ວັນສຸກ, ວັນທີ 06 ທັນວາ 2024
ກົມໃຫຍ່ການເມືອງກອງທັບ ປາຖະກະຖາ ວັນກຳລັງທະຫານອາສາສະໝັກ ແລະ ຊ່ຽວຊານຫວຽດນາມ
ເວລາອອກຂ່າວ: 2024-11-08 16:01:04 | ຜູ້ຂຽນ : admin2 | ຈຳນວນຄົນເຂົ້າຊົມ: 1137 | ຄວາມນິຍົມ: 
ວັນທີ 8 ພະຈິກ 2024 ນີ້, ກົມໃຫຍ່ການເມືອງກອງທັບ ໄດ້ປາຖະກະຖາມູນເຊື້ອວັນກໍາລັງທະຫານອາສາສະໝັກ ແລະ ຊ່ຽວຊານຫວຽດນາມ ຄົບຮອບ 75 ປີ (30 ຕຸລາ 1949-30 ຕຸລາ 2024) ໂດຍການເປັນປະທານ ແລະ ປາຖະກະຖາຂອງ ສະຫາຍ ພົນຕີ ວົງສອນ ອິນປານພີມ ກໍາມະການຄະນະປະຈຳພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາ, ກົມ, ກອງ, ຫ້ອງການ, ສູນເສຍອົງຄະ ແລະ ພະນັກງານ-ນັກຮົບ ເຂົ້າຮ່ວມ.
ສະຫາຍ ພົນຕີ ວົງສອນ ອິນປານພີມ ໄດ້ກ່າວຫວນຄືນມູນເຊື່ອອັນພິລະອາດຫານ ຂອງກໍາລັງອາສາສະໝັກ ແລະ ຊ່ຽວຊານຫວຽດນາມ ທີ່ໄດ້ປະຕິບັດໜ້າທີ່ຢູ່ ສປປ ລາວ ທີ່ໄດ້ສູ້ຮົບຄຽງບາຄຽງໄຫຼ່ກັບກອງທັບປະຊາຊົນລາວ ໃນບັ້ນຮົບຢູ່ພາກໃຕ້ ແລະ ພາກກາງຂອງລາວ, ເຊິ່ງໄດ້ພ້ອມກັນປະຕິບັດບັ້ນຮົບໃຫຍ່ຢູ່ເສັ້ນທາງເລກ 8, ເລກ 12, ບີ 1963 ຢູ່ທີ່ນໍ້າບາກ, ຜາຖີ 1968, ທົງໄຫຫີນ ຊຽງຂວາງ 1964-1969, 1970-1972, ເສັ້ນທາງເລກ 9 ພາກໃຕ້ ລາວ 1971 ບັນດາບັ້ນຮົບບຸກຕີຢູ່ສະໜາມຮົບລາວ ລ້ວນແຕ່ມີການປະສານສົມທົບຈາກກຳລັງປະກອບອາວຸດທັງ 2 ປະເທດ ລາວ-ຫວຽດນາມ ໄດ້ປະກອບສ່ວນຕີໃຫ້ຍຸດທະສາດ ສົງຄາມພິເສດ ແລະ ພິເສດເພີ່ມທະວີ ຂອງຈັກກະພັດອາເມຣິກາຢູ່ລາວປະລາໄຊ, ພິເສດ ຢູ່ໃນຊຸມປີ 1969-1972 ຈັກກະພັດອາເມຣິກາ ໄດ້ປະຕິບັດນໍາໃຊ້ຍຸດທະສາດ ສົງຄາມເພີ່ມທະວີ ເຊິ່ງໄດ້ນຳໃຊ້ກຳລັງສ່ວນໃຫຍ່ຂອງທະຫານຫຸ່ນລາວ, ກຳລັງຕີພິເສດຂອງໄທ ໂດຍມີການຊ່ວຍໜູນຢ່າງແຂງແຮງຈາກກອງທັບອາກາດອາເມຣິກາ ເປີດບັນດາບັ້ນຮົບບຸກຕີໃຫຍ່ຂຶ້ນ ແນ່ໃສ່ເພື່ອຮັດແຄບເຂດປົດປ່ອຍຂອງລາວ, ກ້າວສູ່ການດັບສູນກຳລັງປະຕິວັດ, ກອງກຳລັງອາສາສະໝັກ ແລະ ຊ່ຽວຊານການທະຫານຫວຽດນາມ ກໍໄດ້ຄຽງຂ້າງພ້ອມກັບກຳລັງປະກອບອາວຸດ ແລະ ປະຊາຊົນລາວຕ່າວໂຈມຕີຢ່າງພິລະອາດຫານ, ຕີໃຫ້ບັນດາບັ້ນຮົບ ເຄື່ອນທັບກວາດລ້າງຄື: ບັ້ນຮົບ ກູ້ກຽດ, ທະນົງ ກຽດ, ສາມສອນ, ສອນໄຊ 1, ສອນໄຊ 2, ກັນຍາກຽດ, ມັງກອນກຽດ, ສີໂຄດຕະບອງ, ສິງຄຳ, ໄຊຍະວົງ ແລະ ອື່ນໆ ຂອງພວກເຂົາໃຫ້ປະລາໄຊຢ່າງເຈັບແສບ. ສົມທົບກັບການດັບສູນບັນດາທີ່ໝັ້ນຂອງກອງປຸ້ນຢູ່ພາກເໜືອຂອງລາວ, ຜາຖີ ແລະ ບັນດາທີ່ໝັ້ນຂອງກຳລັງພິເສດວ່າງປາວຢູ່ເຂດຊຳທອງ-ລ້ອງແຈ້ງ, ໃນການປາຖະກະຖາວັນກຳລັງທະຫານອາສາສະໝັກ ແລະ ຊ່ຽວຊານຫວຽດນາມໃນຄັ້ງນີ້, ຍັງໄດ້ສືບຕໍ່ເອົາໃຈໃສ່ສຶກສາອົບຮົມປະຫວັດມູນເຊື້ອຄວາມສາມັກຄີຮ່ວມສຳພັນສູ້ຮົບພິເສດ ລາວ-ຫວຽດນາມ ໃນທົ່ວພັກ, ທົ່ວລັດ, ກອງທັບ ແລະ ປະຊາຊົນລາວບັນດາເຜົ່າຮັບຮູ້ເຊື່ອມຊຶມເຫັນໄດ້ຄວາມໝາຍ ຄວາມສຳຄັນ, ຜົນງານ ແລະ ໄຊຊະນະການຊ່ວຍເຫຼືອອັນໃຫຍ່ຫຼວງລ້ຳຄ່າຂອງກອງທັບ ແລະ ປະຊາຊົນອ້າຍນ້ອງ ລາວ-ຫວຽດນາມ ບົນຈິດໃຈສາກົນກຳມະຊີບອັນຜ່ອງໃສ ແລະ ຍັງຈັດຕັ້ງໂຄສະນາ ດ້ວຍຫຼາຍຮູບແບບ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
