POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 04 ທັນວາ 2024

ເຝິກອົບຮົມການນຳໃຊ້ໂປຣແກຣມອອກໃບບິນອາກອນມູນຄ່າເພີ່ມ ແລະ ໂປຣແກຣມບັນຊີ ສຳລັບອົງການຈັດຕັ້ງລັດ
ເວລາອອກຂ່າວ: 2024-10-24 08:59:38 | ຜູ້ຂຽນ : admin3 | ຈຳນວນຄົນເຂົ້າຊົມ: 179 | ຄວາມນິຍົມ:

ບໍລິສັດ ເອພີໄອເອັສ ຈຳກັດ ຮ່ວມກັບ ວິທະຍາໄລການເງິນ ພາກເໜືອ ໄດ້ຈັດເຝິກອົບຮົມ ການນຳໃຊ້ໂປຣແກຣມອອກໃບບິນອາກອນມູນຄ່າເພີ່ມ “TAX INVIOCE” ທີ່ລິ້ງກັບລະບົບ (TAXRIS) ແລະ ການນຳໃຊ້ໂປຣແກຣມບັນຊີ ສຳລັບອົງການຈັດຕັ້ງລັດ ໃຫ້ພະນັກງານຄູ-ອາຈານ ວິທະຍາໄລການເງິນ ພາກເໜືອ ໃນລະຫວ່າງວັນທີ 14-16 ຕຸລາ 2024 ນີ້, ໂດຍການເປັນປະທານຮ່ວມຂອງ ທ່ານ ປອ ນາງ ວົງພະຈັນ ວົງປະດິດ ຜູ້ອຳນວຍການ ວິທະຍາໄລການເງິນ ພາກເໜືອ ແລະ ທ່ານ ວົງເດືອນ ອິນປະເສີດ ຮອງປະທານບໍລິສັດ ເອພີໄອເອັສ ຈຳກັດ, ມີພະນັກງານ-ວິຊາການຈາກບໍລິສັດ ແລະ ພະນັກງານຄູ-ອາຈານ ເຂົ້າຮ່ວມ. ທ່ານ ວົງເດືອນ ອິນປະເສີດ ໄດ້ກ່າວວ່າ: ບໍລິສັດ ເອພີໄອເອັສ ຈຳກັດ ເປັນບໍລິສັດທີ່ພັດທະນາໂປຣແກຣມ ທີ່ທັນສະໄໝສະໜອງໃຫ້ແກ່ບັນດາພາກລັດ-ພາກທຸລະກິດໃນຂົງເຂດພາຍໃນປະເທດ, ການຈັດເຝິກກອົບຮົມການຮຽນ-ການສອນ ລະບົບໂປຣແກຣມອອກໃບບິນອາກອນມູນຄ່າເພີ່ມ TAX INVIOCE ທີ່ລິ້ງກັບລະບົບ TAXRIS ແລະ ການນຳໃຊ້ໂປຣແກຣມບັນຊີ ສຳລັບອົງການຈັດຕັ້ງລັດ ໃຫ້ບັນດາຄູ-ອາຈານ ວິທະຍາໄລການເງິນ ພາກເໜືອ ເພື່ອນຳໄປຜັນຂະຫຍາຍເຂົ້າໃນການສິດສອນໃຫ້ບັນດານັກສຶກສາ, ເມື່ອນັກສຶກສາຈົບໄປແລ້ວ ໄດ້ເຮັດວຽກຢູ່ໃນຂົງເຂດການເງິນ-ການບັນຊີພາກລັດ, ອົງການຈັດຕັ້ງຂອງລັດ ສາມາດນຳໃຊ້ໂປຣແກຣມນີ້ເຂົ້າໃນວຽກງານຕົວຈິງໃຫ້ມີຄວາມສະດວກງ່າຍຂຶ້ນ, ສຳລັບທັງ 2 ໂປຣແກຣມນີ້ ບໍລິສັດໄດ້ພັດທະນາມາຫຼາຍປີແລ້ວ ແລະ ເປັນລະບົບໂປຣແກຣມທີ່ທັນສະໄໝ ທີ່ບໍລິສັດ ເອພີໄອເອັສ ຈຳກັດ ສ້າງຂຶ້ນພາຍໃນປະເທດ ແລະ ເປັນການສົ່ງເສີມໃຫ້ພາກລັດເຮົາບໍ່ສີ້ນເປືອງໃນການສັ່ງຊື້ລະບົບໂປຣແກຣມມາຈາກຕ່າງ ປະເທດ ແລະ ໂປຣແກຣມນີ້ຈະຊ່ວຍໃຫ້ພາກລັດໄດ້ນຳໃຊ້ຜະລິດຕະພັນພາຍໃນປະເທດ ໂດຍສະເພາະແມ່ນຄົນລາວເປັນຜູ້ພັດທະນາຂຶ້ນເປັນພາສາລາວ, ການນຳໃຊ້ກໍສະດວກງ່າຍຂຶ້ນສອດຄ່ອງກັບວຽກງານຕົວຈິງໃນ ສປປ ລາວ. ທ່ານ ວົງເດືອນ ອິນປະເສີດ ໄດ້ກ່າວຕື່ມວ່າ: ສຳລັບ ບໍລິສັດ ເອພີໄອເອັສ ຈຳກັດ ສ້າງຕັ້ງຂຶ້ນປີ 2001 ເປົ້າໝາຍແມ່ນພັດທະນາລະບົບໂປຣແກຣມການເງິນ-ການບັນຊີ ຈົນໄດ້ຮັບການຮັບຮອງຢັ້ງຢືນຈາກກະຊວງການເງິນ ໃນປີ 2004 ແລະ ໄດ້ສືບຕໍ່ພັດທະນາມາຫຼາຍໆ ໂປຣແກຣມເຊັ່ນ: ໂປແກຣມຄຸ້ມຄອງບໍລິຫານລັດ, ຄຸ້ມຄອງອົງກອນ, ຄຸ້ມຄອງພະນັກງານການເງິນ, ພະນັກງານເງິນເດືອນ, ລະບົບສາງ, ລະບົບຮ້ານຄ້າມິນິມາກ, ບັນຊີໂຄງການທີ່ທະນາຄານໂລກ ຫຼື ທະນາຄານພັດທະນາອາຊີ ທີ່ມາລົງທຶນຢູ່ ສປປ ລາວ ກໍໄດ້ນຳໃຊ້ລະບົບໂປຣແກຣມບັນຊີໂຄງການ ຂອງບໍລິສັດ ເອພີໄອເອັສ ຈຳກັດ ເພື່ອໄປຕິດຕາມໂຄງການໃນການຮັບ-ການຈ່າຍ ແລະ ສ້າງເອກະສານລາຍງານໂຄງການໃຫ້ໄດ້ຕາມມາດຕະຖານ ສຳລັບໂປຣແກຣມບັນຊີງົບປະມານ ຫຼື ວ່າບັນຊີທີ່ໃຊ້ໃນອົງການຈັ້ດຕັ້ງລັດ ແມ່ນໂປຣແກຣມບັນຊີ ທີ່ນຳໃຊ້ໃນຂົງເຂດການເງິນ-ການບັນຊີ ໃນທົ່ວປະເທດ.

news to day and hot news