ວັນພະຫັດ, ວັນທີ 12 ທັນວາ 2024
ເປີດໂຕລົດກະບະພະລັງງານໄຟຟ້າ ເວີຊັນໃໝ່ດ້ວຍລະບົບຂັບເຄື່ອນ 4 ລໍ້ ຄັ້ງທໍາອິດໃນ ສປປ ລາວ
ເວລາອອກຂ່າວ: 2024-11-04 12:26:07 | ຜູ້ຂຽນ : admin2 | ຈຳນວນຄົນເຂົ້າຊົມ: 1510 | ຄວາມນິຍົມ: 
ທ່ານ ກົງສະດາ ແກ້ວມະນີວົງ ປະທານບໍລິສັດ ທິວາຣາ ອໍໂຕ້ ຈໍາກັດ ໄດ້ກ່າວໃນງານເປີດໂຕລົດກະບະພະລັງງານໄຟຟ້າ 100% ໂມເດວ RD6 ເວີ ຊັນໃໝ່ ແບບລະບົບຂັບເຄື່ອນ 4 ລໍ້ ຄັ້ງທໍາອິດໃນ ສປປ ລາວ ໃນວັນທີ 2 ພະຈິກ 2024 ວ່າ: ບໍລິສັດ ທິວາຣາ ມີຄວາມພາກພູມໃຈເປັນຢ່າງຍິ່ງທີ່ໄດ້ເປັນຕົວແທນ ນໍາລົດກະບະໄຟຟ້າ 100% ຈາກໂຮງງານຜະລິດລົດ RADAR ປະເທດຈີນ. ດ້ວຍຄວາມທີ່ວ່າ RIDDARA ຢາກຈະບຸກຕະຫຼາດສົ່ງອອກຕ່າງປະເທດຢ່າງຈິງຈັງ ແລະ ດຸດັນໃຫ້ຫຼາຍຂຶ້ນກວ່າເກົ່າ ເພື່ອມອບຄວາມໝັ້ນໃຈ ດ້ວຍຄໍາໜັ້ນສັນຍາ, ຄຸນພາບສິນຄ້າ- ການບໍລິການທິດີ ແລະ ນະວັດຕະກຳໃໝ່ໆໃຫ້ກັບລູກຄ້າໃນຕະຫຼາດສົ່ງອອກຢ່າງທົ່ວເຖິງກັນໃນທ່າມກາງພາວະທີ່ມີຄວາມທ້າທາຍຫຼາຍຢ່າງໃນທົ່ວໂລກທີ່ກໍາລັງປະເຊີນໜ້າຢູ່ເປັນຕົ້ນ ແມ່ນລາຄານໍ້າມັນທີ່ສູງຂຶ້ນ ແລະ ເສດຖະກິດລົດໜ້ອຍຖອຍລົງ ພ້ອມທັງ ກຽມຮັບມືການຫັນປ່ຽນຄັ້ງໃຫຍ່ໃນການຫັນມາໃຊ້ພະລັງງານສະອາດຈາກໄຟຟ້າທົດແທນ.
ການໃຊ້ພະລັງນໍ້າມັນໃຫ້ໄດ້ຫຼາຍທີ່ສຸດພາຍໃນປີ 2025, ເປັນຕົ້ນໄປຕາມນະໂຍບາຍຮັກສາສິ່ງແວດລ້ອມ ແລະ ມີຄວາມຮັບຜິດຊອບຕໍ່ສັງຄົມໂລກ, ສາກົນ Carbon Footprint ເພື່ອຊ່ວຍຮັກສາສິ່ງແວດລ້ອມ ແລະ ສ້າງອະນາຄົດທີ່ສົດໃສໄວ້ໃຫ້ດີຂຶ້ນ ຕໍ່ຄົນຮຸ່ນນີ້, ຮຸ່ນລູກ ແລະ ຮຸ່ນຫຼານໃນພາຍພາກໜ້າ. ດັ່ງນັ້ນ, ເພື່ອເປັນການຕອກຢໍ້າຄວາມເອົາໃຈໃສ່ຕໍ່ຕະຫຼາດສົ່ງອອກໃນທົ່ວໂລກ, RIDDARA ຈະກາຍເປັນລົດຍີ່ຫໍ້ໃໝ່ທີ່ຖືກເອີ້ນໃນຕະຫຼາດສາກົນ ລວມໃນນັ້ນ ກໍມີປະເທດບ້ານໃກ້ເຮືອນຄຽງເຊັ່ນ: ປະເທດໄທ ທີ່ໄດ້ເປີດໂຕລົດໄປ ທັ້ງແບບຂັບເຄື່ອນ 4 ລໍ້ ແລະ 2 ລໍ້ ໃນວັນທີ 29 ຕຸລາ 2024 ທີ່ຜ່ານມາ, ນອກຈາກນີ້ກໍມີປະເທດ ມຽນມາ, ເນປານ ແລະ ສປປ ລາວ ທີ່ຢູ່ໃນພາກພື້ນອາຊີດ້ວຍກັນ. ລົດກະບະໄຟຟ້າຈຶ່ງເປັນທາງເລືອກໜຶ່ງທີ່ສາມາດຕອບໂຈດໃນດ້ານຕ່າງໆລວມເຖິງຄວາມປະຫຍັດພ້ອມກັບເປັນມິດຕໍ່ສິ່ງແວດລ້ອມ ເພື່ອເປັນການຕອບສະໜອງຄວາມຕ້ອງການ ແລະ ຄວາມເໜາະສົມໃນການໃຊ້ງານລົດໃນຍຸກສະໄໝໃໝ່ ທີ່ກຳລັງປ່ຽນຜ່ານໄປສູ່ພະລັງງານໄຟຟ້າສະອາດຢ່າງຍືນຍົງນັ້ນ ໃນນາມບໍລິສັດ ທິວາຣາ ແລະ ທາງໂຮງງານ ຈຶ່ງໄດ້ຕັ້ງໜ້າຊຸກຍູ້ສົ່ງເສີມຈັດຫາຜະລິດຕະພັນສິນຄ້າທີ່ຄູ່ຄວນເປັນເຈົ້າຂອງມານໍາສະເໜີເພື່ອເປັນທາງເລືອກທີ່ດີອີກທາງໜຶ່ງໃຫ້ກັບລູກຄ້າ ເຊິ່ງ ກໍຄື ລົດກະບະໄຟຟ້າແທ້ 100% ທີ່ມີໃຫ້ເລືອກໄດ້ທັ້ງ 2 ຊີຣີ ດ້ວຍກັນຄື: Series: 73kWh (ສາກເຕັມ ແລ່ນໄດ້ 424 ກິໂລແມັດ ຕາມມາດຕະຖານ NEDC) ຫຼື ເອີ້ນງ່າຍໆວ່າ Pro Series ແລະ Series: 86 kWh (ສາກເຕັມ ແລ່ນໄດ້ 455 ກິໂລແມັດ ຕາມມາດຕະຖານ NEDC) ຫຼື ເອີ້ນງ່າຍໆວ່າ Ultra Series ທີ່ມາພ້ອມກັບລະບົບຊ່ວຍຂັບ (ADAS) ເຕັມຮູບແບບ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
