POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 04 ທັນວາ 2024

ກັອບລາວ ຮ່ວມມືກັບ ສະໜາມກັອບ ເລກວິວ ສົ່ງເສີມພັດທະນາ ທັບນັກກິລາລາວ ໃຫ້ມີທ່າກ້າວ ສາມາດທຽບທັນກັບສາກົນ
ເວລາອອກຂ່າວ: 2024-10-16 09:28:58 | ຜູ້ຂຽນ : admin3 | ຈຳນວນຄົນເຂົ້າຊົມ: 429 | ຄວາມນິຍົມ:

ສະຫະພັນກິລາກັອບແຫ່ງຊາດລາວ ແລະ ສະໜາມກິລາ ກັອບ ເລກວິວ ໄດ້ຮ່ວມກັນລົງນາມໃນບົດບັນທຶກຄວາມເຂົ້າໃນ ຫຼື MOU ເພື່ອສົ່ງເສີມການພັດ ທະນານັກກິລາກັອບທີມຊາດ ລາວ ໃຫ້ພົ້ນເດັ່ນກວ່າເກົ່າ ໃຫ້ສາ ມາດທຽບເທົ່າກັບລະດັບພາກພື້ນ ແລະ ສາກົນ ແນໃສ່ດຶງດູດການທ່ອງທ່ຽວ ສປປ ລາວ ໃຫ້ນັບມື້ເຕີບໃຫຍ່ຂະຫຍາຍຕົວຂຶ້ນເລື້ອຍໆ. ພິທີເຊັນບົດບັນທຶກຄວາມເຂົ້າ ໃຈ ຫຼື MOU ລະຫວ່າງທ່ານ ຮສ.ປອ ກອງສີ ແສງມະນີ ປະທານສະຫະພັນກິລາກັອບແຫ່ງຊາດ ລາວ ແລະ ທ່ານ ຫຼຽງັ ເວີ້ຍຫົງ (LIANG WEIHONG) ປະທານ ບໍລິສັດ ລາວລົງທຶນ ແລະ ພັດທະນາຊັບພະຍາກອນຈຳກັດ ທັງເປັນຜູ້ບໍລິຫານສະໜາມກິລາກັອບ ເລກວິວ ຈັດຂຶ້ນ ໃນຕອນເຊົ້າມື້ນີ້ ວັນທີ 12 ຕຸລາ 2024 ທີ່ສະໜາມກິລາກັອບ ເລກວິວ ເມືອງໄຊເຊດຖາ ນະຄອນຫຼວງວຽງຈັນ ມີບັນດາຄະນະບໍລິຫານງານສະຫະພັນກິລາກັອບແຫ່ງຊາດ ແລະ ພະນັກງານທີ່ກ່ຽວຂ້ອງເຂົ້າຮ່ວມເປັນສັກຂີພິຍານ. ໂອກາດນີ້, ທ່ານ ຮສ.ປອ ກອງສີ ແສງມະນີ ກ່າວວ່າ: ຂ້າພະເຈົ້າມີຄວາມຮູ້ສຶກດີໃຈຫຼາຍທີ່ໄດ້ມີເຫັນໂຄງການຮ່ວມມືລະຫວ່າງ ສະຫະພັນກັອບແຫ່ງຊາດລາວ ແລະ ສະໜາມກິລາກັອບ ເລກວິວ ເກີດຂຶ້ນ ເຊິ່ງເປັນສັນຍາທີ່ສຳຄັນຕໍ່ການພັດທະນາວົງການກິລາກັອບລາວ ໂດຍສະເພາະແມ່ນນັກກິລາທີມຊາດ ຈະໄດ້ມີການເຝິກຊ້ອມຢ່າງຕໍ່ເນື່ອງ ເພື່ອກຽມຄວາມພ້ອມເຂົ້າຮ່ວມງານແຂ່ງຂັນກິລາລາຍການຕ່າງໆ ທັງພາຍໃນ, ພາກພື້ນ ແລະ ສາກົນ ໃນການເຝິກຊ້ອມທີ່ສະໜາມ ແຫ່ງນີ້ແນ່ນອນວ່າສິ່ງສຳຄັນທີ່ສຸດຄືນັກກິລາທີມຊາດ ຈະໄດ້ ມີການເຝິກຊ້ອມ ແລະ ທົດສອບ ຄວາມສາມາດກັບບັນດານັກກິລາກັອບລະດັບມືອາຊີບ, ພິເສດ ທີ່ສຸດສະໜາມນີ້ ແມ່ນມີມາດຕະຖານ-ຄຸນນະພາບສູງ ແລະ ມີການບໍລິການທີ່ດີຫຼາຍ ສະນັ້ນ ຂ້າພະເຈົ້າເຊື່ອວ່າ ບັນດານັກກິລາກັອບລາວ ທີ່ໄດ້ມາເຝິກຊ້ອມທີ່ນີ້ ແມ່ນຈະມີຄວາມຮູ້ຄວາມສາມາດທາງດ້ານທັກສະ, ມີເຕັກ ນິກພື້ນຖານທາງດ້ານທິດສະດີ ແລະ ພາກປະຕິບັດຕົວຈິງ ເຮັດໃຫ້ເຂົາເຈົ້າມີຄວາມພາກພູມໃຈຂຶ້ນຕື່ມ. ໂອກາດດຽວກັນ, ທ່ານ ຫຼຽງ ເວີ້ຍຫົງ ກໍໄດ້ສະແດງຄວາມຂອບໃຈເປັນຢ່າງສູງທີ່ສະຫະພັນກິລາກັອບແຫ່ງຊາດລາວ ໄດ້ໃຫ້ຄວາມເຊື່ອໝັ້ນສະໜາມກິລາກັອບ ເລກວິວ ສ້າງໂອກາດໃຫ້ນັກກິລາກັອບທີມຊາດລາວ ໄດ້ເຄື່ອນໄຫວຢ່າງຕໍ່ເນື່ອງ ໂດຍ ອີງໃສ່ທັດສະນະສ່ວນຕົວຂ້າພະເຈົ້າແລ້ວແມ່ນມີຄວາມພາກພູມໃຈຫຼາຍ ທີ່ໄດ້ເປັນສ່ວນໜຶ່ງ ໃນການປະກອບສ່ວນພັດທະນານັກກິລາກັອບລາວ ໃຫ້ສາມາດເຊື່ອມໂຍງກັບບັນດານັກກິລາກັອບໃນຂົງເຂດອາຊຽນ ແລະ ທົ່ວໂລກ. ເຖິງຢ່າງໃດກໍດີ, ໃນການຮ່ວມມືກັນໃນຄັ້ງນີ້ ທາງສະໜາມກິລາ ເລກວິວ ຈະໃຫ້ຄວາມສະດວກໃນການຫຼຸດລາຄາພິເສດໃຫ້ແກ່ນັກກິລາທີມຊາດ ທັງຮຸ່ນເຍົາວະຊົນ ແລະ ຊຸດໃຫຍ່ ໄດ້ເຄື່ອນໄຫວ ເຝິກຊ້ອມຢ່າງຕໍ່ເນື່ອງໂດຍທັດສະນະສ່ວນຕົວແລ້ວ ກໍຢາກເຫັນ ນັກກິລາກັອບລາວ ມີການພັດທະນາທີ່ດີກວ່າເກົ່າ ສາມາດໄປທຽບເທົ່າກັບນັກກິລາທີ່ຕິດລະດັບທອບ ໃນຂົງເຂດອາຊຽນ ເວົ້າສະເພາະແມ່ນສ້າງຜົນງານຄັ້ງປະຫວັດສາດ ໃນການແຂ່ງຂັນງານກິລາອາຊຽນ ໃນຕໍ່ໜ້ານີ້.

news to day and hot news