POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ທັນວາ 2024

ຄະນະພັກຮາກຖານຫ້ອງການເມືອງ ທະຫານແຂວງຫຼວງພະບາງ ສຳເລັດກອງປະຊຸມໃຫຍ່ສະມາຊິກພັກ ຄັ້ງທີ V
ເວລາອອກຂ່າວ: 2024-11-01 14:18:42 | ຜູ້ຂຽນ : admin2 | ຈຳນວນຄົນເຂົ້າຊົມ: 2547 | ຄວາມນິຍົມ:

ກອງປະຊຸມໃຫຍ່ສະມາຊິກພັກ ຄັ້ງທີ V ຂອງຄະນະພັກຮາກຖານຫ້ອງການເມືອງທະຫານ ແຂວງຫຼວງພະບາງ, ໄດ້ໄຂຂຶ້ນ ແລະ ອັດລົງດ້ວຍຜົນສໍາເລັດອັນຈົບງາມ ໃນວັນທີ 31 ຕຸລາ 2024 ນີ້, ໂດຍການເປັນປະທານຮ່ວມຂອງ ສະຫາຍ ພົນຈັດຕະວາ ສີວິໄຊ ເພັງສັນຕິສຸກ ຫົວໜ້າການເມືອງກອງບັນຊາການທະຫານແຂວງ, ສະຫາຍ ພັນເອກ ວິລະສິນ ມິດຕະພອນ ປະທານກວດກາພັກກອງບັນຊາການ ຫົວໜ້າຫ້ອງການເມືອງທະຫານແຂວງ ແລະ ສະຫາຍ ພັນໂທ ສົມໃຈ ສີສະຫວັດ ຄະນະພັກກອງບັນຊາການ ຮອງຫົວໜ້າຫ້ອງການເມືອງທະຫານແຂວງ, ມີຄະນະພັກຮາກຖານ, ຄະນະໜ່ວຍພັກ ແລະ ສະມາຊິກພັກເຂົ້າຮ່ວມ. ສະຫາຍ ພັນເອກ ວິລະສິນ ມິດຕະພອນ ໄດ້ຍົກໃຫ້ເຫັນຜົນງານການເຄື່ອນໄຫວ ຕະຫຼອດໄລຍະຜ່ານມາຄະນະພັກໄດ້ເອົາໃຈໃສ່ຊີ້ນຳກອງກໍ່ສ້າງຮາກຖານ, ໜ່ວຍງານ ແລະ ບັນດາກົມກອງຈັດຕັ້ງກໍາລັງຫັນລົງກໍ່ສ້າງຮາກຖານການເມືອງແບບມູນເຊືີ້ອປະຕິບັດຕາມ 4 ເນື້ອໃນ 4 ຄາດໝາຍ ຕິດພັນການພັດທະນາຊົນນະບົດແກ້ໄຂຄວາມທຸກຍາກ ແລະ ວຽກງານສາມສ້າງ ເຊິ່ງສາມາດສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງໄດ້ 55 ກຸ່ມບ້ານ, ມີ 313 ບ້ານ, ມີ 33.149 ຄອບຄົວ ແລະ ສ້າງບ້ານແຮກສ່ຽວໄດ້ 1 ກົມກອງ. ຄະນະພັກຮາກຖານຫ້ອງການເມືອງປະກອບມີ 5 ໜ່ວຍພັກຂຶ້ນກັບ, ມີສະມາຊິກພັກ 78 ສະຫາຍ, ສາມາດຕີລາຄາຈັດແບ່ງປະເພດສະມາຊິກພັກແຂງກວມເອົາ 100%, ຍາດໄດ້ນາມມະຍົດໜ່ວຍພັກປອດໃສ ເຂັ້ມແຂງ ໜັກແໜ້ນ ທັງ 5 ໜ່ວຍພັກ, ພ້ອມນີ້ໜ່ວຍຊາວໜຸ່ມແມ່ນໄດ້ຮັບນາມມະຍົດເປັນໜ່ວຍຊາວໜຸ່ມ 4 ບຸກ 1 ສະໄໝ ແລະ ໜ່ວຍແມ່ຍິງ 3 ດີ 5 ປີຊ້ອນ, ນອກນີ້ ຜ່ານມາຄະນະພັກ ຍັງໄດ້ເອົາໃຈໃສ່ຕໍ່ວຽກງານໂຄສະນາສຶກສາອົບຮົມການເມືອງ-ແນວຄິດໃຫ້ພະນັກງານ-ນັກຮົບດ້ວຍການນໍາເອົາແນວທາງນະໂຍບາຍຂອງພັກ, ກົດໝາຍຂອງລັດ ແລະ ປະຫວັດມູນເຊື້ອທີ່ສໍາຄັນຕ່າງໆ ມາຈັດຕັ້ງເຜີຍແຜ່-ເຊື່ອມຊຶມໄດ້ 150 ຄັ້ງ, ທັງຊີ້ນໍາການສ້າງນັກຮົບ ແລະ ກົມກອງວັດທະນະທໍາ, ຕິດພັນກັບວຽກງານກໍ່ສ້າງພັກ-ກໍ່ສ້າງພະນັກງານໂດຍຖືສໍາຄັນທາງດ້ານຄຸນນະພາບ ໃນນີ້ຜ່ານມາສາມາດຂະຫຍາຍມະຫາຊົນເຂົ້າພັກໄດ້ 6 ສະຫາຍ, ສ້າງພະນັກງານນໍາພາ-ບັນຊາໄດ້ 19 ສະຫາຍ, ສົ່ງພະນັກງານໄປຮຽນທັງພາຍໃນ ແລະ ຕ່າງປະເທດ 18 ສະຫາຍ, ເລື່ອນຊັ້ນໃຫ້ນາຍທະຫານໄດ້ 58 ສະຫາຍ. ນອກນີ້ຍັງໄດ້ນຳພາ-ຊີ້ນຳເຮັດວຽກງານຮັບປະກັນລ້ຽງດູທັບດ້ວຍການສຸມໃສ່ປູກຝັງ-ລ້ຽງສັດຕາມທິດ 4 ປູກ 4 ລ້ຽງ ອີງໃສ່ສະພາບເງື່ອນໄຂຂອງກົມກອງຕັ້ງທັບ ເຊິ່ງຜ່ານມາສາມາດເກັບກ່ຽວພືດຜັກລົ້ມລຸກຕາມລະດູການໄດ້ 5.235 ກິໂລ, ມີສັດລ້ຽງປະເພດງົວ-ຄວາຍ 46 ໂຕ, ມີລາຍຮັບຈາການຂາຍພືດຜັກ, ສັດລ້ຽງ ແລະ ການບໍລິການ 216 ລ້ານກວ່າກີບ, ນອກນີ້ຍັງໄດ້ປັບປຸງກໍ່ສ້າງພື້ນຖານໂຄງລ່າງ ຫັນເຂົ້າສູ່ລະບົບທີ່ແໜ້ນໜາຖາວອນ ໃນນີ້ໄດ້ປັບປຸງເດີ່ນກິລາ, ຫໍຂ່າວ ແລະ ປ້າຍປະໂນຄໍາຂັວນ ເປັນມູນຄ່າ 44 ລ້ານກວ່າກີບ. ຈາກຜົນງານດັ່ງກ່າວຜ່ານມາ ພະນັກງານ - ນັກຮົບ ໄດ້ຮັບຫຼຽນໄຊປະເພດຕ່າງໆ 53 ໜ່ວຍ, ຫຼຽນກາ 17 ໜ່ວຍ ແລະ ໃບຍ້ອງຍໍປະເພດຕ່າງໆ 37 ໃບ. ໂອກາດນີ້, ກອງປະຊຸມຍັງໄດ້ດໍາເນີນການປ່ອນບັດເລືອກຕັ້ງຄະນະພັກຮາກຖານຊຸດໃໝ່, ເຊິ່ງກອງປະຊຸມຄັ້ງປະຖົມມະລຶກໄດ້ເປັນເອກະສັນຮັບຮອງເອົາ ສະຫາຍ ພັນເອກ ວິລະສິນ ມິດຕະພອນ ເປັນເລຂາຄະນະພັກຮາກຖານ, ສະຫາຍ ພັນໂທ ສົມໃຈ ສີສະຫວັດ ເປັນຮອງເລຂາ, ສະຫາຍ ພັນໂທ ພອນສະຫວັດ ຊົງພູດອຍ, ສະຫາຍ ພັນໂທ ຫານຊະນະ ຂັດຕິຍະວົງສາ, ສະຫາຍ ພັນໂທ ໄຊສຸວັນ ໄຊຍະສິງ, ສະຫາຍ ພັນໂທ ບຸນມາ ສິງມະນີວອນ ແລະ ສະຫາຍ ພັນໂທ ສອນເພັດ ພັນທະວົງ ເປັນຄະນະພັກຮາກຖານ, ກອງປະຊຸມຍັງໄດ້ແຕ່ງຕັ້ງ ສະຫາຍ ພັນໂທ ຫານຊະນະ ຂັດຕິຍະວົງສາ ເປັນປະທານກວດກາພັກ ແລະ ແຕ່ງຕັ້ງສະຫາຍ ພັນຕີ ໄຊຍະສອນ ລັດຕະນະວົງ ເປັນຮອງປະທານກວດກາພັກຮາກຖານຫ້ອງການເມືອງທະຫານແຂວງຕື່ມອີກ. ຂ່າວ: ສົມພອນ ສຸວັນທອນ, ພາບ: ທອງລິດ ແກ້ວທຸມມາ.

news to day and hot news