ວັນພະຫັດ, ວັນທີ 05 ທັນວາ 2024
ວນກ ຈັດ ພິທີ ເຄົາລົບທຸງປະຈຳເດືອນ ຕຸລາ
ເວລາອອກຂ່າວ: 2024-11-04 13:47:33 | ຜູ້ຂຽນ : admin2 | ຈຳນວນຄົນເຂົ້າຊົມ: 841 | ຄວາມນິຍົມ: 
ວັນທີ 4 ພະຈິກ 2024 ນີ້, ວິທະຍາຄານ ນາຍທະຫານບົກ ກົມມະດຳ ໄດ້ຈັດ ພິທີເຄົາລົບທຸງປະຈຳເດືອນຕຸລາ. ໂດຍການເຂົ້າຮ່ວມຂອງ ສະຫາຍ ພົນຈັດຕະວາ ບົວໄລ ສີລັກສາ ຫົວໜ້າການທະຫານ ວິທະຍາຄານ ນາຍທະຫານບົກ ກົມມະດຳ, ມີຄະນະພັກ-ຄະນະອຳນວຍການ, ບັນດາຄະນະຫ້ອງ, ຄະນະວິຊາ ຄູ, ພະແນກການ, ກອງພັນ, ພະນັກງານ-ນັກຮົບ ແລະ ນັກຮຽນ- ນັກສືກສາເຂົ້າຮ່ວມ.
ສະຫາຍ ພົນຈັດຕະວາ ບົວໄລ ສີລັກສາ ໄດ້ໃຫ້ກຽດຂຶ້ນຜ່ານບົດລາຍງານຫຍໍ້, ຜ່ານການຈັດຕັ້ງປະຕິ ບັດການເຄື່ອນໄຫວວຽກງານພາຍໃນ 1 ເດືອນຜ່ານມາ ແລະ ວາງທິດທາງແຜນການເດືອນຕໍ່ໜ້າ ເຊິ່ງສະຫາຍໄດ້ຍົກໃຫ້ເຫັນດ້ານດີ ແລະ ດ້ານຄົງຄ້າງໃນການປະຕິບັດໜ້າທີ່ວຽກງານຕ່າງໆ ຂອງກົມກອງໃນໄລຍະຜ່ານມາ ເປັນຕົ້ນຄະນະພັກ-ຄະນະບັນຊາແຕ່ລະຂັ້ນໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ພະນັກງານ-ນັກຮົບເປັນກົກ ພ້ອມທັງຊີ້ນຳ-ນຳພາ ພະນັກງານ-ນັກຮົບເຮັດສຳເລັດໜ້າທີ່ລວມຂອງກົມກອງ ແລະ ຕັ້ງໜ້າສ້າງຂະບວນການດ້ານຕ່າງໆເພື່ອສ້າງຜົນງານນຳເອົາໄປປະດັບເອ່ຂໍ່ານັບຮັບຕ້ອນວັນສຳຄັນຕ່າງໆຂອງພັກ, ຂອງລັດ, ຂອງກອງທັບ ເວົ້າລວມ, ເວົ້າສະເພາະແມ່ນວັນຊາດທີ່ 2 ທັນວາ ຄົບຮອບ 49 ປີ ທີ່ໃກ້ຈະມາຮອດໃນມໍ່ໆນີ້ໃຫ້ມີຂະບວນຟົດຝື້ນຕໍ່ເນື່ອງ, ທັ້ງນີ້ກໍ່ເພື່ອປະຕິບັດຕາມການເຄົາລົບທຸງປະຈຳເດືອນ ໃຫ້ມີຄວາມເຂັ້ມແຂງທາງດ້ານລະບຽບວິໄນ ກໍຄືການປະຕິບັດ 7 ລະບອບ 18 ວຽກຂອງກອງທັບ, ຈາກນັ້ນກໍ່ໄດ້ຮັບຊົມ ການເດີນສວນສະໜາມ ຂອງກ້ອນກຳລັງພະນັກງານ, ຄູ-ອາຈານ, ນັກຮຽນ-ນັກສືກສາ.
ຂ່າວ-ພາບ: ລຸນທອງ ສີບຸນເຮືອງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
