POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 15 ເມສາ 2026

ທະຫານແຂວງສະຫວັນນະເຂດ ເປີດກອງປະຊຸມສະຫຼຸບສ່ອງແສງວຽກງານຮອບດ້ານ ປະຈໍາໄຕມາດ III ປີ 2024
ເວລາອອກຂ່າວ: 2024-09-20 15:25:40 | ຜູ້ຂຽນ : admin2 | ຈຳນວນຄົນເຂົ້າຊົມ: 1782 | ຄວາມນິຍົມ:

ກອງປະຊຸມສະຫຼຸບສ່ອງແສງວຽກງານຮອບດ້ານປະຈໍາໄຕມາດ III ແລະ ວາງທິດທາງແຜນການປະຈໍາໄຕມາດ IV ປີ 2024 ຂອງກອງບັນຊາການທະຫານແຂວງ ສະຫວັນນະເຂດ ໄດ້ຈັດຂຶ້ນໃນລະຫວ່າງວັນທີ 18-19 ກັນຍາ ນີ້, ໂດຍການເປັນປະທານຂອງ ສະຫາຍ ພົນຈັດຕະວາ ສີ ທະວີໄຊ ຫົວໜ້າການເມືອງ ກອງບັນຊາການທະຫານແຂວງ, ມີສະຫາຍ ພັນເອກ ພັນວິໄລ ລາດສະຍົນ ຫົວໜ້າການທະຫານ ກອງບັນຊາການທະຫານແຂວງສະຫວັນນະເຂດ, ມີຄະນະພັກ-ຄະນະບັນຊາ, ອົງການ 5ຫ້ອງ, ກອງບັນຊາການທະຫານເມືອງ 14 ເມືອງ, 1 ນະຄອນ ແລະ ກອງພັນ, ກອງຮ້ອຍ ຫໍມູນເຊື້ອບ້ານດົງສະຫວັນ, ໂຮງຮຽນ, ໂຮງໝໍທີ່ຂຶ້ນກັບ ເຂົ້າຮ່ວມ. ໃນກອງປະຊຸມບັນດາສະຫາຍຕາງໜ້າຄະນະພັກ-ຄະນະບັນຊາແຕ່ລະກົມກອງ ໄດ້ຜັດປ່ຽນກັນລາຍງານວຽກງານຮອບດ້ານ ທີ່ປິ່ນອ້ອມ 4 ໜ້າທີ່ໃຫຍ່ 26 ແຜນງານຂອງກະຊວງປ້ອງກັນປະເທດວາງອອກ ໃນໄລຍະ 3 ເດືອນຜ່ານມາ ໂດຍຍົກໃຫ້ເຫັນສະພາບການທີ່ພົ້ນເດັ່ນໃນວຽກງານປ້ອງກັນຊາດ-ປ້ອງກັນຄວາມສະຫງົບ ໃນຂອບເຂດຄວາມຮັບຜິດຊອບຂອງແຕ່ລະກົມກອງ ເຫັນວ່າສະພາບໂດຍລວມມີຄວາມສະຫງົບໂດຍພື້ນຖານ, ວຽກງານການກໍ່ສ້າງ ແລະ ປັບປຸງກໍາລັງ ຫຼາຍກົມກອງໄດ້ເອົາໃຈໃສ່ ແລະ ມີຜົນສໍາເລັດ ຕໍ່ການຈັດຕັ້ງອົບຮົມ-ຫັດແອບການທະຫານປະຈໍາປີໃຫ້ກັບກອງຮ້ອຍ, ກອງຫຼອນເພື່ອສ້າງຄວາມເຂັ້ມແຂງໃນການກຽມພ້ອມສູ້ຮົບ ແລະ ສູ້ຮົບມີໄຊ, ນອກຈາກນັ້ນແຕ່ລະກົມກອງຍັງໄດ້ຖືເອົາການຈັດຕັ້ງເຊື່ອມຊຶມບັນດາແນວທາງນະໂຍບາຍຂອງພັກ, ລະບຽບກົດໝາຍຂອງລັດ ກໍ່ຄືບັນຄໍາສັ່ງຕ່າງໆ ຂອງຂັ້ນເທິງໃຫ້ບັນດາພະນັກງານ-ນາຍ ແລະ ພົນທະຫານຢ່າງເປັນປົກກະຕິ, ມີການຈັດຕັ້ງເຄື່ອນໄຫວຫັນເອົາພະນັກງານລົງກໍ່ສ້າງຮາກຖານການເມືອງຢູ່ຕາມຈຸດສຸມ, ກຸ່ມບ້ານ ເພື່ອຊຸກຍູ້ການສ້າງຄອບຄົວ, ບ້ານປ້ອງກັນຊາດເຂັ້ມແຂງ, ນອກຈາກນັ້ນອັນພົ້ນເດັ່ນແມ່ນວຽກງານ 4 ປູກ 4 ລ້ຽງ ເຊິ່ງຫຼາຍກົມກອງມີສູນຜະລິດເປັນຂອງຕົນເອງໃນການປູກຝັງ-ລ້ຽງສັດ ເພື່ອສ້າງລາຍຮັບເຂົ້າກົມກອງ ສ່ວນສະພາບລວມທີ່ກົມກອງຮັບຜິດຊອບຍັງມີບາງເຂດ ຍັງພົບເຫັນການເຄື່ອນໄຫວທີ່ບໍ່ຖືກຕ້ອງຈໍານວນໜຶ່ງ ໂດຍສະເພາະບັນຫາຢາເສບຕິດ, ການມົ່ວສຸມສິ່ງຜິດກົດໝາຍເປັນຕົ້ນ ນໍ້າກະທ້ອມ ແລະ ການດື່ມສິ່ງທີ່ມີສານເສບຕິດເຊັ່ນ: ຄໍລະເຈນ, ກາເຟ ແລະ ການເຄື່ອນໄຫວຂອງກຸ່ມຄົນບໍ່ດີຈໍານວນໜຶ່ງໃນການໂຄສະນາໃສ່ຮ້າຍປ້າຍສີ ທີ່ບິດເບືອນຕໍ່ແນວທາງຂອງພັກ-ລັດ, ສ່ວນສະພາບຊາຍແດນຍັງມີປາກົດການລັກລອບເຂົ້າ-ອອກເມືອງຂອງກຸ່ມຄົນຈໍານວນໜຶ່ງຍັງບໍ່ທັນຖືກຕ້ອງ ແລະ ໄດ້ມີການອົບຮົມຜັກດັນກັບຄືນສູ່ປະເທດຕາມລະບຽບກົດໝາຍ. ໃນກອງປະຊຸມ ຍັງໄດ້ມີການປະກອບຄໍາຄິດຄໍາເຫັນຢ່າງກົງໄປກົງມາຕໍ່ບົດສະຫຼຸບສ່ອງແສງລາຍງານ ພ້ອມທັງໃຫ້ທິດຊີ້ນໍາຕໍ່ຄະນະພັກ-ຄະນະບັນຊາກົມກອງຕ່າງໆ ແລະ ມີການຜ່ານຂໍ້ຕົກລົງຂອງກົມໃຫຍ່ເສນາທິການກອງທັບ ກົມກໍາລັງພົນ ກ່ຽວກັບການຈັດຕັ້ງເຄື່ອນໄຫວວຽກງານການສໍາຫຼວດພົນລະເມືອງ ແລະ ທີ່ຢູ່ອາໃສທົ່ວປະເທດ ຄັ້ງທີ 5 ປີ 2025 ຂອງກົມກອງກໍາລັງຫຼວງ ແລະ ກໍາລັງທ້ອງຖິ່ນ ແລະ ຂໍ້ຕົກລົງຂອງທ່ານເຈົ້າແຂວງສະຫວັນນະເຂດ ກ່ຽວກັບການຕັດເງິນເຂົ້າໃນກອງທຶນສົງເຄາະຂອງແຂວງ, ພ້ອມດຽວກັນນີ້ ກອງປະຊຸມຍັງໄດ້ມີການມອບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນ ໃຫ້ກັບ 55 ໜ່ວຍພັກ ແລະ ປະກາດການຍົກຍ້າຍ,ແຕ່ງຕັ້ງຮັກສາການຫົວໜ້າພະແນກ, ຮອງພະແນກ ທີ່ຂຶ້ນກັບກອງບັນຊາການທະຫານແຂວງ ແລະ ປະກາດພະນັກງານພັກການກຽມຮັບບໍານານນໍາອີກ. ພາບ:ຄໍາໃສ ຂ່າວ:ວິລະພົງ

news to day and hot news