ວັນສຸກ, ວັນທີ 13 ທັນວາ 2024
ທະຫານແຂວງຊຽງຂວາງ ປະກາດການເລື່ອນຊັ້ນ ໃຫ້ນາຍທະຫານ
ເວລາອອກຂ່າວ: 2024-11-12 08:56:32 | ຜູ້ຂຽນ : admin1 | ຈຳນວນຄົນເຂົ້າຊົມ: 718 | ຄວາມນິຍົມ: 
ກອງບັນຊາການທະຫານແຂວງຊຽງຂວາງ ໄດ້ປະກາດການເລື່ອນຊັ້ນໃຫ້ນາຍທະຫານໃນວັນທີ 8 ພະຈິກ 2024 ນີ້ ໂດຍການເປັນປະທານຂອງສະຫາຍ ພັນເອກ ວັນທອງ ພົງສະຫວັນ ເລຂາຄະນະພັກ, ຫົວໜ້າການເມືອງ ກອງບັນຊາການທະຫານແຂວງ, ມີຄະນະພັກ-ຄະນະບັນຊາ ອົງການ, ກົມກອງ ພ້ອມດ້ວຍນາຍທະຫານທີ່ໄດ້ຮັບການເລື່ອນຊັ້ນເຂົ້າຮ່ວມ.
ສະຫາຍ ພັນໂທ ສີສົມພອນ ອ່ອນດາວົງ ຫົວໜ້າພະແນກພະ ນັກງານ ໄດ້ຜ່ານຂໍ້ຕົກລົງ ວ່າດ້ວຍການເລື່ອນຊັ້ນ, ເລື່ອນທຽບຊັ້ນໃຫ້ນາຍທະຫານ ຢູ່ກອງບັນຊາການທະຫານແຂວງຊຽງຂວາງ, ອີງຕາມກົດໝາຍນາຍທະຫານກອງທັບປະຊາຊົນລາວ. ກະຊວງປ້ອງກັນປະເທດ ຕົກລົງ ເລື່ອນຊັ້ນຮ້ອຍເອກ ຂຶ້ນ ພັນຕີ 69 ສະຫາຍ, ຮ້ອຍໂທ ຂຶ້ນຮ້ອຍເອກ 91 ສະຫາຍ ແລະ ຂໍ້ຕົກລົງຂອງກົມໃຫຍ່ການເມືອງກອງທັບ ເລື່ອນຊັ້ນຮ້ອຍຕີ ຂຶ້ນຮ້ອຍໂທ 94 ສະຫາຍ ແລະ ເລື່ອນຊັ້ນ ວາທີ ຂຶ້ນ ຮ້ອຍຕີ 97 ສະຫາຍ ລວມທັງໝົດ 351 ສະຫາຍ.
ສະຫາຍ ພັນເອກ ວັນທອງ ພົງສະຫວັນ ໄດ້ສະແດງຄວາມຍ້ອງ ຍໍຊົມເຊີຍ ແລະ ເນັ້ນໜັກໃຫ້ແຕ່ລະສະຫາຍສືບຕໍ່ເຝິກຝົນຫຼໍ່ຫຼອມຕົນເອງໃນທຸກດ້ານ ບຸກບືນຫ້າວຫັນ, ດຸໝັ່ນຊອກຮູ້ ຄົ້ນຄວ້າຮ່ຳຮຽນ, ຍົກສູງສະຕິຕໍ່ການປະຕິບັດໜ້າທີ່ການເມືອງທີ່ໄດ້ຮັບການມອບໝາຍ, ມີແບບແຜນໃນການດຳລົງຊີວິດທີ່ປອດໃສ ຂາວສະອາດ, ເພີ່ມທະວີຄວາມສາມັກຄີເປັນປຶກແຜ່ນແໜ້ນໜາ, ປັບປຸງແບບແຜນວິທີເຮັດວຽກໃຫ້ແທດເໝາະ, ປະຕິບັດ 5 ຫຼັກ ການ 3 ທິດນຳຂອງພັກ, ເສີມຂະຫຍາຍຫົວຄິດປະດິດສ້າງ, ສຸມສະຕິປັນຍາວິຊາສະເພາະທີ່ຮຽນມາປະກອບສ່ວນເຂົ້າໃນການພັດທະນາກົມກອງ ໃຫ້ມີວິທະຍາສາດ ແລະ ກ້າວໜ້າທັນສະໄໝຢ່າງບໍ່ຢຸດຢັ້ງ.
ໂດຍ: ສົມຮັກ ຈັນທະວົງສາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
