ວັນພະຫັດ, ວັນທີ 05 ທັນວາ 2024
ມອບ-ຮັບໜ້າທີ່ ຫົວໜ້າການທະຫານ ໂຮງຮຽນການທະຫານທ້ອງຖິ່ນແຂວງໄຊສົມບູນ
ເວລາອອກຂ່າວ: 2024-11-05 09:23:48 | ຜູ້ຂຽນ : admin1 | ຈຳນວນຄົນເຂົ້າຊົມ: 461 | ຄວາມນິຍົມ: 
ໃນທ້າຍເດືອນຕຸລາ 2024 ນີ້, ຢູ່ທີ່ສະໂມສອນໂຮງຮຽນການທະຫານທ້ອງຖິ່ນ ແຂວງໄຊສົມບູນ ໄດ້ຈັດພິທີມອບ-ຮັບໜ້າທີ່ ລະຫວ່າງ ຫົວໜ້າການທະຫານ ຜູ້ເກົ່າ-ຜູ້ໃໝ່, ໂດຍການເປັນປະທານຂອງ ສະຫາຍ ພັນເອກ ວົງພັນ ດາບຸດດີ ຫົວໜ້າການທະຫານ ກອງບັນຊາການທະຫານແຂວງໄຊສົມບູນ, ມີຄະນະພັກ-ຄະນະອໍານວຍການໂຮງຮຽນ, ພະແນກການທີ່ຂ້ອງ ຕະຫຼອດຮອດພະນັກງານ-ນັກຮົບເຂົ້າຮ່ວມ.
ສະຫາຍ ຮ້ອຍໂທ ແມັກເຊິ່ນ ມະນີວົງ ຊ່ວຍວຽກພະແນກພະນັກງານ ໄດ້ຜ່ານຂໍ້ຕົກລົງ ຂອງກົມໃຫຍ່ການເມືອງກອງທັບ ວ່າດ້ວຍການແຕ່ງຕັ້ງຫົວໜ້າການທະຫານ ໂຮງຮຽນການທະຫານທ້ອງຖິ່ນ ຂຶ້ນກັບ ກອງບັນຊາການທະຫານແຂວງໄຊສົມບູນ, ອີງຕາມ ກົດໝາຍນາຍທະຫານ ກອງທັບປະຊາຊົນລາວ ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ, ກົມໃຫຍ່ການເມືອງກອງທັບ ຕົກລົງ ແຕ່ງຕັ້ງ ສະຫາຍ ພັນໂທ ໄຊພອນ ສີສົມແພງ ເປັນຫົວໜ້າການທະຫານ ໂຮງຮຽນການທະຫານທ້ອງຖິ່ນ ຜູ້ໃໝ່ ແລະ ອະນຸມັດໃຫ້ ສະຫາຍ ພັນໂທ
ອ່ອນຄຳ ສີວົງໄຊ ຫົວໜ້າການຫານ ໂຮງຮຽນການທະຫານທ້ອງຖິ່ນ ຜູ້ເກົ່າ ພັກການ ເພື່ອກຽມຮັບບຳນານ. ພ້ອມນັ້ນ, ສະຫາຍ ຫົວໜ້າການທະຫານ (ຜູ້ເກົ່າ) ໄດ້ຜ່ານບົດສະຫຼຸບ ການນຳພາຈັດຈັ້ງເຄື່ອນໄຫວ ຕະຫຼອດໄລຍະທີ່ຜ່ານມາ ເຊິ່ງໄດ້ຍົກໃຫ້ເຫັນທີ່ຕັ້ງ, ພາລະບົດບາດໜ້າທີ່ການເມືອງ, ໂດຍສະເພາະ ວຽກງານ
ອົບຮົມ-ຫັດແອບ, ວຽກງານປັບປຸງກໍ່ສ້າງກຳລັງ, ການໂຄສະນາວຽກງານດ້ານຕ່າງໆ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ, ພ້ອມທັງມອບວຽກໃຫ້ ສະຫາຍ ຫົວໜ້າການທະຫານ (ຜູ້ໃໝ່) ສືບຕໍ່ນຳພາ-ຊີ້ນຳ ຈັດຕັ້ງປະຕິບັດໜ້າທີ່ການເມືອງ ຕາມພາລະບົດ
ບາດ ສິດ ແລະ ໜ້າທີ່, ທີ່ຂັ້ນເທິງມອບໝາຍໃຫ້.
ໂອກາດນີ້, ສະຫາຍ ພັນເອກ ວົງພັນ ດາບຸດດີ ໄດ້ຮຽກຮ້ອງໃຫ້ຜູ້ທີ່ໄດ້ຮັບໜ້າທີ່ໃໝ່ ຕ້ອງເພີ່ມທະວີຄວາມຮັບຜິດຊອບສູງ ຕາມພາລະບົດບາດໜ້າທີ່ການ
ເມືອງ ໃນການພັດທະນາກໍ່ສ້າງກົມກອງໃຫ້ມີຄວາມເຂັ້ມໜັກແໜ້ນ, ເອົາໃຈໃສ່ຍົກສູງການສຶກສາອົບຮົມການເມືອງນຳພາ-ແນວຄິດ ໃຫ້ພະນັກງານ-ນັກຮົບ
ເຂົ້າໃຈແຈ້ງ ຕໍ່ແນວທາງນະໂຍບາຍຂອງພັກ, ເອົາໃຈໃສ່ປັບປຸງກໍ່ສ້າງພັກ-ພະນັກງານ, ເສີມຂະຫຍາຍມູນເຊື້ອຄວາມສາມັກຄີພາຍໃນ ແລະ ພາຍນອກໃຫ້ແໜ້ນແຟ້ນ, ມີແບບແຜນວິທີເຮັດວຽກ ລວມສູນປະຊາທິປະໄຕ ເປັນໝູ່ຄະນະ ເພື່ອພັັດທະນາກົມກອງໃຫ້ມີປະສິດທິຜົນສູງ. ພ້ອມນີ້, ຍັງໄດ້ຮຽກຮ້ອງໃຫ້ຜູ້ທີ່ໄດ້
ຮັບນະໂຍບາຍບຳນານໃນຄັງນີ້ ຈົ່ງສືບຕໍ່ເຮັດວຽກງານສຶກສາອົບຮົມການເມືອງນຳ-ແນວຄິດ, ເປັນຫຼັກແຫຼ່ງໃຫ້ແກ່ພະນັກງານ-ນັກຮົບ ແລະ ລູກຫຼານ, ປະ
ກອບສ່ວນຊຸກຍູ້ຊ່ວຍເຫຼືອເຂົ້າໃນວຽກງານລວມຂອງບ້ານ ແລະ ສືບຕໍ່ປັບປຸງພັດທະນາຊີວິການເປັນຢູ່ຂອງຄົວໃຫ້ນັບມື້ດີຂຶ້ນ.
ໂດຍ: ນາງ ກ້າຈີທໍ່ ເພຍຫຼວງຈົ່ງເສີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
