POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ທັນວາ 2024

ເປີດໂຄງການກໍ່ສ້າງຟາມລ້ຽງງົວຕົວແບບທັນສະໄໝ
ເວລາອອກຂ່າວ: 2024-11-01 14:54:41 | ຜູ້ຂຽນ : admin2 | ຈຳນວນຄົນເຂົ້າຊົມ: 3261 | ຄວາມນິຍົມ:

ພິທີເປີດໂຄງການກໍ່ສ້າງຟາມລ້ຽງງົວຕົວແບບທີ່ທັນສະໄໝ ຂອງບໍລິສັດຮ່ວມທຶນກະສິກໍາຄົບວົງຈອນ ຈໍາກັດ ໄດ້ຈັດຂຶ້ນໃນວັນທີ 01 ພະຈິກ 2024 ນີ້, ທີ່ຟາມງົວຕົວແບບໃນຂອບເຂດ ບ້ານຖໍ້າ ເມືອງ ນາຊາຍທອງ ນະຄອນຫຼວງວຽງຈັນ, ໂດຍການເຂົ້າຮ່ວມເປັນປະທານຂອງ ສະຫາຍ ພົນຈັດຕະວາ ວົງສັກ ສີພັນດອນ ຮອງຫົວໜ້າກົມໃຫຍ່ພະລາທິການ ກອງທັບ, ມີ ທ່ານ ນາງ ຄອນສະຫວັນ ແສງວິໄລ ອໍານວຍການ ບໍລິສັດຮ່ວມທືນກະສິກໍາຄົບວົງຈອນ ຈໍາກັດ, ມີບັນດາຄະນະນໍາກົມໃຫຍ່ພະລາທິການກອງທັບ, ຕາງໜ້າ ກະຊວງກະສິກໍາ ແລະ ປ່າໄມ້, ກົມແຜນການ ແລະການຮ່ວມມື, ກົມລ້ຽງສັດ ແລະ ການປະມົງ, ກົມປູກຝັງ, ພະແນກກະສິກໍານະຄອນຫຼວງ ແລະ ຄະນະອໍານວຍການບໍລິສັດ ເຂົ້າຮ່ວມ. ທ່ານ ນາງ ຄອນສະຫວັນ ແສງວິໄລ ອໍານວຍການ ບໍລິສັດຮ່ວມທຶນກະສິກໍາຄົບວົງຈອນ ຈໍາກັດ ໄດ້ລາຍງານຫຍໍ້ກຽ່ວກັບ ການເຄື່ອນໄຫວຂອງບໍລິສັດຮ່ວມທຶນກະສິກຳຄົບວົງຈອນຈຳກັດ, ເຊິ່ງບໍລິສັດມີທີ່ຕັ້ງສໍານັກງານຫ້ອງການໃຫຍ່ຕັ້ງຢູ ເຂດເສດຖະກິດພິເສດບຶງທາດຫຼວງ ເມືອງໄຊເສດຖາ ນະຄອງຫຼວງວຽງຈັນ ເຊິ່ງຟາມຕັ້ງຢູ່ ເຂດບ້ານຖໍ້າ, ເມືອງນາຊາຍທອງ, ນະຄອນຫຼວງວຽງຈັນ, ຟາມລ້ຽງງົວຕົວແບບບ້ານຖໍ້ານີ້ ມີເນື້ອທີ່ 87 ເຮັກຕາ ຂຶ້ນກັບກົມຜະລິດ-ກະສິກຳ ກົມໃຫຍ່ພະລາທິການກອງທັບ ຮ່ວມກັບ ບໍລິສັດ ສາງຈ່ຽງ ການລົງທຶນລາວ ຈຳກັດຜູ້ດຽວ ຮ່ວມກັນສ້າງຕັ້ງເປັນ ບໍລິສັດຮ່ວມທຶນກະສິກຳຄົບວົງຈອນ ຈຳກັດ, ບົນພື້ນຖານ ການຕົກລົງເຫັນດີຂອງກະຊວງປ້ອງກັນປະເທດ. ຈຸດປະສົງໃນການຮ່ວມດໍາເນີນທຸລະກິດກ່ຽວກັບການຜະລິດ ກະສິກຳໂດຍສະເພາະແມ່ນການລ້ຽງສັດໃຫຍ່ ເປັນຕົ້ນ ງົວ ແລະ ຄວາຍ ຈໍາຫນ່າຍໄປ ສປ ຈີນ ແລະ ສົ່ງເສີມການລ້ຽງພາຍໃນປະເທດ. ບໍລິສັດໄດ້ສຸມໃສ່ການກະກຽມດ້ານສະບຽງອາຫານພື້ນຖານ ເຊັ່ນ: ກຽມພື້ນທີ່ປູກຫຍ້າ ໃຫ້ສາມາດຮອງຮັບ ການລ້ຽງງົວໂດຍສະເພາະໃນຟາມ ບ້ານຖໍ້ານີ້ ມີພື້ນທີ່ປູກຫຍ້າ 50 ເຮັກຕາ; ໂດຍກຳນົດເອົາຫຍ້າເນເປຍປາກຊ່ອງ 1 ແລະ ຫຍ້າຈຸນຊາວເປັນພື້ນຖານໃຫ້ແກ່ການຂະຫຍາຍທົ່ງຫຍ້າ; ນໍາງົວທອມເຂົ້າມາທົດລອງກ່ອນໃນຟາມ ນໍາໃຊ້ສວ່ນປະສົມອາຫານປະເພດຕ່າງໆຕາມສູດອາຫານ TMR ແລະ ເກັບກຳຂໍ້ມູນການເກືອ, ການເພີ່ມນໍ້າໜັກຂອງງົວທອມທີ່ເພີ່ມຂຶ້ນໃນແຕ່ລະເດືອນ. ຈໍານວນງົວ ມີຂາຍອອກເປັນງົວຢືນຈໍານວນ 1 ແລະ ນໍາໄປຂາຍເປັນຊີ້ນ ຈໍານວນ 1, ປັດຈຸບັນມີງົວ 282 ໂຕ, ເປັນງົວພໍ່ພັນ 4 ໂຕ, ແມ່ພັນ 113 ໂຕ, ງົວ ທອມ 92 ແລະ ງົວນ້ອຍ 50 ໂຕ. ຈາກການກຽມຄວາມພ້ອມດ້ານຕ່າງໆປັດຈຸບັນ, ບໍລິສັດແມ່ນກຳໄດ້ທິດທາງການຕະຫລາດ, ການຄັດ ແລະ ເລືອກສາຍພັນງົວທີ່ໃຫ້ຜົນຕອບແທນດ້ານເສດຖະກິດ, ການກຳນົດສູດອາຫານ, ການຕິດຕາມສຸຂະພາບ ຫຼື ສະຫວັດດີການຂອງສັດ; ບໍລິສັດຈຶ່ງພ້ອມແລ້ວທີ່ຈະຜະລິດງົວຢ່າງຈິງຈັງ, ໂດຍອີງໃສ່ພື້ນທີ່ ແລະ ອາຫານສັດທີ່ມີ ພ້ອມມີແຜນການສົ່ງເສີມການເກັບຊື້ ຕາມແຜນການກະກຽມຄວາມພ້ອມການຜະລິດງົວຂອງບໍລິສັດ.

news to day and hot news