ວັນສຸກ, ວັນທີ 13 ທັນວາ 2024
ໂຮງຮຽນວັດທະນະທຳຊົນເຜົ່າກອງທັບ ເຜີຍແຜ່ເອກະສານ ແຜນແມ່ບົດ ວ່າດ້ວຍການສ້າງຄູ່ຮ່ວມຊະຕາກຳ ລາວ-ຈີນ
ເວລາອອກຂ່າວ: 2024-11-07 09:05:43 | ຜູ້ຂຽນ : admin1 | ຈຳນວນຄົນເຂົ້າຊົມ: 1228 | ຄວາມນິຍົມ: 
ວັນທີ 6 ພະຈິກ 2024 ນີ້, ໂຮງຮຽນວັດທະນະທຳຊົນເຜົ່າກອງທັບ ໄດ້ຈັດຕັ້ງກອງປະຊຸມເຜີຍແຜ່ເອກະສານແຜນແມ່ບົດ ວ່າດ້ວຍການສ້າງຄູ່ຮ່ວມ
ຊະຕາກຳ ລາວ-ຈີນ ສະບັບປີ 2024-2028, ໂດຍການເປັນປະທານ ແລະ ເຜີຍແຜ່ຂອງ ສະຫາຍ ພັນເອກ ປອ ສະແຫວງ ແດນນາມົນ ຫົວໜ້າການເມືອງ ໂຮງຮຽນວັດທະນະທຳຊົນເຜົ່າກອງທັບ, ມີຄະນະພັກ-ຄະນະອຳນວຍການ, ຫ້ອງການ, ກອງພັນ ແລະ ພະນັກງານ-ນັກຮົບ ເຂົ້າຮ່ວມ.
ສະຫາຍ ພັນເອກ ປອ ສະແຫວງ ແດນນາມົນ ໄດ້ເຜີຍເອກະສານແຜນແມ່ບົດ ວ່າດ້ວຍການສ້າງຄູ່ຮ່ວມຊະຕາກຳ ລາວ-ຈີນ ເຊິ່ງຍົກໃຫ້ເຫັນປະຫວັດຄວາມເປັນມາ, ສອງປະເທດ ລາວ-ຈີນ ມີລະບອບການເມືອງທີ່ຄ້າຍຄືກັນ, ເປັນປະເທດທີ່ຍຶດໝັ້ນເສັ້ນທາງສັງຄົມນິຍົມຄືກັນ, ເປັນບ້ານໃກ້ເຮືອນຄຽງທີ່ດີ, ມີສາຍພູ, ສາຍນ້ຳຕິດຈອດກັນ ແລະ ມີມູນເຊື້ອມິດຕະພາບອັນດີງາມມາແຕ່ບູຮານນະການ, ພັກປະຊາຊົນປະຕິວັດລາວ ແລະ ພັກກອມມູນິດຈີນ ໄດ້ມີການພົວພັນກັນມາແຕ່ປີ 1959 ແລະ ສອງລັດໄດ້ສ້າງຕັ້ງສາຍພົວພັນການທູດນຳກັນ ໃນປີ 1961. ຈາກນັ້ນ, ນັບແຕ່ປີ 2000 ການນຳສູງສຸດຂອງສອງປະເທດ ໄດ້ກຳນົດການຮ່ວມມືຕາມທິດໝັ້ນຄົງຍາວນານ, ບ້ານໃກ້ເຮືອນຄຽງທີ່ດີ, ໄວ້ເນື້ອເຊື່ອໃຈກັນ, ຮ່ວມມືຮອບດ້ານຕາມທິດ 4 ດີ, ບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ເປັນຄູ່ຮ່ວມມືທີ່ດີ, ປີ 2017 ສອງຝ່າຍໄດ້ຢືນຢັນຄືນເຖິງການເປັນຄູ່ຮ່ວມຊະຕາກາ ລະຫວ່າງ ສອງປະເທດ ແລະ ພ້ອມກັນຕີລາຄາວ່າ ການພົວພັນ ລາວ-ຈີນ ໄດ້ຮັບການພັດທະນາຢ່າງຕໍ່ເນື່ອງ ແລະ ປີ 2018 ສອງຝ່າຍ ໄດ້ຕົກລົງເປັນເອກະພາບກັນ, ກ່ຽວກັບການລິເລີ່ມສ້າງແຜນແມ່ບົດ ວ່າດ້ວຍການສ້າງຄູ່ຮ່ວມຊະຕາກຳ ລາວ-ຈີນ ລະຫວ່າງສອງພັກ ແລະ ໄດ້ຮັບການລົງນາມໂດຍເລຂາທິການໃຫຍ່ຂອງສອງພັກ ທີ່ນະຄອນຫຼວງປັກກິ່ງ ໃນວັນທີ 30 ເມສາ 2019. ພ້ອມນັ້ນ ຍັງໄດ້ເຜີຍແຜ່ຄວາມໝາຍສຳຄັນຂອງກອງປະຊຸມ “ລັດຖະ ມົນຕີປ້ອງກັນອາຊຽນ ຄັ້ງທີ 18” ທີ່ກອງທັບປະຊາຊົນລາວ ເປັນປະທານ ແລະ ເຈົ້າພາບ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
