ວັນພະຫັດ, ວັນທີ 12 ທັນວາ 2024
ວພກ ຈັດກິດຈະກຳບໍລິຈາກເລືອດຊ່ວຍເຫຼືອສັງຄົມ
ເວລາອອກຂ່າວ: 2024-11-05 09:14:13 | ຜູ້ຂຽນ : admin1 | ຈຳນວນຄົນເຂົ້າຊົມ: 692 | ຄວາມນິຍົມ: 
ວິທະຍາຄານພະລາທິການກອງທັບ (ວພກ) ໄດ້ຈັດກິດຈະກຳບໍລິຈາກເລືອດຊ່ວຍເຫຼືອສັງ ຄົມ ໃນວັນທີ 30 ຕຸລາ 2024 ເຊິ່ງນຳພາໂດຍ ສະຫາຍ ພັນໂທ
ເພັດສະໝອນ ແກ້ວສຸວັນ ຜູ້ປະ ສານງານປຸກລະດົມບໍລິຈາກເລືຶອດ ສະຖາບັນກັນພະຍາດກອງທັບ ແລະ ທ່ານ ດຣ ຄຳຈັນ ຄຳມະນີວົງ ຜູ້ຮັບຜິດຊອບວຽກງານປຸກລະດົມບໍລິຈາກເລືອດ ສະຖາບັນເລືອດແຫ່ງຊາດ ພ້ອມດ້ວຍພະນັກງານວິຊາການ, ມີສະຫາຍ ພັນໂທ ທະໂນສິນ ໄຊຍະວົງ ຄະນະອຳນວຍການ, ຫົວໜ້າຫ້ອງພະລາທິການ ວພກ, ສະຫາຍ ພັນໂທ ຈະເລີນ ພັນທະລັງສີ ຫົວໜ້າພະແນກເສນາຮັກ ວພກ ພ້ອມຄະນະ, ມີບັນດາຄະນະຫ້ອງ, ຄະນະກອງພັນ, ພະນັກງານ-ນັກຮົບ, ຄ-ູອາຈານ, ນັກຮຽນ-ນັກສຶກສາຜູ້ທີ່ສະໝັກໃຈບໍລິຈາກເລືອດພາຍໃນກົມກອງເຂົ້າຮ່ວມ.
ໂອກາດດັ່ງກ່າວ, ທ່ານ ດຣ ຄຳຈັນ ຄຳມະນີວົງ ໄດ້ຍົກໃຫ້ເຫັນຄວາມໝາຍຄວາມສຳຄັນຂອງການບໍລິຈາກເລືອດ, ປະຫວັດຄວາມເປັນມາ ແລະ ຄວາມຈຳ
ເປັນພາວະວິໄສຂອງຄວາມຕ້ອງການເລືອດໃນປັດຈຸບັນ ກໍຄືໃນຕໍ່ໜ້າ. ການບໍລິຈາກເລືອດແມ່ນວຽກງານມະນຸດສຳພັນໜຶ່ງທີ່ມີຄວາມສຳຄັນ ແລະ ຈຳເປັນທີ່ສຸດ ເພື່ອຊ່ວຍກອບກູ້ເອົາຊີວິດມະນຸດດ້ວຍກັນ, ເລືອດບໍ່ມີໂຮງ ງານໃດສາມາດຜະລິດ ຫຼື ມີສານຊະນິດໃດທີ່ສາມາດທົດແທນເລືອດໄດ້ ເມື່ອເປັນເຊັ່ນນັ້ນ ການປຸກລະດົມບໍລິຈາກເລືອດແບບສະໝັກໃຈໂດຍບໍ່ຮຽກຮ້ອງຜົນຕອບແທນ ເປັນຂະບວນການບໍລິຈາກເລືອດ ທີ່ເຕັມໄປດ້ວຍຄວາມເອື້ອເຟື້ອ ແລະ ເປັນບຸນກຸສົນອັນຍິ່ງໃຫຍ່ຂອງຊີວິດ ປັດຈຸບັນ ຄວາມຕ້ອງການເລືອດ ມີຫຼາຍກວ່າການຕອບສະໜອງ.
ກິດຈະກຳໃນຄັ້ງນີ້, ມີ ພະນັກ ງານ-ນັກຮົບ, ນັກຮຽນ-ນັກສຶກ
ສາທົ່ວ ວພກ ເຂົ້າຮ່ວມທັງໝົດ 120 ສະຫາຍ ໃນນີ້ ມີຜູ້ບໍລິຈາກເລືອດຕົວຈິງ ຈຳນວນ 36 ສະຫາຍ ໄດ້ເລືອດ 36 ຖົງ.
ໂດຍ: ສົມພອນ ນໍລະສິງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
