ວັນສຸກ, ວັນທີ 13 ທັນວາ 2024
ວິທະຍາຄານປ້ອງກັນຊາດ ໄກສອນ ພົມວິຫານ ເປີດຂະບວນການແຂ່ງຂັນກິລາ
ເວລາອອກຂ່າວ: 2024-11-07 09:00:38 | ຜູ້ຂຽນ : admin1 | ຈຳນວນຄົນເຂົ້າຊົມ: 874 | ຄວາມນິຍົມ: 
ວັນທີ 31 ຕຸລາ 2024 ຜ່ານມານີ້, ວິທະຍາຄານປ້ອງກັນຊາດ ໄກສອນ ພົມວິຫານ (ວປກ) ໄດ້ເປີດຂະບວນການແຂ່ງຂັນກິລາເປຕັງ, ໂດຍການເປັນປະທານຂອງ ສະຫາຍ ພັນເອກ ປອ ສົມພິນ ພົມມະຈັນ ຮອງຫົວໜ້າ ວປກ, ຫົວໜ້າກົມພະລາທິການ-ເຕັກນິກ ວປກ, ມີຄະນະພັກ-ຄະນະບັນຊາ, ຄູ-ອາຈານ, ນາຍ ແລະ ພົນທະຫານ ເຂົ້າຮ່ວມ.
ສະຫາຍ ພັນເອກ ເນັ່ງສີດາ ເບຼຍລືມົວ ຮອງຫົວໜ້າຫ້ອງການ ວປກ ໄດ້ຜ່ານແຜນການແຂ່ງຂັນກິລາເປຕັງອາວຸໂສ ແລະ ຊາວໜຸ່ມ-ແມ່ຍິງ ເຊິ່ງການຈັດກິດຈະກຳໃນຄັ້ງນີ້ ກໍເພື່ອເປັນການສ້າງຂະບວນການສ້າງຜົນງານຂໍ່ານັບຮັບຕ້ອນວັນສຳຄັນຕ່າງໆ, ໂດຍສະເພາະກໍແມ່ນຕ້ອນຮັບກອງປະຊຸມໃຫຍ່ອົງຄະນະພັກ ວປກ ສະໄໝ ທີ V, ວັນແຮກສ່ຽວລະຫວ່າງ ວິທະຍາຄານປ້ອງກັນຊາດ ໄກສອນ ພົມວິຫານ ກັບ ວິທະຍາຄານປ້ອງກັນຊາດ ສສ ຫວຽດນາມ ຄົບຮອບ 15 ປີທີ່ຈະມາເຖິງໃຫ້ມີຄວາມໝາຍ, ຄວາມສຳຄັນຢ່າງຕໍ່ເນື່ອງ ແລະ ເປັນຂະບວນຟົດຟື້ນ ໃນນີ້, ມີຜູ້ເຂົ້າຮ່ວມແຂ່ງຂັນ ເປຕັງອາວຸໂສ ມີຈຳນວນ 21 ທີມ ແລະ ຊາວໜຸ່ມ-ແມ່ຍິງ ມີຈຳນວນ 21 ທີມ, ສ່ວນຂອງລາງວັນ ທີ 1 ຈະໄດ້ຮັບຂັນລາງວັນ ພ້ອມດ້ວຍເງິນສົດ, ລາງວັນທີ 2 ແມ່ນໄດ້ຮັບເງິນສົດ ແລະ ລາງວັນທີ 3 ໄດ້ຮັບເງິນສົດເຊັ່ນດຽວກັນ.
ໂດຍ: ນາງ ສົງການ ທະວີສຸກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
