ວັນສຸກ, ວັນທີ 06 ທັນວາ 2024
ກອງພົນທີ 2 ມອບ-ຮັບໜ້າທີ່ລະຫວ່າງຮອງຫົວໜ້າພະແນກການເງິນຜູ້ເກົ່າ ແລະ ຮັກສາການຮອງຫົວໜ້າພະແນກການເງິນຜູ້ໃໝ່
ເວລາອອກຂ່າວ: 2024-11-11 13:45:52 | ຜູ້ຂຽນ : admin2 | ຈຳນວນຄົນເຂົ້າຊົມ: 776 | ຄວາມນິຍົມ: 
ໃນວັນທີ 7 ພະຈິກ 2024 ນີ້, ກອງພົນທີ2 ໄດ້ຈັດພິທີມອບ-ຮັບໜ້າທີ່ລະຫວ່າງຮອງຫົວໜ້າພະແນກການເງິນຜູ້ເກົ່າ ແລະ ຮັກສາການຮອງຫົວໜ້າພະແນກການເງິນຜູ້ໃໝ່. ໂດຍການເປັນປະທານຂອງ ສະຫາຍ ພັນເອກ ບຸນກໍ່າ ພິມພົງພັນ ຫົວໜ້າຫ້ອງພະລາທິການ ກອງພົນທີ 2, ມີພະແນກການທີ່ກ່ຽວຂ້ອງ , ຕະຫຼອດຮອດພະນັກງານວິຊາສະເພາະການເງິນເຂົ້າຮ່ວມ.
ສະຫາຍ ພັນໂທ ສຸເຫຼັກ ອຸມະວົງ ຫົວໜ້າພະແນກການເງິນ ກອງພົນທີ 2 ໄດ້ຜ່ານຂໍຕົກລົງຂອງຫົວໜ້າ ກອງພົນທີ 2 ວ່າດ້ວຍການແຕ່ງຕັ້ງຮັກສາການຮອງຫົວໜ້າພະແນກການເງິນ ກອງພົນທີ 2 ແລະ ຂໍຕົກລົງວ່າດ້ວຍແຕ່ງຕັ້ງຜູ້ຮັບຜິດຊອບຄັງເງິນສົດຜູ້ໃໝ່ ພ້ອມທັງຜ່ານບົດບັນທຶກການມອບ-ຮັບຮອງຫົວໜ້າພະແນກການເງິນຜູ້ເກົ່າ ແລະ ຮັກສາການຮອງຫົວໜ້າພະແນກການເງິນຜູ້ໃໝ່ ແລະ ມອບຮັບນາຍຄັງຜູ້ເກົ່າ ແລະ ຜູ້ໃໝ່. ຈາກນັ້ນ, ສະຫາຍ ພັນໂທ ທອງດີ ສີສູນທອນ ຮອງຫົວໜ້າພະແນກການເງິນຜູ້ເກົ່າໄດ້ກ່າວມອບໜ້າທີ່ໃຫ້ ສະຫາຍ ພັນຕີ ທອງເພັດ ອິນດາວົງ ຮັກສາການຮອງຫົວໜ້າພະແນກການເງິນຜູ້ໃໝ່ ຢ່າງເປັນທາງການ.
ໂອກາດນີ້, ສະຫາຍ ພັນເອກ ບຸນກໍ່າ ພິມພົງພັນ ກໍ່ໄດ້ມີຄໍາເຫັນໂອ້ລົມແລະ ເນັ້ນໜັກໃຫ້ຜູ້ທີ່ໄດ້ຮັບໜ້າທີ່ໃໝ່ ຈົ່ງສືບຕໍ່ເພີ່ມທະວີຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ຈັດຕັ້ງປະຕິບັດໃນຂົງເຂດວຽກງານວິຊາສະເພາະທີ່ຂັ້ນເທິງມອບໝາຍໃຫ້ມີຜົນສຳເລັດເປັນຢ່າງດີ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
