POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ເປີດໂຕລົດກະບະພະລັງງານໄຟຟ້າ ເວີຊັນໃໝ່ ດ້ວຍລະບົບຂັບເຄື່ອນ 4 ລໍ້ ຄັ້ງທຳອິດ ໃນ ສປປ ລາວ
ເວລາອອກຂ່າວ: 2024-11-05 09:42:18 | ຜູ້ຂຽນ : admin1 | ຈຳນວນຄົນເຂົ້າຊົມ: 130 | ຄວາມນິຍົມ:

ທ່ານ ກົງສະດາ ແກ້ວມະນີວົງ ປະທານບໍລິສັດ ທິວາຣາ ອໍໂຕ້ ຈຳກັດ ໄດ້ກ່າວໃນງານເປີດໂຕລົດກະບະພະລັງງານໄຟຟ້າ 100% ໂມເດວ RD6 ເວີຊັນໃໝ່ ແບບລະບົບຂັບເຄື່ອນ 4 ລໍ້ ຄັ້ງທຳອິດໃນ ສປປ ລາວ ໃນວັນທີ 2 ພະຈິກ 2024 ວ່າ: ບໍລິສັດ ທິວາຣາ ມີຄວາມພາກພູມໃຈເປັນຢ່າງຍິ່ງທີ່ໄດ້ເປັນຕົວແທນ ນຳລົດກະບະໄຟຟ້າ 100% ຈາກໂຮງງານຜະລິດລົດ RADAR ປະເທດຈີນ. ດ້ວຍຄວາມທີ່ວ່າ RIDDARA ຢາກຈະບຸກຕະຫຼາດສົ່ງອອກຕ່າງປະເທດຢ່າງຈິງຈັງ ແລະ ດຸດັນໃຫ້ຫຼາຍຂຶ້ນກວ່າເກົ່າ ເພື່ອມອບຄວາມໝັ້ນໃຈ, ຄຳໝັ້ນສັນຍາ, ຄຸນພາບສິນຄ້າ- ການບໍລິການທິດີ ແລະນະວັດຕະກຳໃໝ່ໆໃຫ້ກັບລູກຄ້າໃນຕະຫຼາດສົ່ງອອກຢ່າງທົ່ວເຖິງທ່າມກາງພາວະທີ່ມີຄວາມທ້າທາຍຫຼາຍຢ່າງໃນທົ່ວໂລກທີ່ກຳລັງປະເຊີນໜ້າຢູ່ ເປັນຕົ້ນ ແມ່ນລາຄານ້ຳມັນເຊື້ອໄຟທີ່ສູງຂຶ້ນແລະ ເສດຖະກິດລົດໜ້ອຍຖອຍລົງພ້ອມທັງ ກຽມຮັບມືການຫັນປ່ຽນຄັ້ງໃຫຍ່ໃນການຫັນມາໃຊ້ພະລັງງານສະອາດຈາກໄຟຟ້າທົດແທນການໃຊ້ພະລັງນ້ຳມັນໃຫ້ໄດ້ຫຼາຍທີ່ສຸດພາຍໃນປີ2025 ເປັນຕົ້ນໄປ ຕາມນະໂຍບາຍຮັກສາສິ່ງແວດລ້ອມ ແລະ ມີຄວາມຮັບຜິດຊອບຕໍ່ສັງຄົມໂລກ, ສາກົນ Carbon Footprint ເພື່ອຊ່ວຍຮັກສາສິ່ງແວດລ້ອມ ແລະ ສ້າງອະນາຄົດທີ່ສົດໃສໄວ້ໃຫ້ດີຂຶ້ນ ຕໍ່ຄົນຮຸ່ນນີ້, ຮຸ່ນລູກ ແລະ ຮຸ່ນຫຼານໃນພາຍພາກໜ້າດັ່ງນັ້ນ, ເພື່ອເປັນການຕອກຢ້ຳຄວາມເອົາໃຈໃສ່ຕໍ່ຕະຫຼາດສົ່ງອອກໃນທົ່ວໂລກ, RIDDARA ຈະກາຍເປັນລົດຍີ່ຫໍ້ໃໝ່ທີ່ຖືກເອີ້ນໃນຕະຫຼາດສາກົນ ລວມໃນນັ້ນ ມີປະເທດບ້ານໃກ້ເຮືອນຄຽງເຊັ່ນ: ປະເທດໄທ ທີ່ໄດ້ທຳການເປີດໂຕລົດໄປ ທັ້ງແບບຂັບເຄື່ອນ 4 ລໍ້ ແລະ 2 ລໍ້ ໃນວັນທີ 29 ຕຸລາ ທີ່ຜ່ານມາ ນອກຈາກນີ້ ກໍມີປະເທດ ມຽນມາ, ເນປານ ແລະ ສປປ ລາວ ທີ່ຢູ່ໃນພາກພື້ນອາຊີດ້ວຍກັນ. ລົດກະບະໄຟຟ້າຈຶ່ງເປັນທາງເລືອກໜຶ່ງທີ່ສາມາດຕອບໂຈດໃນດ້ານຕ່າງໆລວມເຖິງຄວາມປະຢັດພ້ອມກັບເປັນມິດຕໍ່ສິ່ງແວດລ້ອມ ເພື່ອເປັນການຕອບສະໜອງຄວາມຕ້ອງການ ແລະ ຄວາມເໝາະສົມໃນການໃຊ້ງານລົດໃນຍຸກສະໄໝໃໝ່ ທີ່ກຳລັງປ່ຽນຜ່ານໄປສູ່ພະລັງງານໄຟຟ້າສະອາດຢ່າງຍືນຍົງນັ້ນ ໃນນາມບໍລິສັດ ທິວາຣາ ແລະ ໂຮງງານ ຈຶ່ງໄດ້ຕັ້ງໜ້າຊຸກຍູ້ສົ່ງເສີມຈັດຫາຜະລິດຕະພັນສິນຄ້າທີ່ຄູ່ຄວນເປັນເຈົ້າຂອງມານຳສະເໜີເພື່ອເປັນທາງເລືອກທີ່ດີອີກທາງໜຶ່ງໃຫ້ກັບລູກຄ້າ ກໍຄືລົດກະບະໄຟຟ້າແທ້ 100% ທີ່ມີໃຫ້ເລືອກໄດ້ທັງ 2 ຊີຣີ ດ້ວຍກັນຄື: Series: 73kWh (ສາກເຕັມ ແລ່ນໄດ້ 424 ກິໂລແມັດ ຕາມມາດຕະຖານ NEDC) ຫຼື ເອີ້ນງ່າຍໆ ວ່າ Pro Series ແລະ Series: 86 kWh (ສາກເຕັມ ແລ່ນໄດ້ 455 ກິໂລແມັດ ຕາມມາດຕະຖານ NEDC) ຫຼື ເອີ້ນງ່າຍໆວ່າ Ultra Series ທີ່ມາພ້ອມກັບລະບົບຊ່ວຍຂັບ (ADAS) ເຕັມຮູບແບບ.

news to day and hot news