ວັນເສົາ, ວັນທີ 07 ທັນວາ 2024
ແຂວງຈຳປາສັກ ຈັດງານວາງສະແດງ ແລະ ຈຳໜ່າຍສິນຄ້າ ສົ່ງເສີມຜະລິດຕະພັນທ້ອງຖິ່ນ
ເວລາອອກຂ່າວ: 2024-11-06 09:19:50 | ຜູ້ຂຽນ : admin1 | ຈຳນວນຄົນເຂົ້າຊົມ: 153 | ຄວາມນິຍົມ: 
ແຂວງຈຳປາສັກໄດ້ຈັດງານວາງສະແດງ ແລະ ຈຳໜ່າຍສິນ ຄ້າ ເພື່ອສົ່ງເສີມຜະລິດຕະພັນ ຂອງທ້ອງຖິ່ນ ປີ 2024 ຈັດຂຶ້ນ ລະຫວ່າງວັນທີ 1-3 ພະຈິກ ຜ່ານ ມາ ທີ່ນະຄອນປາກເຊ ເພື່ອສົ່ງ ເສີມຜະລິດຕະພັນທ້ອງຖິ່ນ ພາຍ ໃຕ້ໂຄງການສ້າງຄວາມເຂັ້ມ ແຂງໃນການເສີມຂະຫຍາຍການປັບປຸງຊີວິດການເປັນຢູ່ຂອງຊຸມຊົນທ້ອງຖິ່ນ ແລະ ການເຊື່ອມໂຍງຕະຫຼາດເຂດປ່າປ້ອງກັນພູບາຈຽງ ໃນນະຄອນປາກເຊ ແລະ ເມືອງບາຈຽງຈະເລີນສຸກ ໂດຍມີຜະລິດຕະພັນຫັດຖະກຳຈາກສີມືຄົນລາວ ທີ່ຫຼາກຫຼາຍມີທັງແບບພື້ນເມືອງ ແລະ ແບບປະຍຸກຈາກທຸກໆເມືອງຂອງແຂວງມາວາງສະແດງ ແລະ ຊື້-ຂາຍ ເຊັ່ນ: ຜ້າໄໝ-ຜ້າຝ້າຍພື້ນເມືອງ, ເຄື່ອງຈັກສານ, ໄມ້ແກະສະຫຼັກ, ສະໝຸນໄພເພື່ອສຸຂະພາບ ແລະ ອື່ນໆ.
ການຈັດງານຄັ້ງນີ້, ຖືເປັນການເປີດໂອກາດໃຫ້ຜູ້ຜະລິດສິນຄ້າ ຈາກເຄື່ອງປ່າຂອງດົງ ຂັ້ນຊຸມຊົນ ແລະ ຜູ້ຊື້-ຂາຍຈາກ ພາກເອກະຊົນໄດ້ເຕົ້າໂຮມແລກ ປ່ຽນຄວາມຮູ້, ພັດທະນາຍຸດທະສາດການຕະຫຼາດຮ່ວມກັນ ແລະ ການເຊື່ອມໂຍມສ້າງເຄືອຂ່າຍທາງດ້ານຕະຫຼາດແບບຍືນຍົງເພື່ອເປັນບ່ອນໃຫ້ຜູ້ຜະລິດສິນຄ້າເຄື່ອງປ່າຂອງດົງໄດ້ນຳສະເໜີຜະລິດຕະພັນສິນຄ້າຂອງຕົນເອງໃຫ້ເປັນທີ່ຮູ້ຈັກຫຼາຍຂຶ້ນ, ຕອບສະ ໜອງຜູ້ຊື້ທີ່ມີທ່າແຮງ, ປະເມີນຄວາມຕ້ອງການຂອງຕະຫຼາດໃນໄລຍະຍາວ ແລະ ອື່ນໆ. ພ້ອມນີ້, ພາຍໃນງານຍັງມີການສະແດງສິລະປະດົນຕີ ແລະ ຟ້ອນພື້ນ ເມືອງລາວ ເອກະລັກຂອງແຂວງຈຳປາສັກ ແລະ ອື່ນໆ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
