POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ອົງການນິຕິບັນຍັດ ລາວ-ໄທ ເພີ່ມທະວີຮັດແໜ້ນການຮ່ວມມືສອງຝ່າຍ
ເວລາອອກຂ່າວ: 2024-10-23 10:30:28 | ຜູ້ຂຽນ : admin3 | ຈຳນວນຄົນເຂົ້າຊົມ: 231 | ຄວາມນິຍົມ:

ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ສປປ ລາວ ໄດ້ພົບປະກັບ ທ່ານ ວັນມູຫະມັດ ນໍມັດທາ ປະທານລັດຖະສະພາ ປະທານສະພາຜູ້ແທນຣາດຊະດອນແຫ່ງຣາຊະອານາຈັກໄທ ໃນວັນທີ 21 ຕຸລາ 2024 ໃນໂອກາດເຂົ້າຮ່ວມກອງປະຊຸມໄອປາ (AIPA) ຄັ້ງທີ 45 ທີ່ນະຄອນຫຼວງວຽງຈັນ. ທ່ານ ໄຊສົມພອນ ພົມວິຫານ ໄດ້ສະແດງຄວາມຍິນດີຕ້ອນຮັບ ແລະ ຂອບໃຈຢ່າງຈິງໃຈມາຍັງ ທ່ານ ວັນມູຫະມັດ ນໍມັດທາ ພ້ອມຄະນະທີ່ມາເຂົ້າຮ່ວມກອງປະຊຸມໃນຄັ້ງນີ້ ເຊິ່ງເປັນການປະກອບສ່ວນອັນສຳຄັນເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມ ກໍຄືການເປັນຄູ່ຮ່ວມຍຸດທະສາດ ເພື່ອການຈະເລີນເຕີບໂຕ ເເລະ ການພັດທະນາເເບບຍືນຍົງຂອງສອງປະເທດ ລາວ-ໄທ, ໄທ-ລາວ ເວົ້າສະ ເພາະລະຫວ່າງສະພາແຫ່ງຊາດລາວ ແລະ ລັດຖະສະພາໄທໃຫ້ນັບມື້ຈະເລີນງອກງາມຍິ່ງໆ ຂຶ້ນ. ທ່ານ ວັນມູຫະມັດ ນໍມັດທາ ໄດ້ສະແດງຄວາມຂອບໃຈເປັນຢ່າງສູງຕໍ່ການຕ້ອນຮັບຂອງ ທ່ານ ໄຊສົມພອນ ພົມວິຫານ, ຕໍ່ສາຍພົວພັນມິດຕະພາບ ແລະ ການຮ່ວມມືລະຫວ່າງສອງປະເທດ ລາວ-ໄທ ເວົ້າສະເພາະ ລະຫວ່າງສອງອົງການນິຕິບັນຍັດ ລາວ-ໄທ ພ້ອມທັງໄດ້ແຈ້ງ ສະພາບການທີ່ພົ້ນເດັ່ນໃນປັດຈຸ ບັນ ແລະ ບັນຫາອື່ນໆ ຂອງຣາ ຊະອານາຈັກໄທໃຫ້ໄດ້ຮັບຊາບ. ສອງຝ່າຍໄດ້ຮ່ວມກັນພັດ ທະນາພື້ນຖານໂຄງລ່າງ ອັນພົ້ນເດັ່ນແມ່ນການສ້າງຂົວຂ້າມແມ່ນ້ຳຂອງ ແລະ ການພັດທະນາເສັ້ນທາງຄົມມະນາຄົມຈາກຝັ່ງໄທສູ່ຝັ່ງລາວ ເພື່ອເຊື່ອມຕໍ່ໃສ່ເສັ້ນທາງລົດໄຟ ລາວ-ຈີນ ອັນເປັນທ່າແຮງສຳຄັນໃນການຮ່ວມມື ລະຫວ່າງສອງປະເທດ. ນອກນີ້, ຍັງໄດ້ສະໜັບສະໜູນຊ່ວຍເຫຼືອເຊິ່ງກັນ ແລະ ກັນ ພົວ ພັນຮ່ວມມືໃນເວທີພາກພື້ນ ແລະ ສາກົນ. ນອກນີ້, ລັດຖະບານຂອງສອງປະເທດ ຍັງໄດ້ເອົາໃຈໃສ່ຈັດຕັ້ງປະຕິບັດບັນດາສັນຍາ, ສົນ ທິສັນຍາ ແລະ ຂໍ້ຕົກລົງຕ່າງໆ ທີ່ໄດ້ລົງນາມຮ່ວມກັນ, ຈັດຕັ້ງຜັນຂະຫຍາຍແຜນປະຕິບັດງານ ວ່າດ້ວຍການເປັນຄູ່ຮ່ວມຍຸດທະສາດ ເພື່ອການຈະເລີນເຕີບໂຕ ແລະ ການພັດທະນາແບບຍືນຍົງໄລຍະ 5 ປີ (2022-2026) ໃຫ້ເປັນຮູບປະທຳຂຶ້ນກວ່າເກົ່າ. ສຳລັບການພົວພັນຮ່ວມມື ລະຫວ່າງສະພາແຫ່ງຊາດລາວ ແລະ ສະພາຜູ້ແທນຣາດຊະດອນ ໄທ ໃນໄລຍະຜ່ານມາ ໄດ້ມີການແລກປ່ຽນຢ້ຽມຢາມຂອງຄະນະຜູ້ແທນລະດັບສູງ, ກຳມາທິການ, ຄະນະເລຂາທິການ ແລະ ຄະນະ ມິດຕະພາບລັດຖະສະພາ, ແລກປ່ຽນຂໍ້ມູນ-ຂ່າວສານກ່ຽວກັບ ການຈັດຕັ້ງປະຕິບັດພາລະບົດ ບາດນິຕິບັນຍັດ, ຈັດຕັ້ງປະຕິບັດບົດບັນທຶກຄວາມເຂົ້າໃຈ ວ່າດ້ວຍການຮ່ວມມື ທີ່ໄດ້ລົງນາມຮ່ວມກັນໃນເດືອນທັນວາ 2022 ເຊິ່ງເປັນນິມິດໝາຍອັນສຳຄັນທາງປະຫວັດສາດ ແຫ່ງການພົວພັນຮ່ວມມືລະຫວ່າງສອງອົງ ການນິຕິບັນຍັດ ທັງເປັນການປະ ກອບສ່ວນຢ່າງຕັ້ງໜ້າເຂົ້າໃນ ການຈັດຕັ້ງປະຕິບັດແຜນປະຕິ ບັດງານການເປັນຄູ່ຮ່ວມຍຸດທະສາດ ເພື່ອການຈະເລີນເຕີບໂຕ ແລະ ການພັດທະນາແບບຍືນຍົງຂອງສອງປະເທດ ລາວ-ໄທໃຫ້ມີປະສິດທິພາບສູງຂຶ້ນ. ສອງອົງການນິຕິບັນຍັດຍັງ ໄດ້ມີການພົວພັນຮ່ວມມື ແລະ ສະໜັບສະໜູນ ເຊິ່ງກັນ ແລະ ກັນ ໃນເວທີລັດຖະສະພາພາກພື້ນ ແລະ ສາກົນ ເປັນຕົ້ນ: AIPA, APPF, IPU, ASEP ແລະ ອື່ນໆ. ສຳລັບທິດທາງການພົວ ພັນຮ່ວມມືໃນຕໍ່ໜ້າ, ສະເໜີສືບຕໍ່ຈັດຕັ້ງປະຕິບັດເນື້ອໃນຈິດໃຈຂອງບົດບັນທຶກຄວາມເຂົ້າໃຈ ວ່າດ້ວຍການຮ່ວມມືລະຫວ່າງສະພາ ແຫ່ງຊາດ ລາວ ແລະ ລັດຖະສະພາ ໄທ ໃຫ້ເປັນຮູບປະທຳ ໂດຍສະເພາະສືບຕໍ່ແລກປ່ຽນຄະນະຜູ້ແທນຂັ້ນສູງ, ກຳມາທິການ, ຄະ ນະເລຂາທິການ, ຄະນະມິດຕະ ພາບລັດຖະສະພາ; ສືບຕໍ່ແລກ ປ່ຽນຂໍ້ມູນ-ຂ່າວສານ ໃນການປະຕິບັດພາລະບົດບາດຂອງອົງ ການນິຕິບັນຍັດ; ສະເໜີຕິດຕາມກວດກາການຈັດຕັ້ງປະຕິບັດບັນດາສັນຍາ, ສົນທິສັນຍາ ແລະ ຂໍ້ຕົກລົງຕ່າງໆ ທີ່ສອງລັດຖະບານ ຂອງສອງປະເທດລົງນາມຮ່ວມກັນໃນດ້ານເສດຖະກິດ, ການຄ້າ-ການລົງທຶນ, ດ້ານພະລັງງານ, ການທ່ອງທ່ຽວ ແລະອື່ນໆ ກໍຄືການຈັດຕັ້ງປະຕິບັດແຜນປະຕິບັດງານ ວ່າດ້ວຍການເປັນຄູ່ ຮ່ວມຍຸດທະສາດ ເພື່ອການຈະ ເລີນເຕີບໂຕ ແລະ ການພັດທະນາແບບຍືນຍົງໄລຍະ 5 ປີ ( 2022-2026); ສືບຕໍ່ສະໜັບສະໜູນເຊິ່ງກັນ ແລະ ກັນໃນເວທີລັດຖະສະພາພາກພື້ນ ແລະ ສາກົນແນ ໃສ່ປົກປັກຮັກສາສັນຕິພາບ, ສະຖຽນລະພາບ ແລະ ການຮ່ວມມື ເພື່ອການພັດທະນາໃນພາກພື້ນ ແລະ ໃນໂລກ.

news to day and hot news