POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ທັນວາ 2024

ປະກາດ ຮັບຮອງຄະນະບໍລິຫານງານພັກ ສະໄໝທີ VI ແລະ ແຕ່ງຕັ້ງພະນັກງານ ຮັບໜ້າທີ່ໃໝ່ຫ້ອງພະລາທິການຢູ່ໂຮງຮຽນກໍ່ສ້າງນາຍສິບ ເລກ 2 ວຽງໄຊ
ເວລາອອກຂ່າວ: 2024-11-01 08:59:42 | ຜູ້ຂຽນ : admin1 | ຈຳນວນຄົນເຂົ້າຊົມ: 953 | ຄວາມນິຍົມ:

ໂຮງຮຽນກໍ່ສ້າງນາຍສິບເລກ 2 ວຽງໄຊໄດ້ ປະກາດຮັບຮອງຄະນະບໍລິຫານງານພັກ ສະໄໝທີ VI ແລະ ແຕ່ງຕັ້ງພະນັກງານຮັບໜ້າທີ່ໃໝ່ຢູ່ຫ້ອງພະລາທິການ, ຈັດຂຶ້ນໃນວັນທີ 22 ຕຸລາ 2024 ນີ້, ໂດຍການເຂົ້າຮ່ວມເປັນປະ ທານ ຂອງສະຫາຍ ພົນຕີ ວົງສອນ ອິນປານພິມ ກຳມະການປະຈຳພັກກະຊວງປ້ອງກັນປະເທດ ຮອງຫົວໜ້າກົມໃຫຍ່ການ ເມືອງກອງທັບ, ມີສະຫາຍ ພົນຈັດຕະວາ ຈັນດີ ສຸລິວົງສັກ ກຳມະການຄະນະພັກກະຊວງ, ຮອງຫົວໜ້າກົມ ໃຫຍ່ພະລາທິການ, ມີກົມຈັດຕັ້ງພັກ, ກົມເສນາພະລາ, ມີບັນດາແຂກຖືກເຊີນຈາກກົມກອງອ້ອມຂ້າງ, ມີຄະນະພັກ ໂຮງຮຽນ, ຄະ ນະພັກຮາກຖານ-ຄະນະໜ່ວຍພັກ ຕະຫຼອດຮອດພະນັກງານສະມາຊິກພັກຫຼັກແຫຼ່ງ ເຂົ້າຮ່ວມ ຢູ່ສະໂມສອນໂຮງຮຽນ. ສະຫາຍ ພົນຈັດຕະວາ ຈັນທາ ບຸນນະວົງ ຫົວໜ້າກົມຈັດຕັ້ງພັກກົມໃຫຍ່ການເມືອງກອງທັບໄດ້ຂຶ້ນຜ່ານມະຕິຕົກລົງກະຊວງປ້ອງກັນປະເທດ ວ່າດ້ວຍການຮັບຮອງເອົາຄະນະບໍລິຫານງານພັກ ໂຮງຮຽນກໍ່ສ້າງນາຍສິບ ເລກ 2 ວຽງໄຊ ສະໄໝທີ VI, ອີງຕາມກົດລະບຽບພັກປະຊາຊົນປະຕິວັດລາວ ສະໄໝທີ XI, ໝວດທີ V, ມາດຕາ 29 ຂໍ້ ( ກ ), ອີງຕາມຜົນສຳເລັດກອງປະຊຸມໃຫຍ່ຜູ້ແທນສະມາຊິກພັກ, ຄັ້ງວັນທີ 30 ສິງຫາ 2024 ທີ່ຜ່ານມາ, ກະຊວງປ້ອງກັນປະເທດຕົກລົງຮັບ ຮອງເອົາຄະນະບໍລິຫານງານພັກ ໂຮງຮຽນກໍ່ສ້າງນາຍສິບ ເລກ 2 ວຽງໄຊ ສະໄໝທີ VI ຈຳນວນ 11 ສະຫາຍຄື: ສະຫາຍ ພັນເອກ ສຳລີ ຈັນທະວົງ, ສະຫາຍ ພົນຈັດ ຕະວາ ວົງມະນີຈັນ ສາມາວົງ, ສະຫາຍ ພັນເອກ ບຸນມີ ໄຕໄຊຍະວົງ, ສະຫາຍ ພັນເອກ ກິແກ້ວ ລິດແສນຫວັງ, ສະຫາຍ ພັນເອກ ຄູຂັນ ແກ້ວບຸນມີ, ສະຫາຍ ພັນໂທ ສົມໃຈ ສຸກປະເສີດ, ສະຫາຍ ພັນໂທຄຳຫຼ້າວົງສົມພູ, ສະຫາຍ ພັນໂທ ສີອຳພອນ ແກ້ວນະຄອນ, ສະຫາຍ ພັນໂທ ຄູນເພັງອຸ່ນທະສິນ, ສະຫາຍ ພັນໂທ ຫີນໄຊ ພົມມະໄຊ, ສະຫາຍ ພັນໂທ ກົງມະລີ ວົງພັນແລະ ຮັບຮອງເອົາຄະນະປະຈຳພັກ, ເລຂາ, ຮອງເລຂາ ຄະນະບໍ ລິຫານງານພັກ, ປະທານ ແລະ ຮອງປະທານຄະນະກວດກາພັກ ໂຮງຮຽນ ໃນນີ້ ມີສະຫາຍ ພັນເອກສຳລີ ຈັນທະວົງ ເປັນເລຂາ, ພົນຈັດຕະວາ ວົງມະນີຈັນ ສາມາວົງ ເປັນຮອງເລຂາ, ພັນເອກ ບຸນມີ ໄຕໄຊຍະວົງ ເປັນປະທານຄະນະກວດກາພັກ, ພ້ອມນີ້ ຍັງໄດ້ຜ່ານຂໍ້ຕົກລົງກະຊວງປ້ອງກັນປະເທດ ວ່າດ້ວຍການແຕ່ງຕັ້ງຄະນະຫ້ອງຂື້ນກັບໂຮງຮຽນກໍ່ສ້າງນາຍສິບເລກ 2 ວຽງໄຊ, ກະຊວງປ້ອງກັນປະເທດຕົກລົງແຕ່ງຕັ້ງ ສະຫາຍ ພັນໂທ ຫີນໄຊ ພົມມະໄຊ, ສະຫາຍ ພັນ ໂທຄຳພວງ ຕະອອນເກດເປັນຮອງຫົວໜ້າຫ້ອງພະລາທິການ ແລະ ຍັງໄດ້ແຕ່ງຕັ້ງຫົວໜ້າພະແນກ, ຮອງພະແນກທີ່ຂຶ້ນກັບຫ້ອງພະລາທິການຕື່ມອີກ. ໂອກາດ ນີ້ ສະຫາຍ ພົນຕີ ວົງສອນ ອິນປານພິມ ໄດ້ ເນັ້ນໃຫ້ ຄະນະພັກທີ່ໄດ້ຮັບການເລືອກຕັ້ງໃໝ່ ເອົາໃຈໃສ່ສຶກສາອົບຮົມການເມືອງນຳພາ-ແນວຄິດໃຫ້ພະນັກງານ-ນັກຮົບ, ມີແນວຄິດໜັກແໜ້ນທາງດ້ານການຈັດຕັ້ງ ເຂົ້າໃຈແຈ້ງຕໍ່ແນວທາງນະໂຍ ບາຍຂອງພັກ-ລັດ ໃຫ້ເລິກເຊິ່ງ ໃນແຕ່ລະໄລຍະ, ຍົກສູງບົດບາດການນຳພາຂອງພັກໃຫ້ເຂັ້ມແຂງ, ຖືກຕ້ອງຕາມຫຼັກການ, ສອດຄ່ອງກັບວິທະຍາສາດຕົວຈິງ, ເຮັດວຽກແບບລວມສູນປະຊາທິປະ ໄຕ, ເຮັດວຽກເປັນຄະນະ, ບຸກຄົນຮັບຜິດຊອບ, ມີຄວາມສາມັກຄີພາຍໃນໃຫ້ແໜ້ນແຟ້ນ ແລະ ຮຽກຮ້ອງໃຫ້ພະນັກງານນຳພາແຕ່ລະຂັ້ນ ຈົ່ງເປັນແບບຢ່າງໃນທຸກ ຂົງເຂດວຽກງານຂອງກົມກອງ, ມີແບບແຜນດຳລົງຊີວິດທີ່ປອດໃສຂາວສະອາດ, ພ້ອມກັນເຮັດສຳເລັດໜ້າທີ່ ທີ່ຂັ້ນເທິງມອບໝາຍໃຫ້, ສ້າງໜໍ່ແໜງນາຍທະ ຫານທີ່ມີຄຸນະພາບໃຫ້ກອງທັບປະຊາຊົນລາວ. ໂດຍ: ຄຳແປງ ຟອງສາຍໄໝ

news to day and hot news