ວັນອັງຄານ, ວັນທີ 03 ທັນວາ 2024
ເປີດມະໂຫລານສິລະປະດົນຕີ ອາຊຽນ-ສ ເກົາຫຼີ 2024
ເວລາອອກຂ່າວ: 2024-11-05 09:40:17 | ຜູ້ຂຽນ : admin1 | ຈຳນວນຄົນເຂົ້າຊົມ: 171 | ຄວາມນິຍົມ: 
ໃນລະຫວ່າງວັນທີ 1-4 ພະຈິກ 2024 ສະຖານທູດ ສ ເກົາຫຼີ ປະຈຳນະຄອນຫຼວງວຽງຈັນໄດ້ຈັດບຸນມະໂຫລານສິລະປະດົນຕີອາຊຽນ-ເກົາຫຼ ີຢູ່ຫໍ
ປະຊຸມແຫ່ງຊາດ ເພື່ອສະເຫຼີມສະຫຼອງ 35 ປີ ວັນສ້າງຕັ້ງການພົວພັນຄູ່ເຈລະອາຊຽນ-ສ ເກົາຫຼີ ສົ່ງຕໍ່ສາຍສຳພັນທີ່ຮຸ່ງເຮືອງ ແລະ ຍາວນານໃຫ້ຄົນຮຸ່ນຕໍ່ໄປ, ເພື່ອແລກປ່ຽນສິລະປະວັດທະນະທຳລະຫວ່າງອາຊຽນ ກັບ ສ ເກົາຫຼີ ໂດຍມີ ທ່ານ ນາງ ດາລານີ ພິມມະວົງສາ ຮອງ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທ່ານ Jung Yung soo ເອກອັກຄະລັດຖະ ສ ເກົາຫຼີ ປະຈຳສປປລາວພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ນາງ ດາລານີ ພົມມະວົງສາ ໄດ້ກ່າວວ່າ: ງານມະໂຫລານນີ້ຈັດຂຶ້ນເພື່ອເປັນການສະແດງຄວາມຮູ້ບຸນຄຸນຕໍ່ວິໄສທັດຮ່ວມກັນ ໃນການເຊື່ອມໂຍງຂອງອາຊຽນ, ພ້ອມທັງສະເຫຼີມສະຫຼອງ 35 ປີ ແຫ່ງວັນສ້າງຕັ້ງການພົວພັນຄູ່ເຈລະຈາ ອາຊຽນ-ສ ເກົາຫຼີ ລະດັບຍຸດທະສາດຮອບດ້ານ ສະນັ້ນ, ການສະແດງນີ້ ຖືເປັນສ່ວນໜຶ່ງຂອງງານວາງສະແດງວັດທະນະທຳອາຊຽນຄັ້ງທີ 7 ເພື່ອ
ໃຫ້ສັງຄົມໄດ້ເຫັນຄວາມສວຍງາມທີ່ເປັນເອກະລັກສະເພາະຂອງແຕ່ລະວັດທະນະທຳ, ຊຸກຍູ້ຄວາມເຂົ້າໃຈເລິກເຊິ່ງ, ເປັນເອກະພາບ ແລະ ການຮ່ວມມື, ເພີ່ມທະວີການແລກປ່ຽນດ້ານເຕັກນິກ ແລະ ວັດທະນະທຳ ລະຫວ່າງບັນດານັກສິລະປິນໃນທົ່ວພາກພື້ນ.
ໃນງານຄັ້ງນີ້, ຈະໄດ້ສຳຜັດກັບວັດທະທຳຜ່ານສຽງເພງ ຈາກບັນດາປະເທດອາຊຽນ ແລະ ສ ເກົາຫຼີ ໂດຍມີສິລະປິນ ຈາກປະເທດມາເລຍເຊຍ, ຟີລິບປິນ, ສິງກະໂປ, ໄທ, ເກົາຫຼີ, ລາວ, ກຳປູເຈຍ, ອິນໂເນຍເຊຍ ແລະ ມຽນມາ ທີ່ຈະມາມອບຄວາມສຸກໃຫ້ບັນດາແຂກທີ່ເຂົ້າຮ່ວມງານ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
