ວັນອັງຄານ, ວັນທີ 03 ທັນວາ 2024
ພະນັກງານ ສຕລ ສຳເລັດການປະຕິບັດໜ້າທີ່ ໃນການແຂ່ງຂັນ ຟຸດຊອລ ຊີງແຊັມໂລກ
ເວລາອອກຂ່າວ: 2024-10-16 09:24:52 | ຜູ້ຂຽນ : admin3 | ຈຳນວນຄົນເຂົ້າຊົມ: 416 | ຄວາມນິຍົມ: 
ການແຂ່ງຂັນ ຟຸດຊອລ ຊີງແຊັມໂລກ 2024 ທີ່ປະເທດອຸດສະເບກິດສະຖານ ໄດ້ສິ້ນສຸດລົງຢ່າງສຳເລັດ ແລະ ຈົບງາມຕົ້ນອາທິດນີ້ ໂດຍເປັນທີມຊາດບຣາຊິນ ສາມາດຍາດໄດ້ແຊັມສະໄໝທີ 6 ພາຍຫຼັງທີ່ເອົາຊະນະທີມຊາດອາກຊັງຕິນ ດ້ວຍຜົນການແຂ່ງຂັນ 2-1 ປະຕູ.
ການແຂ່ງຂັນຟຸດຊອລຄັ້ງນີ້ ທາງ FIFA ໄດ້ແຕ່ງຕັ້ງ ທ່ານ ປາດຖະໜາ ຂັນຕິຍະວົງ, ຫົວໜ້າຝ່າຍພົວພັນຕ່າງປະເທດ ທັງເປັນຜູ້ຮັບຜິດຊອບການປົກປ້ອງສິດທິເດັກນ້ອຍ ຂອງສະຫະພັນບານເຕະແຫ່ງຊາດລາວ (ສຕລ) ໃຫ້ຮັບຜິດຊອບໜ້າທີ່ຊ່ວຍພິທີການໃນສະໜາມແຂ່ງຂັນ ເຊິ່ງໄດ້ປະຕິບັດໜ້າທີ່ຕັ້ງແຕ່ເລີ່ມຕົ້ນ ຈົນຈົບການແຂ່ງຂັນ.
ຕໍ່ປະສົບການດັ່ງກ່າວ, ທ່ານ ປາດຖະໜາ ໄດ້ກ່າວວ່າ: “ຂ້າພະເຈົ້າ ຂໍສະແດງຄວາມຂອບໃຈມາຍັງ FIFA ແລະ LOC ສຳລັບໂອກາດທີ່ມອບໃຫ້, ຮູ້ສຶກເປັນກຽດ ແລະ ດີໃຈຫຼາຍທີ່ໄດ້ມີໂອກາດປະກອບສ່ວນໃນການແຂ່ງຂັນລະດັບໂລກ ເຊິ່ງເຮັດໃຫ້ຂ້າພະເຈົ້າ ໄດ້ຮຽນຮູ້ ແລະ ເກັບກ່ຽວປະສົບການໃນຫຼາຍໆດ້ານ ຈາກຝ່າຍຈັດການແຂ່ງຂັນ ແລະ ເພື່ອນຮ່ວມງານ. ສຸດທ້າຍນີ້ ຂ້າພະເຈົ້າຂໍຂອບໃຈ ສະຫະພັນບານເຕະແຫ່ງຊາດລາວ ທີ່ໄດ້ຊຸກຍູ້ ແລະ ໃຫ້ຂ້າພະເຈົ້າ ໄດ້ມີໂອກາດ ໄດ້ຮຽນຮູ້ສິ່ງໃໝ່ໆ ແລະ ສະແດງສັກກະຍະພາບຂອງຕົວຂ້າພະເຈົ້າເອງ”
ສຕລ ໄດ້ສືບຕໍ່ສ້າງບຸກຄະລາກອນພາຍໃນ ໃຫ້ມີໂອກາດປະກອບສ່ວນໃນການແຂ່ງຂັນລະດັບທະວີບ ແລະ ລະດັບໂລກ ເຊິ່ງໃນຕົ້ນປີທີ່ຜ່ານມາ ກໍໄດ້ສົ່ງ ທ່ານ ສັນຕິກອນ ແສງດາລາ, ຫົວໜ້າພະແນກຈັດການແຂ່ງຂັນ ໄປປະຕິບັດໜ້າທີ່ໃນການແຂ່ງຂັນບານເຕະ ຊີງແຊ້ມອາຊີ AFC Asian Cup ທີ່ປະເທດກາຕ້າ ແລະ ທ່ານ ນາງ ພຸດສະຫວັນ ຈັນທະວົງ ກຳມະການຕັດສິນລະດັບ AFC Elite ເຂົ້າຮ່ວມການແຂ່ງຂັນຂອງ AFC ໃນຫຼາຍໆ ລາຍການໃນໄລຍະທີ່ຜ່ານມາ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
