ວັນສຸກ, ວັນທີ 06 ທັນວາ 2024
ໂຮງຮຽນກໍ່ສ້າງນາຍສິບ ເລກ 2 ວຽງໄຊ ຕີລາຄາການຮຽນ-ການສອນ, ການອົບຮົມ-ຫັດແອບ ໄລຍະ 3 ເດືອນ
ເວລາອອກຂ່າວ: 2024-11-11 08:57:01 | ຜູ້ຂຽນ : admin1 | ຈຳນວນຄົນເຂົ້າຊົມ: 402 | ຄວາມນິຍົມ: 
ວັນທີ 5 ພະຈິກ 2024 ນີ້, ໂຮງຮຽນກໍ່ສ້າງນາຍສິບ ເລກ 2 ວຽງໄຊ ໄດ້ຕີລາຄາການຈັດຕັ້ງປະຕິບັດວຽກງານການຮຽນ-ການສອນ, ການອົບຮົມ-ຫັດ ແອບ ໄລຍະ 3 ເດືອນ ປະຈຳສົກ ຮຽນ 2024-2025, ໂດຍການ ເປັນປະທານຂອງ ສະຫາຍ ພັນເອກ ສຳລີ ຈັນທະວົງ ຫົວໜ້າການເມືອງ, ມີຄະນະພັກ-ຄະນະອຳນວຍການໂຮງຮຽນ, ຄະນະພັກ-ຄະນະບັນ ຊາ 6 ຫ້ອງ, 4 ກອງພັນ, ກອງຮ້ອຍ ເຂົ້າຮວ່ມ.
ສະຫາຍ ພັນໂທ ຄຳຫຼ້າ ວົງສົມພູ ຫົວໜ້າຫ້ອງອົບຮົມ-ກໍ່ສ້າງ ໄດ້ສະຫຼຸບຕີລາຄາຄືນໃນການຈັດຕັ້ງປະຕິບັດໂຄງການຫຼັກສູດການຮຽນ-ການສອນ, ການອົບຮົມ-ຫັດແອບ ເຫັນວ່າທັນຕາມກຳນົດເວລາ, ຖືກຕ້ອງຕາມທິດຊີ້ນຳ ຂອງກົມໂຮງຮຽນ ກົມໃຫຍ່ເສນາທິການກອງທັບ ກໍຄືກະຊວງສຶກສາທິການ ແລະ ກິລາວາງອອກ ເປັນຕົ້ນແມ່ນ ການກະກຽມດ້ານເນື້ອໃນ, ແຜນ ການ, ງົບປະມານ ແລະ ວັດຖຸຮັບປະກັນຮັບໃຊ້ ໄດ້ມີການກະ ກຽມເປັນລະບົບຄົບຊຸດ, ລະ ບົບຕຳລາສອນ, ຕຳລາຮຽນໃນ ແຕ່ລະວິຊາ ມີຄວາມຮັບປະກັນ 100% ແລະ ໄດ້ຮັບການຊີ້ນຳໂດຍກົງຮອບດ້ານຈາກຄະນະພັກ-ຄະນະອຳນວຍການໂຮງ ຮຽນ, ໃກ້ຊິດຕິດແທດຈາກຄະ ນະພັກ-ຄະນະບັນຊາແຕ່ລະຂັ້ນ, ພະນັກງານ ຄູ-ອາຈານ ມີຄວາມຮັບຜິດຊອບສູງຕໍ່ໜ້າທີ່ການ ເມືອງຂອງຕົນ, ຄະນະບັນຊາກອງພັນ, ກອງຮ້ອຍ ໃຫ້ຄວາມຮ່ວມມື, ຊຸກຍູ້ຂະບວນການຮ່ຳ ຮຽນ, ຄຸ້ມຄອງດ້ານລະບຽບແບບແຜນ ເປັນຕົ້ນແມ່ນການປະ ຕິບັດ 7 ລະບອບ 18 ວຽກໃນແຕ່ລະວັນ, ຕິດຕາມກວດກາການນຸ່ງຖື, ຄວາມເປັນລະບຽບຮຽບຮ້ອຍ ກ່ອນຂຶ້ນຫ້ອງ ພ້ອມນຳສົ່ງນັກຮຽນມອບໃຫ້ຄູ-ອາຈານ ຢູ່ຫ້ອງຮຽນ ແລະ ພາກປະຕິບັດຕົວ ຈິງຢູ່ພາກສະໜາມເປັນປົກກະຕິ ສະເພາະນັກຮຽນ ໄດ້ເອົາ ໃຈໃສ່ຂຶ້ນຫ້ອງຄົ້ນຄວ້າຮ່ຳຮຽນ ແລະ ປະຕິບັດບັນດາຂໍ້ກຳນົດ, ກົດລະບຽບຂອງໂຮງຮຽນ ກໍຄືຂອງ
ກອງທັບໄດ້ຢ່າງເຂັ້ມງວດ.
ກອງປະຊຸມໄດ້ພ້ອມກັນແລກປ່ຽນຄວາມຄິດເຫັນຖອດຖອນບົດຮຽນເພື່ອປັບປຸງການຮຽນ-ການສອນໃຫ້ນັບມື້ມີຄຸນນະພາບດີຂຶ້ນ.
ໂດຍ: ຄຳແປງ ຟອງສາຍໄໝ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
