ວັນສຸກ, ວັນທີ 18 ກໍລະກົດ 2025
ຫ້ອງການເມືອງ ກມທ ເປີດຮຽນສະໜັບສະໜູນ ແລະ ກົດລະບຽບພັກ ໃຫ້ມະຫາຊົນຜູ້ກ້າວໜ້າ
ເວລາອອກຂ່າວ: 2024-10-14 10:10:51 | ຜູ້ຂຽນ : admin3 | ຈຳນວນຄົນເຂົ້າຊົມ: 567 | ຄວາມນິຍົມ: 
ໃນລະຫວ່າງວັນທີ 9-10 ຕຸລາ 2024 ນີ້, ຫ້ອງການເມືອງ ກົມໃຫຍ່ການເມືອງກອງທັບ (ກມທ) ໄດ້ເປີດຮຽນເອກະສານສະໜັບສະໜູນ ແລະ ກົດລະບຽບພັກ ໃຫ້ມະຫາຊົນຜູ້ກ້າວໜ້າ ເປົ້າໝາຍຈະເຂົ້າເປັນສະມາຊິກພັກໃໝ່ ຄັ້ງທີ III ປະຈຳປີ 2024, ໂດຍການຂຶ້ນຫ້ອງບັນຍາຍເອກະສານສະໜັບສະໜູນພັກ ຂອງ ສະຫາຍ ພັນໂທ ສອນໄຊ ອິນທະວົງ ຫົວໜ້າພະແນກໂຄສະນາ-ອົບຮົມ ຫ້ອງການເມືອງ ແລະ ຂຶ້ນຫ້ອງຮຽນກົດລະບຽບພັກ ຂອງສະຫາຍ ພັນເອກ ສຸວັນນີ ດວງປະເສີດ ຮອງຫົວໜ້າຫ້ອງການເມືອງ ກມທ, ມີມະຫາຊົນຜູ້ກ້າວໜ້າ ເປົ້າໝາຍຈະເຂົ້າເປັນສະມາຊິກພັກໃໝ່ໃນທົ່ວ ກມທ ເຂົ້າຮ່ວມ.
ສະຫາຍ ພັນຕີ ວິລະພັນ ຊາພູວົງ ຮອງຫົວໜ້າພະແນກໂຄສະນາ-ອົບຮົມ ຫ້ອງການເມືອງ ກມທ ໄດ້ຜ່ານມະຕິຕົກລົງ ຂອງຄະນະປະຈຳພັກ ກມທ ວ່າດ້ວຍການອະນຸມັດເປີດຮຽນສະໜັບສະໜູນ ແລະ ວ່າດ້ວຍການອະນຸມັດເປີດຮຽນກົດລະບຽບພັກ ໃຫ້ມະຫາຊົນຈະຂະຫຍາຍເຂົ້າເປັນສະມາຊິກພັກ ຢູ່ ກມທ ຄັ້ງທີ III ປະຈຳປີ 2024 ໂດຍປະຕິບັດຕາມກົດລະບຽບ ພັກປະຊາຊົນປະຕິວັດລາວ ສະໄໝທີ XI ໝວດທີ I ມາດຕາ 2 ວ່າດ້ວຍລະບຽບການຂະຫຍາຍພັກ ໃນນີ້, ມີມະຫາຊົນຜູ້ກ້າວ ໜ້າເຂົ້າຮຽນສະໜັບສະໜູນ 20 ສະຫາຍ, ຍິງ 6 ສະຫາຍ ແລະ ມີມະຫາຊົນຜູ້ກ້າວໜ້າເຂົ້າຮຽນກົດລະບຽບພັກ 30 ສະຫາຍ, ຍິງ 11 ສະຫາຍ.
ສຳຫຼັບເອກະສານທີ່ນຳມາເປີດຮຽນໃຫ້ເປົ້າໝາຍທີ່ຈະຂະຫຍາຍເຂົ້າພັກຄັ້ງນີ້ ມີເອກະສານຮຽນ ສະໜັບສະໜູນພັກ ແລະ ເອກະສານກົດລະບຽບພັກປະຊາຊົນປະຕິວັດລາວ ສະໄໝທີ XI. ທັງນີ້, ເພື່ອຮັບປະກັນໃຫ້ແກ່ເປົ້າໝາຍທີ່ຈະຂະຫຍາຍເຂົ້າເປັນສະມາຊິກພັກ ມີຄວາມຮັບຮູ້ເຂົ້າໃຈແຈ້ງຢ່າງເລິກເຊິ່ງ ແລະ ກຳແໜ້ນບັນດາເນື້ອໃນສຳຄັນ ເປັນຕົ້ນແມ່ນ ຮັບຮູ້ໄດ້ມາດຖານເງື່ອນໄຂ, ສິດ ແລະ ຂໍ້ຫ້າມຂອງສະມາຊິກ ຂອງພັກປະຊາຊົນປະຕິວັດລາວ.
ໂດຍ: ພູວັນ ສີບຸນມາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
