POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 07 ທັນວາ 2024

ປະກາດການແຕ່ງຕັ້ງ ຫົວໜ້າພະແນກພະລາທິການ ກອງພັນໃຫຍ່ລູກສອນໄຟໜ້າດິນ 621
ເວລາອອກຂ່າວ: 2024-11-11 15:51:31 | ຜູ້ຂຽນ : admin2 | ຈຳນວນຄົນເຂົ້າຊົມ: 1063 | ຄວາມນິຍົມ:

ການປະກາດການແຕ່ງຕັ້ງຫົວໜ້າພະແນກພະລາທິການກອງພັນໃຫຍ່ລູກສອນໄຟໜ້າດິນ 621 ໄດ້ຈັດຂຶ້ນໃນວັນທີ 8 ພະຈິກ 2024 ນີ້, ໂດຍການເປັນປະທານຂອງ ສະຫາຍ ພົນຈັດຕະວາ ຈັນທະຈັກ ໄຊຍະວົງສາ ຮອງຫົວໜ້າກົມໃຫຍ່ພະລາທິການກອງທັບ, ມີຄະນະພັກ-ຄະນະບັນຊາ, ພະແນກການ, ກົົມກອງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ. ສະຫາຍ ພັນໂທ ວຽງແກ້ວ ວົງວຽງຄຳ ຮອງຫົວໜ້າກົມເສນາພະລາ ກົມໃຫຍ່ພະລາທິການກອງທັບ ໄດ້ຜ່ານຂໍ້ຕົກລົງ ຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງຮອງຫົວໜ້າກອງພັນໃຫຍ່ຮັບຜິດຊອບວຽກງານພະລາທິການ ກອງພັນໃຫຍ່ລູກສອນໄຟໜ້າດິນ 621 ແລະ ຂໍ້ຕົກລົງ ຂອງກົມໃຫຍ່ການເມືອງກອງທັບ ວ່າດ້ວຍການແຕ່ງຕັ້ງຫົວໜ້າຂະແໜງເສນາຮັກ, ແຕ່ງຕັ້ງຄະນະພັກ-ຄະນະອໍານວຍການໂຮງໝໍ ຂຶ້ນກັບ ກອງພັນໃຫຍ່ລູກສອນໄຟໜ້າດິນ 621. ອີງຕາມກົດໝາຍ ນາຍທະຫານກອງທັບປະຊາຊົນລາວ ( ສະບັບປັບປຸງ ) ໃນພາກ ທີ II ໝວດທີ 4 ມາດຕາ 26 ວ່າດ້ວຍການແຕ່ງຕັ້ງ, ຍົກຍ້າຍ ນາຍທະຫານ ໃນນັ້ນ, ກະຊວງປ້ອງກັນປະເທດ ຕົກລົງແຕ່ງຕັ້ງ ສະຫາຍ ພັນໂທ ຄຳສະຫວັນ ວັນນະອີງ ເປັນຮອງຫົວໜ້າ ກອງພັນໃຫຍ່ ຮັບຜິດຊອບວຽກງານພະລາທິການ ທັງເປັນຫົວໜ້າພະແນກພະລາທິການ ກອງພັນໃຫຍ່ລູກສອນໄຟໜ້າດິນ 621, ກົມໃຫຍ່ການເມືອງກອງທັບ ຕົກລົງແຕ່ງຕັ້ງ ສະຫາຍ ພັນໂທ ບຸນຫຼ້າ ຖານະສູດ ເປັນຫົວໜ້າຂະແໜງເສນາຮັກ ກອງພັນໃຫຍ່ ລູກສອນໄຟໜ້າດິນ 621, ແຕ່ງຕັ້ງ ສະຫາຍ ຮ້ອຍເອກ ຄຳສິງ ວົງພະຈັນ ເປັນຮອງຫົວໜ້າການເມືອງ ໂຮງໝໍ ກອງພັນໃຫຍ່ ລູກສອນໄຟໜ້າດິນ 621, ແຕ່ງຕັ້ງ ສະຫາຍ ຮ້ອຍເອກ ຄາລົມ ບໍສະຄຳ ເປັນຮອງຫົວໜ້າການທະຫານ ໂຮງໝໍ ກອງພັນໃຫຍ່ລູກສອນໄຟໜ້າດິນ 621. ທັງນີ້, ເພື່ອເປັນການປັບປຸງບູລະນະກົງຈັກການຈັດຕັ້ງນຳພາ-ບັນຊາຢູ່ກອງພັນໃຫຍ່ລູກສອນໄຟໜ້າດິນ 621 ໃຫ້ມີຄວາມໜັກແໜ້ນເຂັ້ມແຂງເພື່ອເຮັດສຳເລັດໜ້າທີ່ໃນສະເພາະໜ້າ ແລະ ຍາວນານ. ໂອກາດນີ້, ສະຫາຍ ພົນຈັດຕະວາ ຈັນທະຈັກ ໄຊຍະວົງສາ ໄດ້ເນັ້ນໜັກໃຫ້ຜູ້ທີ່ໄດ້ຮັບການແຕ່ງຕັ້ງໃນຄັ້ງນີ້, ຍົກສູງຄວາມຮັບຜິດຊອບໜ້າທີ່ການເມືອງຂອງຕົນ ໃນການນຳພາ-ຊີ້ນໍາ, ເຮັດວຽກເປັນໝູ່ຄະນະ ແບ່ງວຽກໃຫ້ບຸກຄົນຮັບຜິດຊອບ ບົນພື້ນຖານຫຼັກການລວມສູນປະຊາທິປະໄຕ, ເປັນເສນາທິການໃຫ້ຄະນະພັກຂັ້ນເທິງ ທາງດ້ານວຽກງານກວດກາ ເອົາໃຈໃສ່ເຝິກຝົນ ຫຼໍ່ຫຼອມຕົນເອງໃນທຸກດ້ານ, ປັບປຸງແບບແຜນວິທີເຮັດວຽກໃຫ້ສອດຄ່ອງ, ສືບຕໍ່ປັບປຸງກໍ່ສ້າງ ກົມກອງໃຫ້ມີຄວາມໜັກແໜ້ນ ເຂັ້ມແຂງໃນທຸກດ້ານ ກ້າວໄປສູ່ການປັບປຸງບູລະນະກົງຈັກການຈັດຕັ້ງພາຍໃນໃຫ້ຖືກຕ້ອງສອດຄ່ອງກັບໜ້າທີ່ວິຊາສະເພາະຕົວຈິງຂອງກົມກອງພ້ອມກັນເຮັດສຳເລັດໜ້າທີ່ການເມືອງຂອງກອງທັບໃນໄລຍະໃໝ່. ໂດຍ: ວາດສະໜາ ພຸດທະວົງ.

news to day and hot news