POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ສະພາແຫ່ງຊາດ ລາວ-ຕີມໍແລັດສະເຕ ເສີມຂະຫຍາຍການຮ່ວມມືສອງຝ່າຍ
ເວລາອອກຂ່າວ: 2024-10-25 09:12:35 | ຜູ້ຂຽນ : admin3 | ຈຳນວນຄົນເຂົ້າຊົມ: 164 | ຄວາມນິຍົມ:

ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ແຫ່ງ ສປປ ລາວ ໄດ້ພົບປະ ທ່ານ ນາງ ມາເຣຍ ເຟີນານດາ ເລ ( Maria Fernanda Lay) ປະທານສະ ພາແຫ່ງຊາດ ແຫ່ງ ຕິມໍແລັດສະ ເຕ ໃນວັນທີ 23 ຕຸລານີ້ ທີ່ ສະພາແຫ່ງຊາດ, ໃນໂອກາດທີ່ມາເຂົ້າຮ່ວມກອງປະຊຸມໃຫຍ່ສະມັດຊາລັດຖະສະພາລະຫວ່າງຊາດອາຊຽນ (AIPA) ຄັ້ງທີ 45 ຢູ່ ສປປ ລາວ. ໂອກາດນີ້, ທ່ານ ໄຊສົມພອນ ພົມວິຫານ ໄດ້ສະແດງຄວາມຍິນດີຕ້ອນຮັບ, ຊົມເຊີຍ ແລະ ຕີລາຄາສູງຕໍ່ການພົບປະຄັ້ງທຳອິດ ເຊິ່ງເປັນການປະກອບສ່ວນເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີ ລະຫວ່າງ 2 ປະເທດ ລາວ ແລະ ຕີມໍແລັດ ສະເຕ, ທັງເປັນພື້ນຖານອັນສຳ ຄັນໃຫ້ແກ່ການພົວພັນຮ່ວມມື ລະຫວ່າງ 2 ອົງການນິຕິບັນຍັດ ຂອງສອງປະເທດ ໃຫ້ໄດ້ຮັບການເສີມຂະຫຍາຍທັງເປັນການ ສະໜັບສະໜູນ ແລະ ໃຫ້ກຳລັງໃຈແກ່ສະພາແຫ່ງຊາດລາວເຮັດ ສຳເລັດພັນທະສາກົນ ໃນການ ເປັນປະທານໄອປາ ກໍຄືເປັນເຈົ້າພາບກອງປະຊຸມໃຫຍ່ໄອປາ ຄັ້ງ ທີ 45 ຢູ່ ສປປ ລາວ ໃນຄັ້ງ ນີ້. ລາວ ແລະ ຕີມໍແລັດສະເຕສ້າງ ຕັ້ງສາຍພົວພັນການທູດນຳກັນ ໃນວັນທີ 29 ກໍລະກົດ 2002 ເປັນຕົ້ນມາ (ຄົບຮອບ 22 ປີ), ສາຍພົວພັນມິດຕະພາບ ແລະ ການຮ່ວມມືອັນດີລະຫວ່າງ ສອງ ປະເທດລາວ ແລະ ຕີມໍແລັດສະເຕ ທີ່ສືບຕໍ່ໄດ້ຮັບການພັດທະນາ ແລະ ເຂົ້າສູ່ລວງເລິກເປັນກ້າວໆ ໂດຍສະເພາະການຮ່ວມມື ແລະ ຊ່ວຍເຫຼືອ ເຊິ່ງກັນ ແລະ ກັນ ໃນເວທີພາກພື້ນ ແລະ ສາກົນ, ສປປ ລາວ ຍາມໃດກໍໃຫ້ການສະ ໜັບສະໜູນ ຕີມໍ ແລັດສະເຕ ເຂົ້າເປັນສະມາຊິກອາຊຽນຕະຫຼອດມາ, ມີການແລກປ່ຽນການພົບປະຢ້ຽມຢາມ ຂອງຄະນະຜູ້ແທນຂັ້ນຕ່າງໆ ນຳກັນຢ່າງເປັນປົກ ກະຕິ ພິເສດແມ່ນຜົນສຳເລັດຂອງການຢ້ຽມຢາມທາງລັດຖະກິດ ຢູ່ ສປປ ລາວ ຂອງ ທ່ານ ໂຈເຊ ຣາໂມສ ອໍຕ້າ ປະທານາທິບໍດີ ແຫ່ງ ສປ ຕີມໍແລັດສະເຕ ໃນເດືອນກຸມພາ 2024 ແລະ ທ່ານ ເກ ຣາລາ ຊານານາ ກຸສເມົາ ນາຍົກ ລັດຖະມົນຕີ ແຫ່ງ ຕີມໍແລັດ ສະເຕ ໄດ້ເຂົ້າ ຮ່ວມກອງປະຊຸມສຸດຍອດອາຊຽນ ຄັ້ງທີ 44-45 ແລະ ກອງປະຊຸມປິ່ນອ້ອມ ທີ່ ສປປ ລາວ ໃນຜ່ານມາ. ສຳລັບການພົວພັນ ແລະ ຮ່ວມມືລະຫວ່າງ ສະພາແຫ່ງຊາດລາວ ແລະ ສະພາແຫ່ງຊາດ ຕີມໍ ແລັດສະເຕ ເຖິງວ່າການແລກປ່ຽນຄະນະຜູ້ແທນສອງຝ່າຍ ຍັງໜ້ອຍ ແຕ່ກໍໄດ້ມີການແລກປ່ຽນສານອວຍພອນ, ສານຊົມເຊີຍ ໃນໂອກາດວັນສຳຄັນຕ່າງໆ ຂອງສອງປະເທດ, ມີການພົບປະຮ່ວມມືໃນເວທີລັດຖະສະພາພາກພື້ນ ແລະ ສາກົນ ເປັນຕົ້ນແມ່ນ ສະມັດຊາລັດຖະສະພາລະຫວ່າງຊາດອາຊຽນ ໃນນາມປະເທດສັງເກດການ, IPU ແລະ ອົງການອື່ນໆ. ສຳລັບການພົວພັນຮ່ວມມື ໃນຕໍ່ໜ້າ ສະເໜີໃຫ້ສອງອົງການນິຕິບັນຍັດແລກປ່ຽນຢ້ຽມຢາມຂອງຄະນະຜູ້ແທນນຳກັນຢ່າງເປັນປົກກະຕິ ເພື່ອແລກປ່ຽນບົດ ຮຽນ, ຂໍ້ມູນ-ຂ່າວສານກ່ຽວກັບ ການປະຕິບັດພາລະບົດບາດ ຂອງອົງການນິຕິບັນຍັດ ແລະ ໃນຫົວຂໍ້ອື່ນໆ ທີ່ສອງຝ່າຍ ມີຄວາມສົນໃຈ; ສືບຕໍ່ຊຸກຍູ້ ແລະ ສົ່ງເສີມໃຫ້ລັດຖະ ບານຂອງສອງປະເທດ ຈັດຕັ້ງປະຕິບັດບັນດາສັນຍາ, ສົນທິສັນຍາ ແລະ ຂໍ້ຕົກລົງຕ່າງໆ ທີ່ໄດ້ລົງນາມຮ່ວມກັນ ໃຫ້ປະກົດຜົນເປັນຈິງ ເປັນຕົ້ນແມ່ນການຮ່ວມມືໃນວຽກງານການຕ່າງປະເທດ, ດ້ານການຄ້າ-ການລົງທຶນ, ການທ່ອງທ່ຽວ ແລະ ອື່ນໆ ໃຫ້ຫຼາຍຂຶ້ນ; ສືບຕໍ່ຮ່ວມມື ແລະ ສະໜັບສະໜູນ ເຊິ່ງກັນ ແລະ ກັນ ໃນເວທີລັດຖະສະພາພາກພື້ນ ແລະ ສາກົນ. ໂດຍ: ນາງ ຍຸພິນທອງ

news to day and hot news