ວັນສຸກ, ວັນທີ 06 ທັນວາ 2024
ກອງພົນທີ 5 ມອບເງິນນະໂຍບາຍອຸດໜູນ
ເວລາອອກຂ່າວ: 2024-11-08 09:00:17 | ຜູ້ຂຽນ : admin1 | ຈຳນວນຄົນເຂົ້າຊົມ: 857 | ຄວາມນິຍົມ: 
ໃນວັນທີ 6 ພະຈິກ 2024, ຫ້ອງການເມືອງ ກອງພົນທີ 5 ໄດ້ມອບເງິນນະໂຍບາຍອຸດໜູນເທື່ອດຽວ ແລະ ເງິນນະໂຍບາຍອຸດໜູນເສຍຊີວິດ, ໂດຍການເປັນປະທານຂອງ ສະຫາຍ ພັນເອກ ຄຳກົດ ອິນສີນາ ຫົວໜ້າຫ້ອງການເມືອງ ກອງພົນທີ 5, ມີຄະນະພັກ-ຄະນະບັນຊາ ພະແນກການ, ວິຊາສະເພາະທີ່
ກ່ຽວຂ້ອງ ຕະຫຼອດຮອດ ຜູ້ຕາງ ໜ້າຄອບຄົວພະນັກງານ ທີ່ເສຍຊີວິດ ເຂົ້າຮ່ວມ.
ສະຫາຍ ພັນໂທ ຄຳໄພ ຈັນທະອາສາ ຮອງຫົວໜ້າພະແນກພະນັກງານ ກອງພົນທີ 5 ໄດ້ຜ່ານຂໍ້ຕົກລົງ ວ່າດ້ວຍການອະນຸມັດໃຫ້ນາຍທະຫານ ອອກການ ຮັບເງິນນະໂຍບາຍອຸດໜູນເທື່ອດຽວ, ອີງຕາມກົດໜາຍ ວ່າດ້ວຍນາຍທະຫານກອງທັບປະຊາຊົນລາວ ແລະ ອີງຕາມກົດ ໝາຍ ວ່າດ້ວຍການປະກັນສັງຄົມ ກໍຄືການປະຕິບັດຕາມທິດທາງແຜນນະໂຍບາຍຂອງພັກ-ລັດ ທີ່ມີຕໍ່ນາຍ ແລະ ພົນທະຫານ ທີ່ໄດ້ການປະກອບສ່ວນເຂົ້າໃນການຕິບັດໜ້າທີ່ ວຽກງານປັບ ປຸງກໍ່ສ້າງກົມກອງ ກໍຄືການປົກປັກຮັກສາ ແລະ ສ້າງສາພັດທະນາປະເທດຊາດ ໃນໄລຍະຜ່ານມາ ໃນນີ້, ໄດ້ມີພະນັກງານຮັບເງິນນະໂຍບາຍອຸດໜູນເທື່ອດຽວຈຳ
ນວນ 10 ສະຫາຍ ມີຊັ້ນພັນຕີ 1 ສະຫາຍ, ຮ້ອຍເອກ 1 ສະຫາຍ, ຮ້ອຍໂທ 4 ສະຫາຍ, ຮ້ອຍຕີ 4 ສະຫາຍ ແລະ ຮັບເງິນນະໂຍບາຍອຸດໜູນເສຍຊີວິດ 4 ສະຫາຍ ມີຊັ້ນພັນໂທ 1 ສະຫາຍ, ຊັ້ນຮ້ອຍເອກ 1 ສະຫາຍ, ຊັ້ນສີບເອກ 1 ສະຫາຍ ແລະ ລູກພະນັກງານເສຍຊິວິດ 1 ສະຫາຍ ລວມເປັນເງິນທັງໜົດ 878.439.060 ກີບ.
ສະຫາຍ ພັນເອກ ຄຳກົດ ອິນສີນາ ໄດ້ສະແດງຄວາມຍ້ອງ ຍໍຊົມເຊີຍ ຕໍ່ບັນດາສະຫາຍທີ່ໄດ້ປະກອບສ່ວນຢ່າງຕັ້ງໜ້າ ໃນການປະຕິບັດໜ້າທີ່ວຽກງານຂອງຕົນ ເຂົ້າໃນການປັບປຸງກໍ່ ສ້າງກົມກອງໃນໄລຍະຜ່ານມາ. ພ້ອມທັງ ຮຽກຮ້ອງໃຫ້ແຕ່ລະສະຫາຍ ຈົ່ງນຳໃຊ້ເງິນດັ່ງກ່າວເຂົ້າວຽກງານທີ່ຈຳເປັນ ໃຫ້ເກີດປະໂຫຍດ ຕໍ່ຄອບຄົວ ແລະ ນຳໃຊ້ເຂົ້າໃນການປັບປຸງແກ້ໄຂຊີ ວິດການເປັນຢູ່ຂອງຄອບຄົວໃຫ້ນັບມື້ດີຂຶ້ນ.
ໂດຍ: ທອງປານ ສີດາໄລ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
