ວັນສຸກ, ວັນທີ 06 ທັນວາ 2024
ສະແດງຜ່ານລາຍການ ກະກຽມຮັບໃຊ້ກອງປະຊຸມ ລັດຖະມົນຕີປ້ອງກັນປະເທດອາຊຽນ-ບວກ ຄັ້ງທີ 11 ແລະ ກອງປະຊຸມປິ່ນອ້ອມ
ເວລາອອກຂ່າວ: 2024-11-08 12:43:18 | ຜູ້ຂຽນ : admin2 | ຈຳນວນຄົນເຂົ້າຊົມ: 1018 | ຄວາມນິຍົມ: 
ວັນທີ 7 ພະຈິກ 2024 ນີ້, ກອງສິລະປະກອນກອງທັບ ໄດ້ຈັດຕັ້ງການສະແດງຜ່ານລາຍການເພື່ອກະກຽມເຄື່ອນໄຫວສະແດງຮັບໃຊ້ ກອງປະຊຸມລັດຖະມົນຕີປ້ອງກັນປະເທດອາຊຽນ-ບວກ ຄັ້ງທີ 11 ແລະ ກອງປະຊຸມປິ່ນອ້ອມ, ໂດຍການເຂົ້າຮ່ວມຮັບຊົມຂອງ ສະຫາຍ ພົນໂທ ສຈ ປອ ວົງຄຳ ພົມມະກອນ ກຳມະການສູນກາງພັກ, ຮອງລັດທະມົນຕີກະຊວງປ້ອງກັນປະເທດ, ມີ ສະຫາຍ ພົນຕີ ວົງສອນ ອິນປານພີມ ກຳມະການຄະນະປະຈຳພັກ ກະຊວງປ້ອງກັນປະເທດ, ຮອງຫົວໜ້າ ກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາກົມ, ຫ້ອງການ, ຄະນະຮັບຜິດຊອບ ແລະ ພະນັກງານ-ນັກສະແດງເຂົ້າຮ່ວມ.
ສະຫາຍ ພັນໂທ ຈັນທີ ບຸດດາແກ້ວ ຫົວໜ້າການເມືອງ ກອງສິລະປະກອນກອງທັບ ໄດ້ກ່າວວ່າ: ໂດຍອີງຕາມແຜນດຳເນີນ ວ່າດ້ວຍການກະກຽມເປັນເຈົ້າພາບ ແລະ ປະທານກອງປະຊຸມລັດຖະມົນຕີປ້ອງກັນອາຊຽນ ແລະ ກອງປະຊຸມປິ່ນອ້ອມຂອງກະຊວງປ້ອງກັນປະເທດ ແລະ ພາຍໃຕ້ການຊີ້ນໍາຂອງກົມໂຄສະນາອົບຮົມ ກົມໃຫຍ່ການເມືອງກອງທັບ ໂດຍມອບໃຫ້ກອງສິລະປະກອນກອງທັບ ກະກຽມນັກສະແດງ ແລະ ຫັດແອບລາຍການສະແດງ ເພື່ອເຂົ້າຮ່ວມກິດຈະກຳສະແດງ ສິລະປະ-ວັດທະນະທຳ ໃນກອງປະຊຸມ ລັດຖະມົນຕີປ້ອງກັນປະເທດອາຊຽນ-ບວກ ຄັ້ງທີ 11 ແລະ ກອງປະຊຸມປິ່ນອ້ອມ. ເຊິ່ງໃນນັ້ນ, ຄະນະພັກ-ຄະນະບັນຊາກອງສິລະກອນປະກອນກອງທັບ ຈຶ່ງໄດ້ກະກຽມ ແລະ ເຝິກຊ້ອມລາຍການສະແດງ ເຊິ່ງລວມທັງໝົດມີ 18 ລາຍການ, ເຊິ່ງເປັນລາຍການຂະໜາດໃຫຍ່ ມີຈໍານວນນັກສະແດງເຂົ້າຮ່ວມທັງໝົດ 70 ສະຫາຍ. ເຊິ່ງເນື້ອໃນ ແລະ ຮູບການສະແດງແຕ່ລະລາຍການ ໄດ້ສ່ອງແສງໃຫ້ເຫັນເຖິງນ້ຳໃຈຄວາມສາມັກຄີມິດຕະພາບ ລະຫວ່າງຊາດອາຊຽນ ສ່ອງແສງໃຫ້ເຫັນວັດທະນະທໍາອັນດີງາມຂອງແຕ່ລະປະເທດໂດຍຜ່ານເນື້ອຮ້ອງທຳນອງເພງ ແລະ ເຕັກນິກການສະແດງ ເພື່ອໂຄສະນາເຜີຍແຜ່ໃຫ້ຊາວໂລກໄດ້ຮັບຮູ້ຄວາມເປັນໜຶ່ງດຽວໃນອາຊຽນໂດຍຜ່ານສິລະປະການສະແດງ. ພາຍຫຼັງສໍາເລັດການສະແດງ ຄະນະຊີ້ນຳ ແລະ ຄະນະຮັບຜິດຊອບແຕ່ລະພາກສ່ວນ ກໍໄດ້ພ້ອມກັນປະກອບຄຳຄິດເຫັນ ຢ່າງກົງໄປກົງມາ ເພື່ອພ້ອມກັນປັບປຸງແຕ່ລະລາຍການສະແດງໃຫ້ຖືກຕ້ອງສອດຄ່ອງ, ມີຄວາມອ່ອນຊ້ອຍ ແລະ ຈົບງາມ.
ໂດຍ: ຈອນນີ້
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
