ວັນເສົາ, ວັນທີ 07 ທັນວາ 2024
ສະຫາຍ ພົນຕີ ປອ ທອງລອຍ ສິລິວົງ ໂອ້ລົມນາຍທະຫານທີ່ໄດ້ຮັບການເລື່ອນຊັ້ນໃໝ່
ເວລາອອກຂ່າວ: 2019-05-29 10:09:40 | ຜູ້ຂຽນ : admin3 | ຈຳນວນຄົນເຂົ້າຊົມ: 963 | ຄວາມນິຍົມ: 
ໃນວັນທີ 28 ພຶດສະພາ 2019 ນີ້, ສະຫາຍ ພົນຕີ ປອ ທອງ ລອຍ ສິລິວົງ ກໍາມະການສູນ ກາງພັກ, ຮອງລັດຖະມົນຕີກະ
ຊວງປ້ອງກັນປະເທດ, ຫົວຫນ້າ ກົມໃຫຍ່ການເມືອງກອງທັບ ໄດ້ ໂອ້ລົມນາຍທະຫານທີ່ໄດ້ຮັບ ການເລື່ອນຊັ້ນຈາກ ພັນຕີ ຂຶ້ນ ພັນໂທ ຈຳນວນ 306 ສະຫາຍ ທີ່ມາຈາກກຳລັງຫຼວງ ກຳລັງ ທ້ອງຖິ່ນໃນທົ່ວກອງທັບ.
ສະຫາຍ ພົນຕີ ປອ ທອງລອຍ
ສິລິວົງ ໄດ້ກ່າວວ່າ: ການເລື່ອນ ຊັ້ນໃນຄັ້ງນີ້ແມ່ນກຽດສັກສີອັນ ສູງສົ່ງ ແລະ ມີຄວາມຫມາຍສໍາ ຄັນ ເພາະມັນໄດ້ຢັ້ງຢືນໃຫ້ເຫັນ ເຖິງການເຕີບໃຫຍ່ຂະຫຍາຍຕົວ ຂອງພະນັກງານໃນກອງທັບ, ທັງ
ແມ່ນການປະຕິບັດນະໂຍບາຍ ຂອງພັກ ແລະ ກົດຫມາຍນາຍທະ ຫານກອງທັບປະຊາຊົນລາວໃຫ້ມີຄວາມຖືກຕ້ອງຕາມເງື່ອນໄຂ ຕົວຈິງຂອງແຕ່ລະສະຫາຍທີ່ມີ ຄວາມອົດທົນຜ່ານຜ່າອຸປະສັກ ແລະ ຂໍ້ຫຍຸ້ງຍາກຕະຫຼອດໄລຍະ
ຜ່ານມາ ເຊິ່ງໄດ້ເອົາໃຈໃສ່ປະ
ກອບສ່ວນຢ່າງຕັ້ງຫນ້າເຂົ້າໃນ ການເຮັດສຳເລັດຫນ້າທີ່ປະກອບ
ສ່ວນເຂົ້າໃນການປັບປຸງກໍ່ສ້າງ ກອງທັບໃຫ້ມີການເຕີບໃຫຍ່ຂະ
ຫຍາຍຕົວໄດ້ເອົາໃຈໃສ່ປະຕິບັດ ພາລະບົດບາດ, ສິດ ແລະ ຫນ້າ ທີ່ຂອງຕົນ ໂດຍສະເພາະໄດ້ເອົາ ໃຈໃສ່ຄົ້ນຄວ້າເຊື່ອມຊຶມ ແລະ ກໍາແຫນ້ນແນວທາງນະໂຍບາຍ ຂອງພັກ ບັນດາມະຕິຄໍາສັ່ງ, ຂໍ້ກໍາ
ນົດ ແລະ ບົດແນະນໍາຕ່າງໆຂອງ ກອງທັບ.
ສະຫາຍຫົວໜ້າກົມໃຫຍ່ການ ເມືອງກອງທັບ ໄດ້ເນັ້ນໜັກໃຫ້ ນາຍທະຫານທີ່ໄດ້ຮັບການເລື່ອນ ຊັ້ນໃໝ່ ຕື່ມອີກວ່າ: ການເລື່ອນ ຊັ້ນນາຍທະຫານໃນກອງທັບປະ ຊາຊົນລາວແມ່ນມີຄວາມສໍາຄັນ ແລະ ຈໍາເປັນພາວະວິໄສ, ທັງເປັນ
ບັນຫາຍຸດທະສາດທີ່ພົວພັນເຖິງ ການຂະຫຍາຍຕົວຂອງກອງ ທັບເຮົາ, ເພາະວ່າແຕ່ລະວຽກທີ່ ໄດ້ຮັບຜົນສໍາເລັດແມ່ນບັນດາ ສະຫາຍເປັນຜູ້ຈັດຕັ້ງປະຕິບັດ ຕົວຈິງ, ຖ້າບັນດາສະຫາຍບໍ່ເຂັ້ມ ແຂງກໍບໍ່ສາມາດເຮັດໃຫ້ວຽກ ງານໄດ້ຮັບການປະຕິບັດຢ່າງ ທົ່ວເຖິງ, ສະນັ້ນ, ບັນດາສະ ຫາຍທີ່ໄດ້ຮັບການເລື່ອນຊັ້ນ ໃໝ່ນີ້ຕ້ອງສືບຕໍ່ເຝິກຝົນຫຼໍ່ຫຼອມ ຕົນເອງທາງດ້ານຄຸນທາດການ ເມືອງ, ຄຸນສົມບັດສິນທຳປະ ຕິວັດ,ມີສະຕິຕໍ່ການຈັດຕັ້ງ, ມີລະ ບຽບວິໄນເຂັ້ມງວດ, ການດຳລົງ
ຊີວິດຕ້ອງປອດໃສ, ບໍ່ສວຍໂອ ກາດໃຊ້ຖານະຫນ້າທີ່ຂອງຕົນໄປ
ໃນທາງທີ່ຜິດເພື່ອຜົນປະໂຫຍດ ສ່ວນຕົວ, ອັນໃດເພີ່ນຫ້າມແມ່ນ ບໍ່ເຮັດ, ພະຍາຍາມຄົ້ນຄວ້າ ທຸກວິທີທາງເພື່ອປັບປຸງແບບ ແຜນວິທີເຮັດວຽກໃຫ້ດີ, ປະ
ຕິບັດຫຼັກການລວມສູນປະຊາທິ ປະໄຕ, ນໍາພາເປັນຫມູ່ຄະນະ, ບຸກ
ຄົນຮັບຜິດຊອບຢ່າງແທ້ຈິງ ພ້ອມ ທັງມີການສະຫຼຸບຖອດຖອນບົດ ຮຽນເປັນປົກກະຕິ, ຕ້ອງເປັນເຈົ້າ
ການເສີມຂະຫຍາຍມູນເຊື້ອການ ນໍາພາຂອງພັກຕໍ່ກໍາລັງປະກອບ ອາວຸດໃຫ້ເລິກເຊິ່ງເຖິງຖອງ, ສ້າງໃຫ້ໄດ້ຄວາມສາມັກຄີເປັນ ປຶກແຜ່ນແຫນ້ນຫນາ, ມີຫົວຄິດ
ປະດິດສ້າງ ແລະ ມີຄວາມສະ ດຸ້ງໄວຕໍ່ສະພາບການເພື່ອສ້າງ ກອງທັບເຮົາໃຫ້ກ້າວໜ້າ, ເຂັ້ມ ແຂງຂຶ້ນຢ່າງບໍ່ຢຸດຢັ້ງ.
ໂດຍ: ອາຫວຸ້ນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
