POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ກອງປະຊຸມສັງລວມຜົນການຕິດຕາມກວດກາວຽກງານ 3 ສ້າງ
ເວລາອອກຂ່າວ: 2024-10-30 08:52:09 | ຜູ້ຂຽນ : admin3 | ຈຳນວນຄົນເຂົ້າຊົມ: 279 | ຄວາມນິຍົມ:

ວັນທີ 25 ຕຸລາ 2024 ນີ້, ທີ່ເມືອງແກ້ວອຸດົມ ແຂວງວຽງຈັນ ໄດ້ຈັດກອງປະຊຸມສັງລວມຜົນການຕິດຕາມກວດກາ ຂອງຄະນະປະຈຳສະພາແຫ່ງຊາດ ປະຈຳປີ 2024 ໃນການຈັດຕັ້ງປະຕິບັດວຽກງານ 3 ສ້າງ ຮ່ວມກັບກະຊວງ ແລະ ອົງການຂັ້ນສູນກາງ ໂດຍການເປັນປະທານຂອງ ສະຫາຍ ພົນໂທ ສຸວອນ ເລືອງບຸນມີ ຮອງປະທານສະພາແຫ່ງຊາດ(ສພຊ), ມີຫົວໜ້າຫ້ອງວ່າການສູນກາງພັກ, ລັດຖະມົນຕີກະຊວງພາຍໃນ, ປະທານກຳມາທິການບັນດາເຜົ່າ ພ້ອມດ້ວຍບັນດາທ່ານຮອງປະທານກຳມາທິການ ສພຊ, ຮອງລັດຖະມົນຕີກະຊວງ-ອົງການທີ່ກ່ຽວຂ້ອງຂັ້ນສູນກາງ ແລະ ແຂກຖືກເຊີນເຂົ້າຮ່ວມ. ຈຸດປະສົງຂອງການຈັດກອງປະຊຸມໃນຄັ້ງນີ້ ເພື່ອກວດກາຄືນບັນດານິຕິກຳຂອງບັນດາກະຊວງ, ອົງການທີ່ກ່ຽວຂ້ອງກັບວຽກງານ 3 ສ້າງ ແລະ ນິຕິກຳກ່ຽວກັບການແບ່ງຂັ້ນຄຸ້ມຄອງໃນການຈັດຕັ້ງປະຕິບັດວຽກງານ 3 ສ້າງ ໃຫ້ມີຄວາມເອກະພາບຕາມທິດຊີ້ນຳ; ປຶກສາຫາລືຜົນການຕິດຕາມກວດກາຂອງຄະນະປະຈຳ ສພຊ ຕໍ່ການຈັດຕັ້ງປະຕິບັດວຽກງານ 3 ສ້າງ ຮ່ວມກັບບັນດາກະຊວງ ແລະ ອົງການທີ່ກ່ຽວຂ້ອງ ທັງເປັນການກະກຽມຮ່າງບົດລາຍງານຂອງລັດຖະບານ ແລະ ບົດປະກອບຄຳເຫັນຂອງຄະນະປະ ສພຊ ກ່ຽວກັບວຽກງານ 3 ສ້າງ ໄລຍະຜ່ານມາ ແລະ ທິດທາງແຜນການໃນປີ 2025 ຕໍ່ກອງປະຊຸມສະໄໝສາມັນເທື່ອທີ 8 ຂອງ ສພຊ ຊຸດທີ IX. ໂອກາດນີ້, ສະຫາຍ ພົນໂທ ສຸວອນ ເລືອງບຸນມີ ໄດ້ກ່າວວ່າ: ວຽກງານ 3 ສ້າງ ແມ່ນການປະ ຕິວັດອັນເລິກເຊິ່ງເຖິງຖ່ອງໃນ ເງື່ອນໄຂໃໝ່, ສືບຕໍ່ບູລະນະລະ ບອບປະຊາທິປະໄຕ ປະຊາຊົນ ໃຫ້ສົມບູນຍິ່ງຂຶ້ນ, ສ້າງຄວາມເຂັ້ມແຂງໜັກແໜ້ນແຕ່ຮາກຖານຂຶ້ນມາ; ການຜັນຂະຫຍາຍວຽກງານ 3 ສ້າງ ແມ່ນການເພີ່ມສິດເປັນເຈົ້າໃຫ້ແກ່ທ້ອງຖິ່ນ-ຮາກຖານ, ແມ່ນການແບ່ງຂັ້ນຄຸ້ມຄອງລະຫວ່າງສູນກາງກັບທ້ອງຖິ່ນ (ແຂວງ, ເມືອງ, ບ້ານ) ໃຫ້ ຈະແຈ້ງຂາດຕົວບົນພື້ນຖານເພີ່ມ ຄວາມຮັບຜິດຊອບ ຕິດພັນກັບການແບ່ງປັນຜົນປະໂຫຍດອັນສົມຄູ່ໃຫ້ແກ່ທ້ອງຖິ່ນ. ການສ້າງແຂວງໃຫ້ເປັນຫົວໜ່ວຍຍຸດທະສາດ ແມ່ນການສ້າງອົງຄະນະພັກແຂວງ ໃຫ້ເປັນແກ່ນສານນຳພາທີ່ມີຄວາມສາມາດ ແລະ ເປັນກຳລັງນຳໜ້າໃນທຸກຂົງເຂດວຽກງານ; ວຽກງານກໍ່ສ້າງຮາກຖານການເມືອງ, ວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ, ວຽກງານ 3 ສ້າງ ເປັນບັນຫາພື້ນຖານຍຸດທະສາດສຳຄັນ ຂອງພັກ, ຕັດແຍກອອກຈາກກັນ ບໍ່ໄດ້, ເປັນ 3 ເສົາຄ້ຳເຊິ່ງກັນ ແລະ ກັນ ພ້ອມນັ້ນ, ບັນດາທ່ານຜູ້ແທນກອງປະຊຸມ ໄດ້ສຸມສະຕິປັນຍາເຂົ້າໃນການຄົ້ນຄວ້າ, ປະ ກອບຄຳເຫັນຢ່າງມີຈຸດສຸມ, ກະທັດຮັດ ແລະ ເລິກເຊິ່ງ ເພື່ອເປັນ ຂໍ້ມູນພື້ນຖານໃຫ້ຄະນະປະຈຳ ສພຊ ນຳໄປຄົ້ນຄວ້າ, ວິເຄາະ, ວິໄຈ, ຕີລາຄາຜົນສຳເລັດ, ດ້ານດີ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ໃຫ້ຄົບຖ້ວນ, ຖືກຕ້ອງກັບສະພາວະຄວາມເປັນຈິງ, ສາມາດນຳເຂົ້າພິຈາລະນາ ແລະ ອອກມະຕິຮັບຮອງໃນກອງປະຊຸມສະໄໝສາ ມັນເທື່ອທີ 8 ຂອງ ສພຊ ຊຸດທີ IX ເພື່ອເປັນບ່ອນອີງໃນການຈັດຕັ້ງປະຕິບັດໃນຕໍ່ໜ້າໃຫ້ມີໝາກຜົນສູງຂຶ້ນ ແລະ ພົ້ນເດັ່ນກວ່າເກົ່າ ປະກອບ ສ່ວນໃຫ້ປະເທດຊາດມີສະຖຽນລະພາບໝັ້ນຄົງ, ຫັນວຽກງານຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍ ແລະ ປະຊາຊົນມີຊີວິດການເປັນຢູ່ທີ່ດີຂຶ້ນ. ໂດຍ: ນາງ ກຸກກິກ ບຸດດາໄຊ

news to day and hot news