POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 22 ເມສາ 2025

ຄະນະເຝິກອົບຮົມ ຫໍພິພິທະພັນປະຫວັດສາດ ກອງທັບປະຊາຊົນລາວ ຢ້ຽມຢາມ ຫໍພິພິທະພັນປະຫວັດສາດການທະຫານ ກອງທັບປະຊາຊົນຫວຽດນາມ
ເວລາອອກຂ່າວ: 2024-10-11 10:13:43 | ຜູ້ຂຽນ : admin3 | ຈຳນວນຄົນເຂົ້າຊົມ: 529 | ຄວາມນິຍົມ:

ໃນລະຫວ່າງວັນທີ 3-4 ຕຸລາ 2024, ຢູ່ທນະຄອນຫຼວງຮ່າໂນ້ຍ ສສ ຫວຽດນາມ, ຄະນະເຝິກອົບຮົມວຽກງານຫໍພິພິທະພັນປະຫວັດສາດ ກອງທັບປະ ຊາຊົນລາວ ນຳພາໂດຍ ສະຫາຍ ພັນເອກ ແກ້ວສຸວັນ ຜາງພິລາວົງ ຫົວໜ້າກົມໂຄສະນາ-ອົບຮົມ ກົມໃຫຍ່ການເມືອງກອງທັບ ໄດ້ເຄື່ອນໄຫວຢ້ຽມຢາມພົບປະເຮັດວຽກຮ່ວມກັບຫໍພິພິທະພັນປະຫວັດສາດການທະຫານ ກອງທັບປະຊາຊົນຫວຽດນາມ, ໂດຍການຕ້ອນຮັບຂອງ ສະຫາຍ ພັນເອກ ຫງວຽນ ແທ່ງ ເລ ຮອງ ອຳນວຍການ ພ້ອມດ້ວຍຄະນະ ແລະ ພະນັກງານພາຍໃນຫໍພິພິ ທະພັນປະຫວັດສາດການທະຫານກອງທັບຫວຽດນາມ, ພ້ອມນຳພາທ່ຽວຊົມການຈັດວາງສະ ແດງຫໍພິພິທະພັນປະຫວັດສາດການທະຫານ ກອງທັບປະຊາຊົນຫວຽດນາມ ໃນສະຖານທີ່ອາ ຄານຫຼັງໃໝ່ທີ່ໄດ້ຈັດຕັ້ງເປີດນຳໃຊ້ເປັນທາງການ ວັນທີ 1 ຕຸລາ 2024, ໃນໂອກາດນີ້ໄດ້ຮັບຟັງການນຳສະເໜີລາຍງານໜ້າທີ່ພາລະບົດບາດການເຄື່ອນໄຫວ ແລະ ທີ່ຕັ້ງມູນເຊື້ອຂອງຫໍພິພິທະພັນປະຫວັດສາດການທະຫານກອງທັບປະຊາຊົນຫວຽດນາມໄດ້ມີການເຕີບໃຫຍ່ຂະຫຍາຍຕົວພາຍໃຕ້ການນຳພາຂອງພັກ ແລະ ຄະນະພັກສູນກາງກະຊວງປ້ອງກັນປະເທດຫວຽດນາມ ຕະ ຫຼອດຜ່ານມາເຫັນໄດ້ວຽກງານໂຄສະນາສຶກສາແນວຄິດມີປະສິດທິຜົນ, ໃນພາລະກິດປະຕິວັດມີການເສຍສະຫຼະເພື່ອຊາດ ແລະ ປົກປັກຮັກສາມູນເຊື້ອອັນໂດດເດັ່ນ ແມ່ນໜ້າທີ່ອັນຕົ້ນຕໍຂອງຫໍພິພິທະພັນ. ມື້ຕໍ່ມາໄດ້ໄປເຄື່ອນໄຫວຢ້ຽມຢາມຫໍພິພິທະພັນທະຫານເຮືອ ແລະ ຫໍພິພິທະພັນອະນຸລັກ ພືດທຳມະຊາດ ສັດນ້ຳທະເລ ແລະ ວັດທະນະທຳ ຮາລອງເບ ໂດຍການຕ້ອນຮັບຂອງຫົວໜ້າອຳ ນວຍການຫໍພິພິທະພັນ ພ້ອມດ້ວຍຄະນະທັງ 2 ແຫ່ງ ມີຄວາມຮັກແພງສາມັກຄີ, ການໄປທັດສະນະໃນຄັ້ງນີ້ ໄດ້ພົບປະສົນທະນາແລກປ່ຽນວຽກງານດ້ານວິຊາການວິຊາສະເພາະ ເພື່ອນຳເອົາ ບົດຮຽນໄປປັບປຸງຄຸນນະພາບ ໃຫ້ດີກວ່າເກົ່າ ເພື່ອຮັບໃຊ້ສັງ ຄົມມີຄວາມເຂັ້ມແຂງຢ່າງຍືນຍົງ. ໃນຕອນທ້າຍຫົວໜ້າຄະນະ ເຝິກອົບຮົມໄດ້ອວຍພອນ ແລະ ຂອບໃຈທີ່ໃຫ້ການຕ້ອນຮັບຢ່າງ ອົບອຸ່ນ, ຍົກສູງລະດັບວຽກງານການຄຸ້ມຄອງຫໍພິພິທະພັນ ແລະ ຮຽນຮູ້ບົດຮຽນອັນໃໝ່, ປະສົບການທາງດ້ານວິຊາການ, ວິຊາສະເພາະໃນການຄຸ້ມຄອງບໍລິຫານຂອງລັດກ່ຽວກັບວຽກງານຫໍພິພິທະພັນໃນສອງກອງທັບຕື່ມອີກ. ໂດຍ: ອຳນາຍ ເພັດລາວັນ

news to day and hot news