ວັນພະຫັດ, ວັນທີ 05 ທັນວາ 2024
ກົມປະກັນສັງຄົມ ເປີດບັ້ນເຝິກອົບຮົມ ການຕິດຕາມນຳໃຊ້ ລະບົບລາຍງານການປິ່ນປົວສຸຂະພາບຂອງໂຮງໝໍ
ເວລາອອກຂ່າວ: 2024-11-05 09:25:41 | ຜູ້ຂຽນ : admin1 | ຈຳນວນຄົນເຂົ້າຊົມ: 470 | ຄວາມນິຍົມ: 
ວັນທີ 4 ພະຈິກ 2024 ນີ້, ກົມປະກັນສັງຄົມ ກົມໃຫຍ່ການເມືອງກອງທັບ ໄດ້ເປີດບັ້ນເຝິກອົບຮົມການຕິດຕາມນຳໃຊ້ລະບົບລາຍງານການປິ່ນປົວສຸຂະພາບຂອງໂຮງໝໍໃຫ້ພະແນກ-ຂະແໜງ ປະກັນສັງຄົມ 27 ແຫ່ງ ທີ່ມີໂຮງໝໍຂຶ້ນກັບ ໂດຍການເຂົ້າຮ່ວມຂອງ ສະຫາຍ ພັນເອກ ອິນຕອງ ໄຊຍະວົງ ຮອງຫົວໜ້າກົມປະກັນສັງຄົມ ກົມໃຫຍ່ການເມືອງກອງທັບ, ມີຫົວໜ້າພະແນກ-ຮອງຫົວໜ້າພະແນກ ພ້ອມດ້ວຍນັກເຝິກອົບຮົມເຂົ້າຮ່ວມ.
ສະຫາຍ ພັນເອກ ອິນຕອງ ໄຊຍະວົງໄດ້ກ່າວວ່າ: ຈຸດປະສົງຂອງການເຝິກອົບຮົມໃນຄັ້ງນີ້, ເພື່ອໃຫ້ບັນດາສະຫາຍທີ່ມີໜ້າທີ່ຮັບຜິດຊອບວຽກດັ່ງກ່າວ ໃຫ້ຮັບຮູ້ເຂົ້າໃຈ ແລະ ມີຄວາມເປັນເອກະພາບໃນການຕິດຕາມກວດກາ ລາຍຈ່າຍໃນແຕ່ລະມື້, ເດືອນ ແລະ ປີ ຂອງການເຂົ້າມາໃຊ້ບໍລິການປິ່ນປົວສຸຂະພາບຂອງສະມາຊິກປະກັນສັງຄົມ ຢູ່ບັນດາໂຮງໝໍແຕ່ລະແຫ່ງ ໂດຍການສົມທຽບກັບບົດສະຫຼຸບລາຍງານທີ່ພະແນກ-ຂະແໜງປະກັນສຸຂະພາບ ຂອງໂຮງໝໍ ສະຫຼຸບເພື່ອຂໍເບິກເງິນຮ່ວງປິ່ນປົວສຸຂະພາບ ກັບ ພະແນກຂະແໜງ ປະກັນສັງຄົມ ໃນແຕ່ລະເດືອນ. ໄລຍະຜ່ານມາ ກົມປະກັນສັງຄົມ ໄດ້ໂອນເງິນຮວງປິ່ນປົວສຸຂະພາບ ໃຫ້ພະແນກ-ຂະແໜງປະກັນສຸຂະພາບ ຂອງໂຮງໝໍ ຄຸ້ມຄອງເອງ ເຮັດໃຫ້ມີການ
ຂ້າມຂັ້ນໃນການສະຫຼຸບລາຍງານດ້ານລາຍຮັບລາຍຈ່າຍກ່ຽວກັບຮ່ວງເງິນປິນປົວສຸຂະພາບ. ດັ່ງນັ້ນ, ກົມປະກັນສັງຄົມ ຈຶ່ງໄດ້ປັບປຸງແບບແຜນການໂອນ
ເງິນຮ່ວງດັ່ງກ່າວນີ້ ໃຫ້ຖືກຕາມສາຍການຄຸ້ມຄອງ ກໍຄື ຫັນການໂອນເງິນຮ່ວງປິ່ນປົວສຸຂະພາບ ໃຫ້ຂຶ້ນກັບ ພະແນກ-ຂະແໜງປະກັນສັງຄົມ ແຕ່ລະກົມກອງ ຊ່ວຍໃນການຕິດຕາມ ກວດກາ ແລະ ຄຸ້ມຄອງຮ່ວງເງິນດັ່ງກ່າວໃຫ້ຄືກັບຮ່ວງເງິນອື່ນໆ. ການເຝິກອົບຮົມຄັ້ງນີ້ ຈະໄດ້ດຳເນີນໄປເປັນເວລາ 5 ວັນຈຶ່ງຈະສຳເລັດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
