POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 16 ມິຖຸນາ 2026

ປະຖະກະຖາ ວັນກໍາລັງອາສາສະໝັກ ແລະ ຊ່ຽວຊານຫວຽດນາມ ຄົບຮອບ 75 ປີ
ເວລາອອກຂ່າວ: 2024-10-29 15:13:59 | ຜູ້ຂຽນ : admin2 | ຈຳນວນຄົນເຂົ້າຊົມ: 2806 | ຄວາມນິຍົມ:

ໃນວັນທີ 29 ຕຸລາ 2024 ນີ້, ກອງບັນຊາການທະຫານແຂວງຫຼວງນໍ້າທາ ໄດ້ປາຖະກະຖາວັນກໍາລັງອາສາສະໝັກ ແລະ ຊ່ຽວຊານຫວຽດນາມ ໃນພາລະກິດການປະຕິວັດຂອງປະຊາຊົນລາວບັນດາເຜົ່າ ຄົບຮອບ 75 ປີ (30/10/1949-30/10/2024). ໂດຍການເປັນປະທານ ແລະ ປາຖະກະຖາຂອງ ສະຫາຍ ພົນຈັດຕະວາ ຫຸມພັນ ແກ້ວວັງລາດ ຫົວໜ້າການເມືອງ ກອງບັນຊາການທະຫານແຂວງຫຼວງນໍ້າທາ, ມີຄະນະພັກ-ຄະນະບັນຊາ, ພະນັກງານຫຼັກແຫຼ່ງ, ອົງການ 5 ຫ້ອງ ແລະ ກົມກອງອ້ອມຂ້າງເຂົ້າຮ່ວມຮັບຟັງ. ສະຫາຍ ພົນຈັດຕະວາ ຫຸມພັນ ແກ້ວວັງລາດ ໄດ້ຍົກໃຫ້ເຫັນຕະຫຼອດໄລຍະຫຼາຍສິບປີຜ່ານມາໃນການດໍາເນີນການຕໍ່ສູ້ຕ້ານພວກລ່າເມືອງຂຶ້ນຝຣັ່ງ ແລະ ຈັກກະພັດອາເມລິກາ ເຂົ້າມາຮຸກຮານປະຊາຊົນລາວເຮົາ, ບັນດາກອງກຳລັງອາສາສະໝັກ ແລະ ຊ່ຽວຊານການທະຫານຫວຽດນາມ ເຊິ່ງເປັນພາກສ່ວນໜຶ່ງຂອງກອງທັບປະຊາຊົນຫວຽດນາມວິລະຊົນ ໄດ້ຄຽງບ່າຄຽງໄຫຼ່ສູ້ຮົບພ້ອມກັບກອງທັບ ແລະ ປະຊາຊົນລາວເຮົາ, ຜ່ານຜ່າບັນດາຄວາມຫຍຸ້ງຍາກ, ສຳເລັດໜ້າທີ່ຢ່າງສະຫງ່າລາສີ ເຊິ່ງແມ່ນພັກ ແລະ ປະຊາຊົນຫວຽດນາມມອບໝາຍໃຫ້, ປະກອບສ່ວນອັນຍິ່ງໃຫຍ່ເຂົ້າໃນໄຊຊະນະລວມຂອງການປະຕິວັດ, ນໍາເອົາ 2 ປະເທດຊາດລາວ-ຫວຽດນາມ ອ້າຍນ້ອງກັບຄືນສູ່ຄວາມເປັນເອກະລາດຢ່າງຮອບດ້ານ; ຜົນງານອັນໃຫຍ່ຫຼວງເຫຼົ່ານັ້ນ, ບັນດາກຳລັງອາສາສະໝັກ ແລະ ຊ່ຽວຊານການທະຫານຫວຽດນາມ ຍາມໃດກໍ່ໄດ້ຢຶດໝັ້ນ ແລະ ເຊື່ອມຊຶມຢ່າງເລິກເຊິ່ງ ຕໍ່ກັບທັດສະນະແຫ່ງຄວາມສາມັກຄີສາກົນ ອັນບໍລິສຸດຜຸດຜ່ອງຂອງພັກຄອມມູນິດຫວຽດນາມ ເຊິ່ງປະທານ ໂຮ່ຈີມິນ ທີ່ເຄົາລົບຮັກໄດ້ເວົ້າວ່າ: ຊ່ວຍປະຊາຊົນປະເທດເພື່ອນບ້ານແມ່ນການຊ່ວຍຕົນເອງ "ຖືການຕໍ່ສູ້ເພື່ອອິດສະຫຼະພາບ ເອກະລາດຂອງປະຊາຊົນບັນດາເຜົ່າລາວ ຄືກັບການຕໍ່ສູ້ເພື່ອອິດສະຫຼະພາບເອກະລາດຂອງປະຊາຊົນຫວຽດນາມ, ຍ້ອນແນວນັ້ນ ຕະຫຼອດວິວັດແຫ່ງການ ຕໍ່ສູ້ກໍ່ສ້າງ ແລະ ເຕີບໃຫຍ່ຂອງກຳລັງອາສາສະໝັກ ແລະ ຊ່ຽວຊານການທະຫານຫວຽດນາມ ຈິ່ງໄດ້ຮັບຄວາມເຊື່ອໝັ້ນ, ຮັກແພງ, ຊ່ວຍເຫຼືອຄືກັບອ້າຍນ້ອງຮ່ວມອຸທອນຈາກກອງທັບ ແລະ ປະຊາຊົນລາວດ້ວຍຄວາມຜູກພັນທີ່ວ່າ: “ ເຂົ້າເມັດຫັກ, ຜັກເສັ້ນໜຶ່ງກໍ່ແບ່ງປັນກັນ ". ທັງນີ້, ກໍ່ເພື່ອເປັນການສືບຕໍ່ເສີມຂະຫຍາຍມູນເຊື້ອແຫ່ງຄວາມສາມັກຄີຮ່ວມສຳພັນສູ້ຮົບພິເສດ ລາວ-ຫວຽດນາມ ໃນທົ່ວພັກ, ທົ່ວລັດ, ກອງທັບ ແລະ ປະຊາຊົນລາວບັນດາເຜົ່າຮັບຮູ້ເຊື່ອມຊຶມເຫັນໄດ້ຄວາມໝາຍ ຄວາມສໍາຄັນ, ຜົນງານ ແລະ ໄຊຊະນະການຊ່ວຍເຫຼືອອັນໃຫຍ່ຫຼວງລໍ້າຄ່າຂອງກອງທັບ ແລະ ປະຊາຊົນອ້າຍນ້ອງບົນຈິດໃຈສາກົນກຳມະຊີບອັນຜ່ອງໃສ. ໂດຍ: ແສງທອນ

news to day and hot news