ວັນພຸດ, ວັນທີ 04 ທັນວາ 2024
ປຶກສາຫາລື ຄວາມພ້ອມຮອບດ້ານກ່ອນຈະປ່ອຍນ້ຳ ອອກຈາກເຂື່ອນດັດສົມຂອງບໍລິສັດ ໄຟຟ້ານ້ຳເທີນ 2
ເວລາອອກຂ່າວ: 2024-10-25 09:13:21 | ຜູ້ຂຽນ : admin3 | ຈຳນວນຄົນເຂົ້າຊົມ: 148 | ຄວາມນິຍົມ: 
ວັນທີ 23 ຕຸລາ ຜ່ານມາ ທີ່ຫ້ອງວ່າການແຂວງຄຳມ່ວນໄດ້ຈັດກອງປະຊຸມ ປຶກສາຫາລືເພື່ອກະກຽມຄວາມພ້ອມຮອບດ້ານກ່ອນຈະປ່ອຍນ້ຳອອກຈາກເຂື່ອນດັດສົມ ຂອງບໍລິສັດໄຟຟ້ານ້ຳເທີນ 2 ລົງສູ່ສາຍນ້ຳກະທ້າງ, ນ້ຳຍົມ ແລະ ນ້ຳເຊບັ້ງໄຟ ເມືອງຍົມມະລາດ ແລະ ເມືອງມະຫາໄຊ. ໂດຍການເປັນປະທານຂອງທ່ານ ແກ້ວອຸດອນ ບຸດສິງຂອນ ຮອງເຈົ້າແຂວງຄຳມ່ວນ ປະທານຄະນະກຳມະການຊີ້ນຳກອງທຶນຊົດເຊີຍນ້ຳກະທ້າງ, ມີທ່ານ ດຸສິດ ພົມມະຈັນ ຜູ້ອຳນວຍການເຂື່ອນ ບໍລິສັດໄຟຟ້ານ້ຳເທີນ 2 ຈຳກັດ, ພ້ອມດ້ວຍຄະນະກຳມະການຮັບຜິດຊອບຂັ້ນແຂວງ, ເມືອງ ແລະ ພາກສ່ວນບໍລິສັດທີ່ກ່ຽວຂ້ອງເຂົ້າຮ່ວມ.
ໃນກອງປະຊຸມ, ບັນດາຜູ້ເຂົ້າຮ່ວມໄດ້ຮັບຟັງການລາຍງານຄວາມຄືບໜ້າ ແລະ ຄວາມພ້ອມ ຂອງແຕ່ລະໜ້າວຽກໃນການກະກຽມ, ການຕິດຕາມ, ຄຸ້ມຄອງການປ່ອຍນ້ຳອອກຈາກເຂື່ອນດັດສົມນ້ຳ ລົງສູ່ນ້ຳກະທ້າງ, ນ້ຳຍົມ ແລະ ນ້ຳເຊບັ້ງໄຟ ປະຈຳປີ 2024-2025 ໂດຍສະເພາະແມ່ນບັນດາໜ້າວຽກການຄຸ້ມຄອງການປ່ອຍນ້ຳ, ຄວາມປອດໄພທາງນ້ຳ, ວຽກງານການປ້ອງກັນ ແລະ ຫຼຸດຜ່ອນຜົນກະທົງທາງດ້ານສັງຄົມ, ວຽກງານສິ່ງ ແວດລ້ອມ ແລະ ນຳສະເໜີແຜນ ວຽກທາງດ້ານເຕັກນິກຂອງບໍ ລິສັດ, ກຳນົດການປິດ-ເປີດນ້ຳ ລົງຄອງສົ່ງນ້ຳຂອງບໍລິສັດ, ກຳ ນົດການໃນການປ່ອຍນ້ຳລົງສູ່ສາຍນ້ຳກະທ້າງ, ລວມເຖິງສະ ພາບການໂດຍລວມການຈັດຕັ້ງປະຕິບັດຂອງບໍລິສັດ ແລະ ຄວາມເຫັນດີເປັນເອກະພາບກັບຄະນະກຳມະການຮັບຜິດຊອບຊີ້ນຳຂັ້ນແຂວງ-ຂັ້ນເມືອງ ເພື່ອຂໍອະນຸມັດການປ່ອຍນ້ຳ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
