POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ສຸມໃສ່ກໍ່ສ້າງກອງ 3 ປອດ ໃຫ້ເພີ່ມຂຶ້ນທາງດ້ານຈຳນວນ ແລະ ຄຸນນະພາບ
ເວລາອອກຂ່າວ: 2024-11-08 09:11:05 | ຜູ້ຂຽນ : admin1 | ຈຳນວນຄົນເຂົ້າຊົມ: 761 | ຄວາມນິຍົມ:

ສະຫາຍ ພົນຈັດຕະວາ ສີລາວົງ ບຸນມີໄຊ ເລຂາຄະນະພັກ, ຫົວໜ້າການເມືອງ ໂຮງຮຽນ ກໍ່ສ້າງນາຍສິບ ເລກ 1 ໃຫ້ຮູ້ວ່າ: ການກໍ່ສ້າງກົມກອງ 3 ປອດ (ປອດໃສ ປອດໄພ ປອດຄະ ດີ) ໃນໄລຍະຜ່ານມາ, ຄະນະພັກ-ຄະນະບັນຊາແຕ່ລະຂັ້ນ ໄດ້ເອົາໃຈໃສ່ຊີ້ນຳບັນດາອົງການ, ກົມກອງຍົກສູງສະຕິຄວາມເປັນເຈົ້າການ ຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ເພີ່ມທະວີບົດບາດການນຳພາ-ຊີ້ນຳພະນັກງານ-ນັກຮົບ ເຮັດສຳເລັດໜ້າທີ່ການເມືອງ ແລະ ວິຊາສະ ເພາະທີ່ໄດ້ຮັບມອບໝາຍ ໂດຍຖືເອົາການສືກສາອົບຮົມການ ເມືອງ-ນຳພາແນວຄິດເປັນກົກ ເພື່ອເຮັດໃຫ້ພະນັກງານ-ນັກ ຮົບເຂົ້າໃຈແຈ້ງຕໍ່ແນວທາງນະ ໂຍບາຍຂອງພັກ, ມະຕິ, ຄຳສັ່ງ, ຂໍ້ກຳນົດ, ກົດລະບຽບຂອງກອງທັບຢ່າງເຂັ້ມງວດ ພ້ອມນັ້ນ, ຍັງໄດ້ຊີ້ນຳພະແນກປ້ອງກັນພາຍໃນສຸມໃສ່ວຽກງານປ້ອງກັນຢ່າງເຂັ້ມງວດ ເພື່ອຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆ ທີ່ອາດຈະເກີດຂຶ້ນພາຍໃນກົມ ກອງ ແລະ ສາມາດແກ້ໄຂໄດ້ທັນເວລາ; ວຽກງານຮັບປະກັນເຮັດໃຫ້ສະພາບມີຄວາມສະຫງົບໄດ້ຊີ້ນຳພະແນກກໍ່ສ້າງຮາກຖານ ຈັດຕັ້ງໜ່ວຍງານຫັນລົງກໍ່ສ້າງຮາກຖານການເມືອງນຳອົງການປົກຄອງບ້ານ ແລະ ຂອບເຂດກົມກອງຕັ້ງທັບ ປະສານສົມທົບພົວພັນເຮັດວຽກຮ່ວມກັນກ່ຽວກັບວຽກງານປ້ອງກັນຊາດ-ປ້ອງກັນຄວາມສະຫງົບ ເພື່ອເກັບກຳສະພາບ ແລະ ເປົ້າໝາຍທີ່ກໍ່ຄວາມບໍ່ສະຫງົບ ຕິດພັນກັບ 2 ວາລະແຫ່ງຊາດ ຂອງພັກ ແລະ ລັດຖະບານ ໂດຍປິ່ນອ້ອມ 4 ໜ້າ ທີ່ໃຫຍ່ 26 ແຜນງານ ທີ່ຄະນະ ພັກກະຊວງປ້ອງກັນປະເທດວາງອອກ ມາຈັດຕັ້ງຜັນຂະຫຍາຍເຂົ້າໃນໜ້າທີ່ວຽກງານຕົວຈິງໃຫ້ກາຍເປັນຮູບປະທຳ. ປັດຈຸບັນໃນທົ່ວໂຮງຮຽນກໍ່ ສ້າງນາຍສິບ ເລກ 1 ປະກອບມີ 1 ອົງຄະນະພັກ, ມີ 4 ຄະນະພັກ ຮາກຖານ, ມີ 23 ໜ່ວຍພັກທີ່ ຂຶ້ນກັບ ເຊິ່ງໄດ້ຮັບການຕີລາຄາແບ່ງປະເພດການເມືອງພາຍໃນຂອງພະນັກງານ-ນັກຮົບ ປະຈຳປີ 2023 ຜ່ານມາ ພ້ອມທັງໄດ້ຮັບຮອງເປັນກົມກອງ 3 ປອດ (ປອດໃສ ປອດໄພ ປອດຄະດີ) ປະເພດ I ມີ 872 ສະຫາຍ ເທົ່າກັບ 90,45%, ປະເພດ II ມີ 92 ສະຫາຍ ເທົ່າກັບ 9,54%, ກົມກອງ 3 ປອດ ປະເພດ I ມີ 2 ກົມກອງ, ປະເພດ II ມີ 10 ກົມ ກອງ. ສະຫາຍ ພົນຈັດຕະວາ ສີລາວົງ ບຸນມີໄຊ ຍັງໃຫ້ຮູ້ຕື່ມອີກວ່າ: ໃນຕໍ່ໜ້າ ຈະໄດ້ສຸມໃສ່ກໍ່ສ້າງກົມກອງ 3 ປອດ (ປອດໃສ ປອດໄພ ປອດຄະດີ) ຍູ້ແຮງການສ້າງໜ່ວຍພັກປອດໃສ ເຂັ້ມແຂງ ໜັ້ກແໜ້ນ ຍົກສູງຄຸນທາດການເມືອງໃຫ້ພະນັກງານ-ນັກຮົບມີຄວາມອຸ່ນອຽນທຸ່ນທ່ຽງ ເຊື່ອໝັ້ນຕໍ່ການນຳພາຂອງພັກ ແລະ ປະຕິບັດລະບຽບກົດໝາຍຂອງລັດຢ່າງເຂັ້ມງວດ, ມີສະຕິລະວັງຕົວຕໍ່ກົນອຸບາຍຫັນປ່ຽນຂອງກຳລັງອິດທິປໍລະປັກ ເປັນເຈົ້າການຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆ ເພື່ອຮັບປະກັນເຮັດໃຫ້ກົມກອງມີຄວາມສະຫງົບໂດຍພື້ນຖານ ພ້ອມກັນນັ້ນ, ກໍສຸມໃສ່ສ້າງກອງ 3 ປອດ ໃຫ້ເພີ່ມຂຶ້ນທາງດ້ານຈຳນວນ ແລະ ຄຸນນະພາບ. ໂດຍ: ນ້ອຍຈັນໄພ ແກ້ວວັນເຮືອງ

news to day and hot news