດເລີເບວແອ ແລະ ຮ້ານອາຫານແຄມຄານ. ວັນທີ 12 ໄດ້ລົງຊ່ວຍປະຊາຊົນຢູ່ເຂດ ບ້ານວັດທາດ, ບ້ານໂພນສະອາດ, ບ້ານພະບາດໃຕ້ ແລະ ບ້ານໂພນແພງ ນະຄອນຫຼວງພະບາງ ແຂວງຫຼວງພະບາງ, ພ້ອມນີ້ຍັງຈະໄດ້ຕິດຕາມເຝົ້າລະວັງສະພາບເພີ່ມຂຶ້ນຂອງນ້ຳ ແລະ ເພີ່ມທະວີກຳລັງປະຈຳການກຽມພ້ອມຊ່ວຍເຫຼືອກອບກູ້ໄພພິບັດຢ່າງເຂັ້ມງວດ.
ໂດຍ: ບຸນເພັງ ວົງແກ້ວມະນີ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
